建榮特色桑拿菜火鍋店

營業中

休息中

黎到屯門想食麻甩大排檔，搵到間係建榮街既大排檔。六點幾黎到walk in 冇訂座，已經要坐outdoor。坐低左叫完野食都見到枱枱都有客，相信係呢區都算係幾出名既大排檔，果然大家都識搵識食。叫左海皇雜菜煲，一黎到估唔到係咁大煲，如果多人叫餸食飯呢個算係幾抵食，有蝦有蜆有魷魚，菜又多，個湯底係胡椒湯，如果冬天食一定好暖胃。再叫左個薑葱火腩白膳煲，煲嘅好處就係一定好熱，又會好有鑊氣，呢類型嘅煲再加啲薑蔥落去炒佢係好有鑊氣，白鱔嘅份量好多，仲有啲火腩係底，又有魚又有肉呢個煲抵食。最後叫咗個椒鹽九肚魚，我覺得食大排檔一定要食呢個餸菜，一黎呢個好惹味，二來呢個餸菜多數都係大排檔先有。咁佢嘅椒鹽九肚魚都炸得幾香脆同埋啲魚都幾嫩。見到舖頭咁多人食都知有水準，雖然坐咗喺室外嘅環境，但其實個環境都可以接受，又有風扇有電視，同一班人吹水都幾好。