大丈夫食堂

營業中

休息中

同事們介紹咗一間新嘅日本餐廳，喺長沙灣地鐵站附近嘅新樓盤樓下，聽講吉列豬扒同刺身都好正，lunch時間成日都要排隊，今次終於到我食啦！｛吉列豬扒定食 $108｝份量好大，有六大件吉列豬扒，新鮮炸起非常香脆！｛角切魚生丼 $108｝用料講究，有大隻虎蝦、帶子同厚切三文魚、油金魚、牛油果等等，超級鮮味！｛壽司烏冬定食 $63｝五件壽司配上油揚烏冬，性價比極高之選！｛鹽燒牛舌定食 $98｝一百蚊唔洗可以有得食一人燒肉，每塊牛舌都可以自己控制熟度，牛舌偏薄切但彈牙。每個定食仲配沙律、日式蒸蛋、漬物同麵豉湯，食完真係好滿足，聽講呢度有需要仲可以添飯嫁！