樂天經典

營業中

休息中

🥢菜香鐵板豆腐少辣甜味玉子豆腐，非常惹味醒胃，熱辣辣鐵板上菜，保溫更keep住香脆蛋邊。並有多重口感，脆口菜脯，軟腍入味香菇粒粒，鬆軟肉碎，豆腐香滑富有蛋味，估唔到豆腐菜式都有驚喜，整體味感融和又好餸飯。🍚臘味炒飯炒飯粒粒分明有鑊氣，飯粒煙靭有口感！臘味炒後無油膩感，而且更香口。比起臘味炒糯米飯，冇咁油膩更加香口，食多幾碗都唔怕。🐽沙拉排骨啖啖肉，排骨好鬆軟，沙拉醬惹味又開胃，酸酸甜甜的恰到好處。🥬馬來風光馬拉盞炒通菜香辣惹味，炒完嘅通菜仲係翠綠爽脆，有蝦米、豆瓣醬、薑、蒜和辣椒加埋一齊，夠晒鑊氣又有鹹香。🍹兩杯特飲都非常解渴，班蘭龍眼冰～淡淡的清香班蘭味，龍眼冰凍又清新。蘋果荔枝茉莉茶～ 茉莉茶味非常甘香，蘋果荔枝清甜解暑。