影片
更多
2022-08-01
125 瀏覽
今日嚟到呢間好有名氣嘅黑炭主題Cafe，平時嚟都要大排長龍，今日11點幾到就啱啱好有位，唔使排隊，好好彩，覺得未算好驚喜，但價錢親民都值得一試，主食一般，甜品好食，咖啡唔知係咪叫得唔啱，個人唔太鍾意😂🍴香煎帶子黑松露雜菌扁意粉 $88 (7/10)係扁意粉，軟硬度適中，聞落去好香黑松露味，食落一啲都唔濃，好淡味，雜菌就都香濃好多菇，帶子唔得，好大浸醃嘅味道，好麻麻。但價錢嚟講都食得過！🧇夏日傾情糯米密夫 $102 (8/10)新鮮菠蘿配上百香果醬，甜甜好開胃，乳酪忌廉酸酸地好清新，個糖漿係蜜糖嚟㗎，好香濃蜂蜜味道，甜但唔膩，窩夫係屬於比較香脆，入面係比較濕潤，黏口，唔係好香牛油味，冇咩麵包質感，亦都冇蛋香比較一般，似平嘅雞蛋仔口感🫣反而個自家製牛奶雪糕有驚喜，佢比較有牛奶嘅香味，淡淡地嘅奶香，一啲都唔甜。但總括嚟講$100都真係好抵食，以價錢嚟講好高質，如果窩夫再好食啲就真係完美🥰🍮雞蛋布甸配espresso $60 (5/10)布甸好滑，但冇蛋味，亦都唔甜冇乜味，睇吓有個溶咗嘅焦糖幾香，微苦，忌廉就係甜甜地，加左咖啡勁酸微苦苦😂同個布甸唔係好夾。☕️Charcoal latte $42
🍴香煎帶子黑松露雜菌扁意粉 $88 (7/10)
係扁意粉，軟硬度適中，聞落去好香黑松露味，食落一啲都唔濃，好淡味，雜菌就都香濃好多菇，帶子唔得，好大浸醃嘅味道，好麻麻。但價錢嚟講都食得過！
🧇夏日傾情糯米密夫 $102 (8/10)
新鮮菠蘿配上百香果醬，甜甜好開胃，乳酪忌廉酸酸地好清新，個糖漿係蜜糖嚟㗎，好香濃蜂蜜味道，甜但唔膩，窩夫係屬於比較香脆，入面係比較濕潤，黏口，唔係好香牛油味，冇咩麵包質感，亦都冇蛋香比較一般，似平嘅雞蛋仔口感🫣反而個自家製牛奶雪糕有驚喜，佢比較有牛奶嘅香味，淡淡地嘅奶香，一啲都唔甜。但總括嚟講$100都真係好抵食，以價錢嚟講好高質，如果窩夫再好食啲就真係完美🥰
🍮雞蛋布甸配espresso $60 (5/10)
布甸好滑，但冇蛋味，亦都唔甜冇乜味，睇吓有個溶咗嘅焦糖幾香，微苦，忌廉就係甜甜地，加左咖啡勁酸微苦苦😂同個布甸唔係好夾。
☕️Charcoal latte $42 (5/10)
咖啡係黑炭咖啡底同普通咖啡冇分別，飲落去偏向酸味，咖啡味都未夠香濃，餘諳唔夠，奶都唔出唔香。個人唔鍾意酸嘅咖啡
推薦指數: 7/10
深水埗嘅Cafe價錢應該唔會太貴，所以我覺得個性價比都高嘅，起碼唔使好貴就食到Cafe嘅質素，個人來講甜品好食主菜就好正常，布甸同咖啡就麻麻哋。如果特登去排隊食就不了，經過嘅話可以一試！
張貼
