小城大廚

營業中

休息中

呢日大少上完跆拳道班，一家人就去街尾嗰度搵嘢食。之前同事推介呢間中菜館，話成日爆滿，呢日剛好有位，終於可以品嚐下！入到去有個海鮮魚缸睇，大少小妹都好開心去咗睇魚。之後又去大雪櫃嗰度睇蟹。呢度地方都好大，有圓枱、有卡位，適合唔同人數嘅聚餐。蒜蓉粉絲蒸元貝：元貝又厚又彈牙，粉絲爽口，吸收晒蒜蓉汁同元貝嘅海鮮味，非常美味。啫啫時蔬煲(菜心)：菜心爽脆，配合啫啫煮法，瓦煲來仲有肉碎同蒜蓉，煮得非常入味，香氣四溢，送飯食一流。黃金孖寶(金沙海蝦、魷魚鬚)：這道菜結合了金沙海蝦和魷魚鬚。黃金係磨成粉末的鹹蛋黃，給菜餚帶來濃郁的鹹香味道。海蝦彈牙，食嘅時候好有口感。魷魚鬚爽口，外層炸至酥脆，加上鹹蛋黃嘅鹹香融合魷魚嘅海水味，令人愛不釋口。懷舊豬油砵仔飯：懷舊的砵仔飯可自由加豬油和豉油入米飯中，啲飯粒粒分明，加埋豬油同豉油食，增加咗飯香同美味度。