影片
更多
2023-08-13
45 瀏覽
位於尖沙咀棉登徑既日式居酒屋，餐廳滿滿既日本風味及氛圍，當然已經唔係第一次食黑門水產，而今次終於的起心肝寫食評，紀錄一下滿足既一晚，下次會再黎！✨蟹油蒜燒帆立貝 $88黑門水產第一必食既貝燒，超級多蒜，100％岩哂蒜控既我，蔥＋野菌＋牛油＋炸蒜真係好無敵既組合而且帆立貝都大粒，剪開幾份但都夠二人份量，開胃又美味。✨海膽蟹味噌甲羅燒 $88黑門水產第二必食既甲羅燒，勁濃郁蟹膏味，仲有蟹肉，海膽，蟹子，鵪鶉生蛋，撈埋一齊係完美配搭，如果有多兩塊餅乾就好，講真餅乾又唔係貴，唔夠喉，但又唔想嗌多一份因為好邪惡，仲要留肚試其他新菜式。✨鐵板燒山賊醬蟹蒜地雞 $138雞肉好嫩，仲有洋蔥蟹蒜調味，味道方面絕對唔擔心，好入味，而且黑椒味好濃，兩個人食既話可能會較為heavy偏咸，可能一大班人食既話會更好，食3舊都差不多，因為佢份量都好多，好抵食，適合3個人以上嗌~✨黑門令鰻魚漢堡 $88/pc基本上係黑門必嗌之選，上下都係大大塊鰻魚，焦香味重，濃郁得黎細嫩肉滑，夾住玉子同醋飯，飽肚之餘超好食，大滿足，極力推薦！留意番中間有紫蘇葉，個人就一般般，唔鐘意既話可以自行拎走。✨長崎本釣池魚 $228用網捕獲既
位於尖沙咀棉登徑既日式居酒屋，餐廳滿滿既日本風味及氛圍，當然已經唔係第一次食黑門水產，而今次終於的起心肝寫食評，紀錄一下滿足既一晚，下次會再黎！
✨蟹油蒜燒帆立貝 $88黑門水產第一必食既貝燒，超級多蒜，100％岩哂蒜控既我，蔥＋野菌＋牛油＋炸蒜真係好無敵既組合而且帆立貝都大粒，剪開幾份但都夠二人份量，開胃又美味。
✨海膽蟹味噌甲羅燒 $88
黑門水產第二必食既甲羅燒，勁濃郁蟹膏味，仲有蟹肉，海膽，蟹子，鵪鶉生蛋，撈埋一齊係完美配搭，如果有多兩塊餅乾就好，講真餅乾又唔係貴，唔夠喉，但又唔想嗌多一份因為好邪惡，仲要留肚試其他新菜式。
✨鐵板燒山賊醬蟹蒜地雞 $138雞肉好嫩，仲有洋蔥蟹蒜調味，味道方面絕對唔擔心，好入味，而且黑椒味好濃，兩個人食既話可能會較為heavy偏咸，可能一大班人食既話會更好，食3舊都差不多，因為佢份量都好多，好抵食，適合3個人以上嗌~
✨黑門令鰻魚漢堡 $88/pc基本上係黑門必嗌之選，上下都係大大塊鰻魚，焦香味重，濃郁得黎細嫩肉滑，夾住玉子同醋飯，飽肚之餘超好食，大滿足，極力推薦！留意番中間有紫蘇葉，個人就一般般，唔鐘意既話可以自行拎走。
✨長崎本釣池魚 $228用網捕獲既魚，魚會係網入面掙扎，客易受傷，肉質可能無咁鮮美，相較之下一本釣既魚一直都比較矜貴美味，通常都係omakase既時候先食，今次我地照點長崎本釣池魚，上碟果下都好有氣派，用竹籤叉住已起哂肉既魚身，旁邊有顯示切割工藝精湛既魚身，魚肉鮮嫩，呈現出鮮美顏色同質感。搭配清淡的醬料同紫菜，好美味！
✨黑門三文魚加州反卷 $128算係最喜出望外既卷物，本來想嗌丼飯但店員話晚市通常都已經賣哂，於是就嗌左三文魚加州反卷，諗住飽肚少少，但勁好味！中間餡料有玉子、牛油果、蟹柳，卷面頭有少量沙律醬三文魚子，外面有蟹子包住，飯都係自家製醋飯，整體感覺好豐富，味道亦match，一啖一件大滿足！
✨三文魚腩刺身 $98上次黎食賣哂，嗌左三文魚刺身，今次終於嗌到好感動，新鮮肥美，油脂十足，不過份量好似少過三文魚刺身，相對上無咁抵食。
張貼
