影片
更多
2025-01-13
594 瀏覽
呢排天氣都比較凍~除左打邊爐外仲可以去食烤肉今次同朋友黎到長沙灣既會長之家~除左烤肉仲有燒鰻魚一坐低店員先將韓式4小碟奉上，有辣蘿蔔、芽菜、青瓜＆泡菜。枱上亦都預先有圍裙提供，非常貼心。韓式燒鰻魚（4件）$ 148店員會先用豬油膏搽勻個爐，仲會幫忙燒，較好時間轉呢一邊，全程唔使自己郁手，超好服務。Timer一響店員提醒搽鰻魚汁就食得。塊皮燒到脆卜卜，肉質鮮甜嫰滑，同日式既好唔同，鍾意食鰻魚既你真係唔好錯過。26 days dried age熟成西班牙黑毛豬梅頭肉 $108燒完鰻魚就輪到燒3大片黑毛豬梅頭肉，好快已經熟，店員仲有剪到一口一件既size。外層香脆，入口有一陣咸香味，咬落仲有肉汁，送飯一流。醬油蟹拼盤配飯（蟹X1蝦X4）$ 308居然有醬油蟹同蝦唔係唔食呀嘛！蟹既質素真係好唔錯，爆晒膏夠凍、好入味但唔會死咸，帶少少甜，蟹腳同蟹鉗同樣有好多肉，好有驚喜。蝦頭同樣爆膏，蝦肉爽口入味，一人半碗飯話咁快就食晒。兩個加埋一都係六百幾蚊，絕對食得過。
今次同朋友黎到長沙灣既會長之家~除左烤肉仲有燒鰻魚
一坐低店員先將韓式4小碟奉上，有辣蘿蔔、芽菜、青瓜＆泡菜。枱上亦都預先有圍裙提供，非常貼心。
韓式燒鰻魚（4件）$ 148
店員會先用豬油膏搽勻個爐，仲會幫忙燒，較好時間轉呢一邊，全程唔使自己郁手，超好服務。
Timer一響店員提醒搽鰻魚汁就食得。塊皮燒到脆卜卜，肉質鮮甜嫰滑，同日式既好唔同，鍾意食鰻魚既你真係唔好錯過。
26 days dried age熟成西班牙黑毛豬梅頭肉 $108
燒完鰻魚就輪到燒3大片黑毛豬梅頭肉，好快已經熟，店員仲有剪到一口一件既size。外層香脆，入口有一陣咸香味，咬落仲有肉汁，送飯一流。
醬油蟹拼盤配飯（蟹X1蝦X4）$ 308
居然有醬油蟹同蝦唔係唔食呀嘛！蟹既質素真係好唔錯，爆晒膏夠凍、好入味但唔會死咸，帶少少甜，蟹腳同蟹鉗同樣有好多肉，好有驚喜。蝦頭同樣爆膏，蝦肉爽口入味，一人半碗飯話咁快就食晒。
兩個加埋一都係六百幾蚊，絕對食得過。
張貼
