影片
更多
2023-06-04
58 瀏覽
放假喺香港諗唔到有咩做，最啱就係入長洲！除左有得坐船感受下旅行嘅感覺，我最鍾意長洲有好多小店，唔會好似啲大商場嘅鋪頭重重覆覆。今次入長洲專程嚟呢間「長洲鐵漢」食串燒！店鋪Logo就係肌肉鐵漢，好得意！門口掛左啲兩字燈籠，幾有意思！大家初頭都好懶唔想諗食咩，就叫左個「是但黎甘串」，$298就有20串，隨機咁比＄18以內嘅串燒，都幾抵，最緊要係唔洗諗好方便！另外仲有叫咗幾款野食：香芋丸 上桌時熱辣辣，炸得外脆內軟，中間嘅芋泥好香濃軟滑 ！鐵漢少女心個名改得好得意，其實係豚肉卷住士多啤梨，呢個配搭幾特別，豚肉燒到香噴噴，加埋酸酸咪咪嘅士多啤梨，好味之餘可以減低豚肉嘅油膩感。辛辣明太子手羽呢個正呀！手羽燒到金黃色，中間包住大量明太子。食落香脆多汁，明太子辣辣地好惹味！脆脆平安包 賣相好得意，估唔到平安包都可以燒！入面係流沙奶黃餡，流沙效果又幾好，奶黃好香濃。隔離串豬茜係豚肉芫茜，茜味十足，鍾意芫茜嘅朋友必點！最後叫多個鐵漢撈丁，好滿足！估唔到長洲都有咁正嘅串燒，下次一定再黎！
今次入長洲專程嚟呢間「長洲鐵漢」食串燒！店鋪Logo就係肌肉鐵漢，好得意！門口掛左啲兩字燈籠，幾有意思！
大家初頭都好懶唔想諗食咩，就叫左個「是但黎甘串」，$298就有20串，隨機咁比＄18以內嘅串燒，都幾抵，最緊要係唔洗諗好方便！
另外仲有叫咗幾款野食：
香芋丸
上桌時熱辣辣，炸得外脆內軟，中間嘅芋泥好香濃軟滑 ！
鐵漢少女心
個名改得好得意，其實係豚肉卷住士多啤梨，呢個配搭幾特別，豚肉燒到香噴噴，加埋酸酸咪咪嘅士多啤梨，好味之餘可以減低豚肉嘅油膩感。
辛辣明太子手羽
呢個正呀！手羽燒到金黃色，中間包住大量明太子。食落香脆多汁，明太子辣辣地好惹味！
脆脆平安包
賣相好得意，估唔到平安包都可以燒！入面係流沙奶黃餡，流沙效果又幾好，奶黃好香濃。
隔離串豬茜係豚肉芫茜，茜味十足，鍾意芫茜嘅朋友必點！
最後叫多個鐵漢撈丁，好滿足！
估唔到長洲都有咁正嘅串燒，下次一定再黎！
張貼
