三五碗車仔麵

營業中

休息中

位於長沙灣❣︎三五碗車仔麵❣︎係一間超多元化嘅港式餐廳，除左招牌車仔麵，仲有串燒，雞煲，泡飯等等⋯⋯價錢大眾化，裝修乾淨企理，車仔麵餸多達40款，湯底都有5款選擇，而且份量多👍🏻車仔麵控必試。❣︎5餸車仔麵❣︎$60豬手，豬大腸，豬肚，蘿蔔，唐生菜清雞湯油麵。⭐️必食推薦😋👍🏻豬大腸同豬肚，豬大腸口感軟韌滑順，相當入味，豬肚軟嫩無腥味。❣︎4餸車仔麵❣︎$51牛筋，雞翼尖，冬菇，菜心清雞湯米線。⭐️必食推薦😋👍🏻米線，呢到嘅米線特別爽滑彈牙，加埋佢嘅清雞湯清而夠味，超好食。❣︎韮菜湯餃(5隻)❣︎$38韮菜餃皮薄餡料足，湯頭仲跟埋生菜同大量蔥花，望落相當開胃。❣︎燒雞腎串❣︎$16串燒可以選擇辣度，雞腎味道香濃，燒得好爽脆。❣︎燒羊肉串❣︎$22羊肉鮮嫩，味道醃得相當好😋👍🏻咸辣適中。