影片
港鐵觀塘站 B2 出口, 步行約5分鐘
繼續閱讀
電話號碼
36184533
36184538
營業時間
今日營業
08:00 - 16:00
18:00 - 00:00
星期一至六
08:00 - 16:00
18:00 - 00:00
星期日
18:00 - 00:00
公眾假期
18:00 - 00:00
以上資料只供參考, 請與餐廳確認詳情
有關獎賞計劃
今晚老公嚟接放工喺觀塘揾飯食！想試下中菜，喺openrice見呢間係top 3，就嚟試試佢，無book位，但我地18：00就入坐，當時餐廳唔算多人，但過咗半個鐘，已經full house, 唔估到好多家庭同一大班好友飯局都book呢度食，咁應該無伏了。兩口子叫咗呢啲食，價錢都幾實惠，難怪會爆塲：蒜蓉粉絲蒸蟶子 $48/隻蟶子都算大隻，夠鮮味，肉質爽滑，勁多蒜蓉同粉絲，粉絲入晒味，既香又唔會搶去蟶子嘅原味，正，算抵食！菠蘿酥炸大腸 $98/碟超級邪惡嘢，屋企唔會整嘅菜式，真係食到停唔到！大腸炸到啱啱好！外皮微焦帶勁脆，大腸裡面處理得幾乾淨，無咩肥膏，夠晒香脆，配埋酸甜汁加菠蘿絕對係完美結合，不過兩個人清一碟真係有d多，但都忍唔住口食晒，今次真係肥仔了！！！！紅燒乳鴿 $52/隻乳鴿外皮都算酥脆，肉質細嫩，有濃郁嘅燒烤香氣， 控制得唔錯，正常水準。拍蒜菜心（蒜蓉炒菜心）$78/碟呢碟蒜蓉炒菜心簡單得黎又好味，菜心炒到鮮綠爽脆，蒜蓉又夠香完全滲入晒菜度，食完真係滿足！呢道菜嘅賣相都好靚，白色碟襯住翠綠嘅菜心，上枱好整齊，個廚都幾細心，加分！姬松茸燉老雞湯 $48鍾意飲老火湯嘅我，一定要叫嚟試下！首先係勁多材料，勁多雞髀肉，仲有雞腳同勁多姬松茸。。。姬松茸係呢個湯底嘅靈魂，姬松茸滲透每一口湯，帶有淡淡嘅菌類甘香味，飲落去令人舒暢整，呢碗湯不但味道鮮甜，仲好滋補，特別適合想要溫補但又唔會太燥熱嘅朋友仔。如果你鍾意飲老火湯，呢個姬松茸燉老雞湯絕對係值得一試嘅，$48抵飲！整體嚟講，呢間食肆真係非常值得推薦，無論係味道、服務定係環境都交足功課，絕對會再嚟光另外，餐前小菜有黑木耳同超大碟嘅炸花生。。食唔晒～～而服務方面，店員好積極，上菜速度亦都十分迅速，呢間餐廳價錢方面亦都屬於合理範圍，性價比高，會再嚟番炒！
繼續閱讀
觀塘嘅大城小廚一向出名，之前同一班朋友聚會都嚟食過，菜式性價比非常之高。呢間餐廳以主要食廣東菜，菜單亦有多種多樣嘅選擇。無論係小菜定係湯、定係煲，呢度都有叫左「豉椒炒蜆」。蜆幾新鮮，搭配青椒、紅椒同埋洋蔥，炒至入味。蜆肉鮮嫩，配合醬油嘅鹹香，真係一啖接一啖，根本停唔落嚟。重點係呢盤菜多蜆肉，有時出邊嗌炒蜆上到嚟只係得殼冇乜蜆肉，值得一讚第二道菜係懷舊菠蘿咕嚕肉，最typical嘅港式菜，佢個咕嚕肉做得都幾酥脆，每次食菠蘿咕嚕肉嘅酸甜味道都令人胃口大開。而佢個名都起得好貼地，真係令人諗返小學嘅時候午餐成日都會食呢度菜，夠晒懷舊！呢個超好味既係欖角蜜餞一字骨，一字骨經過精心烹調，外皮略帶焦香，食落去少少脆，甜甜地，肉質嫩滑，真係煮得好好，最主要係個汁同埋佢煮到少少燶，好有技巧，啱晒搭配白飯食廣東菜又點少得「豆腐火腩煲」—男人的浪漫😹😹呢道菜喺熱辣辣嘅砂鍋中上桌，啱晒冬天食。主要都係豆腐同腩肉，湯汁濃郁，個豆腐真係好滑，我不斷食，呢個配飯都好啱。我個人就最鍾意呢道菜，朋友就最鍾意一字骨嗌咗個時蔬，係清炒嘅菜心，色澤翠綠，口感爽脆，有埋蠔油就更好啦！呢度茶水免費提供大約係下午茶時間去食，個場都好旺啊啱晒一大班人嚟飲個下午茶撐枱腳，其實夜晚一家人聚會嚟呢度都好啱！Overall呢度幾經濟實惠！菜式真係非常之好味，廣東菜嚟講做得好好！份量亦都大大碟，抵食
繼續閱讀
今晚同朋友去了這裡吃晚餐。紅燒乳鴿（$68）：紅燒乳鴿的外皮酥脆，內裡的肉質則鮮嫩、滑口。這種對比使得每一口都充滿享受，搭配上特製的醬汁，讓人回味無窮。豉椒炒蜆（$88）：蜆子本身富含海鮮的鮮味，加上豆豉的獨特發酵香氣，整道菜呈現出豐富的層次感。蜆子的肉質鮮嫩，經過快炒後仍能保持其彈性，而豆豉和青椒的加入，為菜餚增添了多元的口感。蜜椒薯仔安格斯牛粒（$138）：這道菜的調味通常以蜜椒醬為主，帶有微微的甜味和香氣，搭配煎炒至嫩的安格斯牛粒，肉質鮮美，口感滑嫩。薯仔則吸收了調味料的精華，使整體風味更為豐富。安格斯牛粒的肉質結實，但在烹飪中又能保持多汁，咬下去時能感受到肉質的彈性。薯仔外脆內軟，為整道菜增添了層次感，使每一口都令人愉悅。
繼續閱讀
旅行可以識到朋友，依家嚟講都算係奇蹟掛，鬼叫大家十幾日的旅程都係一齊行，一齊玩，一齊食嘢，至緊要係大家啱嘴型吖。而這種友情就延伸到返香港之後，都可以約飯局。朋友係駱駝漆度返工，熟觀塘啲嘢，返港幾個月都約咗2次飯局，而今次呢間食肆都係佢介紹嘅，喺官塘啲工業大厦裡邊。朋友本身係推介咗一個200幾蚊的三寶餐，有魚，有肉，有菜，可惜呢日來到時，menu度寫住“暫停供應”，有些少失望吖。不過聰明如我，就自己整咗個類似的三寶餐，呢個就係“欖角蜜餞一字骨”，“避風塘煎封黃花魚”和“瑤柱金菇炆伊麵”。一字骨有8條，新鮮熱辣上檯，可以品嚐到欖角，蜜餞味道，伴碟都好靚，連平時墊底的炸米粉都有味道，成個餸味道混合一體超好味，師傅功力不惹少，係我咁大個女食過最好味的“欖角蜜餞一字骨”之一👍“避風塘煎封黃花魚”：黄花魚用避風塘煎熱已經有D特別，上檯時亦有靚靚擺設，有面粉整成的靚靚雀巢同埋两條黃花魚，正如朋友所言，有驚喜，就係咁一大碟餸先至98蚊，真係估唔到，食到好满足；“瑤柱金菇炆伊麵”，和老細送嘅“紅豆沙”,亦都唔錯，得閒過官塘必試，除咗呢幾様，仲有大把嘢食，下次再來過。
繼續閱讀
是晚出開觀塘，傍晚搭正6點就入咗呢間<小城大廚>試試～姬松茸燉鳥雞（$48）雞肉同姬松茸香氣四溢，各食材完美融合🙌🏻湯底清淡卻不失風味，讓人回味無窮😇猴頭菇燉螺頭（$48）個湯散發螺頭鮮味，湯汁濃郁而不油膩，飲落好舒服😙魚籽醬/黑松露蝦多士（$98）呢道多士搭配得非常出色🤩 魚籽醬的鮮咸與蝦肉好夾，黑松露則非常之香☺️ 蝦肉同豬脂肪交融，撞埋多士上嘅沙律醬/牛油，好鮮美😖 多士炸到卜卜脆，好正😋避風塘煎封黃花魚(例) （$98）餐廳見我哋2人同行，俾咗人頭計條數黃花魚我哋，非常貼心👏🏻黃花魚煎得金黃酥脆，魚肉仲保持到多汁鮮嫩，肉味調得恰到好處，食得好滿足😍客家香煎蠔仔餅（$108）<小城大廚>嘅蠔仔餅並唔係炸粉款，而係蛋底款😜 內餡滿係大隻鮮蠔，蘸魚露食，香蔥味、蛋香、蠔嘅 creamy 各有發揮，好味到不得了🤤 要嚟送飯一流🥳忍唔住影咗幾張鮮蠔大寫照，真係好飽滿大粒，蠔味爆燈💡<小城大廚>食物質素高，服務員都好有禮貌，價錢仲好合理，我哋用餐體驗非常愉快😁 呢度有放題套餐、又可以開酒、叫酒，無論係朋友聚餐定家庭聚會，都適合不過，唔怪得平日晚市到7點就全場滿座🤗 要幫襯，可以預早打去餐廳訂位💪🏻
繼續閱讀