山東小城 (西洋菜南街)

營業中

休息中

香港素來都係被外界冠以美食之都東方之珠嘅美譽因為聚集咗唔同地方國家嘅人嘅關係，有好多唔同特色地方嘅美食，例如新疆菜、意大利菜、越南菜,甚至乎去到老撾菜、秘魯菜。今次嘅呢一個餐廳，佢個名叫做山東小城，位於旺角嘅西洋菜南街就係喺天橋右手面太子方向。仲可以話佢係一間fusion菜佢裏面有好多特色嘅美食！🐔山東手撕雞呢一個fusion菜分別就係用咗山東燒雞，加上涼菜嘅手撕雞做法，沾上佢哋嘅汁料好香口🐖黑醋豬軟骨炆得恰到好處嘅豬軟骨真係好好食，加上有香醋唔會油膩，如果叫個飯食我諗我應該要食三碗飯！🧆炸豬扒湯麵係經典嘅上海炸豬扒呀！不過唯獨係湯麵嘅湯底冇咩味道呢個如果改善下就更加好啦！🦑墨魚馬蹄餃+粟米餃呢度嘅餃子皮原來係店舖自己搓㗎！墨魚馬蹄都幾爽口粟米豬肉亦都食得出豬肉好新鮮！特別想講下，佢哋呢度有自家炮製嘅山楂茶同埋會有龍眼蜜，第日下次過嚟都可以再試下！我今日飲咗山楂茶真係覺得唔錯！酸酸甜甜好開胃😋