焯記

營業中

休息中

今日睇完戲，之後想搵啲暖肚嘅野嚟食。上openrice見到呢間主打上海麵嘅舖頭，仲話個湯底是日式湯底，就決定一試。去到都好光猛，入面都坐滿左七八成。佢個餐牌都好簡單，好快我哋就叫左一碗炸豬扒上海麵同一碗豬肉丸米粉，另外每碗都送左一份涼菜，我哋要左冷豆腐同涼伴木耳。小食我哋要左一份滷水拼盤，一份炸燒賣同一碟無骨鳳爪。飲品我哋加配左一支烏龍冷泡茶，一支茉莉冷泡茶，每樣都係加五蚊。碗湯麵上枱熱辣辣，就咁飲都已經好入味，如果唔怕辣，仲可以加餐廳自家製嘅櫻花蝦油，辣得嚟又有特別嘅感覺。炸豬扒好大份，豬肉丸都好實淨，而兩碗麵都好夠食，唔會煮過頭。而啲小食都好唔錯，涼菜細細份但好香口，滷水拼盤食落好爽口，雖然無左生腸，但可以自己揀翻一條補數。炸燒賣有五粒，點埋個甜酸醬就好好食。鳳爪有啲啲辣但無骨食落就好爽。飲品就大大支，夠凍都好飲。咁樣叫都唔使二百蚊，好值得一試！#長沙灣美食 #香港美食 #香港必食 #香港探店 #香港打卡 #香港旅遊 #香港必喝 #長沙灣探店 #香港好去處 #長沙灣推薦食品