泰醉 (裝修中)

長沙灣嘅街坊又有口福了😋喺明愛醫院附近新開咗呢一間「🍻泰醉」酒吧嘅間隔，又有適合港人而又好味嘅泰菜～「🇹🇭泰式拼盤」&「🦐生蝦刺身」泰式拼盤造型靚靚🩷一個兩層高嘅藤架～上層有無骨鳳爪沙律🥗，下層則有魚餅蝦餅同春卷～無骨鳳爪酸辣適中，彈牙又入味～下層嘅蝦餅同春卷，香脆惹味，小朋友都會鍾意食👍🏻至於魚餅，好香金不換味，亦都只係微微辣，唔食得辣嘅朋友都會鍾意～至於生蝦刺身，虎蝦大大隻又厚肉又彈牙，配埋辣青汁冇得頂😋😋「🍍菠蘿炒飯」/「🥬蒜蓉炒雜菜」/ 「🦑香燒魷魚」先講菠蘿炒飯，佢哋呢度嘅炒飯值得推薦🌟🌟炒得乾身粒粒金黄又分明，鮮蝦亦都大大隻～配上菠蘿，酸酸甜甜，層次分明，正👍🏻至於香燒魷魚，燒得唔會太乾身，仲保留到彈牙juicy, 配埋海鮮酸辣汁，夠晒惹味～