Chez Moi

營業中

休息中

朋友生日，我哋一班女仔去咗食呢一間餐廳慶祝，頭盤我哋全世界都係嗌咗鵝肝，因為呢度煎得好好食，另外主菜我哋叫咗肉眼扒，個扒唔錯但我較為欣賞嘅就係嗰個煎薯仔餅。唔係經常食法國菜嘅我其實非常之鍾意食呢一種薯仔餅，你都知道唔容易整。甜品有兩款我揀咗食戚風蛋糕係因為我好想試吓佢個藍莓伴蛋糕嘅忌廉，另外我想加多一提係餐前我哋會有餐包，而餐包係熱辣辣嘅蒜蓉包，我因為掛住傾偈所以攤左好耐先食，的而且確係失左少少色，但係之後夥計都好好人佢再鋪多一疊熱辣辣嘅上嚟所以服務我覺得係超讚。