建榮特色桑拿菜火鍋店

心思思想吃些熱騰騰的小炒，這日就去了屯門 - 建榮特色桑拿菜火鍋店，高質又特色的小炒，感受下香港地道風味美食～  環境方面，寬敞潔淨，多人去都夠位，設有冷氣或室外。亦可以向餐廳訂海鮮/海鮮加工，而店舖出名各款小炒，款款都好吸引喔～招牌咕嚕肉           $128這款菜式吃起來真的很甜蜜，有拔絲的咕嚕肉，甜絲絲的味道，好有肉味，質地很嫩，配合新鮮菠蘿、紫洋蔥、彩椒一起吃，感到很幸福！流沙黃金生蝦             $128我們異口同聲都說想選這一款菜式，蝦非常彈牙又爽口，蝦肉好新鮮，口感酥脆，配搭咸蛋黃醬汁，滿口咸蛋黃的香味，鑊氣十足！金銀蛋浸白菜仔             $68鮮味上湯，飲落去清甜，感覺沒有味精，不會覺口渴，白菜仔、唐芹、肉碎、蒜頭、蛋白等，食材新鮮，蔬菜翠綠爽口，口感豐富，這款都好適合拌飯。白飯         $10白飯每粒都有嚼口，軟硬度剛剛好，米飯香氣四溢，用來伴小菜最適合。Zero Coke   $12   及   忌廉汽水   $12食熱騰騰的小炒最好配罐冰凍汽水，口感清爽。…查看更多

屯門工業區隱世寶！冷氣+風扇區任揀的地道熟食檔，5分鐘上齊三款招牌（屯門街坊必收藏！匿喺富臨隔離，住十年先發現的大排檔風味）🔍 位置：屯門站A出口直達由屯門站A出口行去建安站，轉入建安街見到富臨酒樓，隔離就係呢間熟食檔中心！住咗屯門十幾年，竟然第一次知工業區有呢個「隱世食堂」，大時大節想搵返童年大排檔感覺，呢度真係啱晒～🍃 環境：室內大排檔！冷氣/風扇區任你揀雖然喺室內，但完全保留地道大排檔風味！怕熱嘅可以坐冷氣區，想感受傳統「吹住風食飯」的，風扇區夠晒有氛圍，唔會有街邊大排檔嘅風吹日晒，又唔少得那份煙火氣。潮州凍蟹：蟹肉超鮮甜！凍得夠透，蟹膏結實唔黐殼，蘸少少蟹醋，海鮮味直沖上腦，夏天食最過癮豉汁炒蟶子配煎米粉：蟶子夠大隻，豉汁惹味唔會過鹹，完全冇沙！重點係煎米粉吸晒豉汁精華，外脆內軟，同蟶子一齊食，口感超豐富金銀蛋莧菜：鹹蛋黃夠香口，蛋白煮得滑溜，莧菜夠嫩唔會老，吸晒蛋香同湯汁，送飯一流！職員超落力，唔使睇餐牌直接推招牌，點完5分鐘就上齊，完全唔使等！想搵返童年大時大節喺大排檔食飯的感覺，呢間屯門隱世熟食檔真係冇介紹錯，下次要帶埋屋企人再嚟～…查看更多

放工同朋友去咗公司附近食飯傾計🗣，大排檔地道feel，環境非常熱鬧，落單同上菜都好快。價錢方面都算合理🤑，兩個人點左三個小菜，每一碟都超大碟，非常抵食。🌈川味辣子雞（半隻）雞肉炸得外脆內嫩，咬落去滿口香辣，辣得過癮但又唔會太嗆，送飯真係好一流。🌈Wasabi安格斯牛柳粒安格斯牛柳粒肉質嫩滑，配上Wasabi嘅味道好特別。🌈啫啫通菜通菜爽脆，吸滿咗啫啫煲嘅鑊氣同醬汁，簡單但好有風味。😘😘😘見到隔離枱食海鮮都好吸引！！！📌建榮特色桑拿菜火鍋店 (屯門)📍香港屯門建榮街32號建榮熟食市場地下C6號舖#建榮 #大排檔 #辣子雞 #小菜 #屯門 #屯門美食 #屯門大排檔 #香港 #香港美食 #香港食好嘢 #屯門餐廳 #屯門食好嘢 #屯門必食 #屯門好去處 #屯門美食地圖 #餐廳推介 #假日好去處 #ilovefood #hkfood #美食推介 #美食日記 #hkkol #blogger #親子好去處 #kol #親子日常 #萌娃…查看更多

建榮熟食市場係去完馬會後最近又最抵食嘅食肆，呢度就算平日都好旺，是晚八點幾鐘嚟到，冷氣房全部坐爆，冇冷氣位都有七成滿坐。朋友話帶我嚟食啲地道嘢就係嚟咗呢個建榮熟食市場，然後我哋食咗間餐廳叫建榮特色桑拿菜火鍋店，其實咩係桑拿菜？🤔先落幾個小炒，飲下茶飲下汽水傾下偈先。⭐瑤柱蛋白炒飯上到枱真係呆咗，大碟到係正常餐廳份量嘅兩倍，即刻覺得今餐叫多咗啦😂飯炒得香口唔油膩，入面有唔少瑤柱鹹鹹鮮鮮好好食，仲放咗啲菜粒增加口感，正喲😋⭐黃金四季豆黎大排檔食黃金嘢冇得輸，個鑊夠紅兜起上嚟特別好食，鹹蛋黃下得多，四季豆爽脆，食曬成碟都唔覺膩😍⭐招牌咕嚕肉顏色鮮亮好吸引，酸酸甜甜啱口味，肉粒外脆內軟咬落甘香，好食👍⭐酥炸牛坑腩一大盤牛腩炸得酥香，牛腩軟腍有口感，半肥瘦好正，不過全碟係肉真係有啲滯，呢碟至少四個人先好叫‼️⭐汽水天氣咁熱飲返罐冰凍汽水，爽！價錢平，份量大碟又好味，唔怪得咁多人黎食喎😋…查看更多

今次真係難得約到朋友一齊食晚餐，特意山長水遠走到屯門。雖然路途有啲遠，但一到就覺得值得！我試咗鹵水鴿，肉質嫩滑，味道入味，真係好好味。最特別嘅係，呢次我第一次食凍食花甲，感覺非常之特別！雖然已經過咗中秋節，但天氣依然熱辣辣，食埋呢個撈汁凍食花甲，真係特別開胃，味道鮮甜，口感一流。蒜蓉粉絲蒸勝瓜亦唔錯，粉絲吸收咗瓜嘅鮮味，食落去好滿足。加埋罐可樂，真係透心涼！原來呢度仲可以提前預訂海鮮，下次我都想試下！…查看更多

好少會嚟屯門呢邊食飯，不過朋友搬咗嚟附近，話樓下呢間大排檔日日都好多人，而且好正宗，咁今日參觀完佢屋企就一齊落去食啦。呢度雖然係大排檔，但係一啲都唔會熱，室內位置冷氣夠晒大，而且氣氛非常好。我哋見到隔籬枱個個都點咗呢味炸子雞，咁就梗係試吓啦。炸子雞外皮香脆，雞肉嫩滑，而且仲有雞油嘅香味。蒜蓉粉絲開邊蝦係我食大排檔必叫嘅菜式，呢度份量好多，而且蝦肉口感好大呀，食落好新鮮，趁買蒜蓉吊味，真係一流。金銀蛋浸白菜仔都好特別，因為多數係浸莧菜，估唔到原來白菜仔都幾夾，而且白菜仔咬落比較爽口，大人小朋友都鍾意食。招牌咕嚕肉係侍應姐姐推薦我哋試嘅，又係估唔到份量咁大，而且咕嚕肉外皮好香脆，調味亦都啱啱好，可以食多幾碗白飯。呢間大排檔價錢實惠，而且菜式非常出色，侍應態度都好好，氣氛一流呀！…查看更多

九月頭同屋企人去咗屯門工業區建榮大排檔都食小菜，呢間舖頭非常之接地氣，一入到去已經好多人喺度飲緊啤酒玩緊啤牌好熱鬧。嗌咗腐乳通菜，椒鹽豆腐同埋咕嚕肉呢三個非常之常見嘅小菜。咁啱腐乳通菜係當季蔬菜，所以食落去非常之有鑊氣同埋嫩口，椒鹽豆腐炸得非常之好，一啲都冇做到再配埋香口嘅椒鹽送飯一流，啤酒一流。佢金鑽菠蘿咕嚕肉真係冇得頂，菠蘿香甜再配埋外皮炸到香脆嘅豚肉配埋酸甜醬汁送飯好正。所以我同屋企人都搵到一個新嘅食飯聚集地。…查看更多

而家要搵間具鑊氣小菜館好難，不是朋友介紹，都唔知仲有間建榮特色桑拿菜火鍋店 ，小菜認真入味！豉椒炒花甲以豉椒搭配花甲，味道鮮美。炒制過程中加入蒜蓉，香氣四溢，花甲的鮮甜與豉椒的微辣相互融合，整道菜肴充滿層次，適合搭配白飯。招牌咕嚕肉肉質經過精心腌製，口感鮮嫩，外層裹上炸至金黃的麵衣，外酥內嫩，糖醋醬汁酸甜適中，令人食慾大增。西蘭花炒鮮魷色彩鮮艷，營養豐富。西蘭花的清脆口感與彈牙的鮮魷相得益彰，炒制時間掌握得當，保持食材新鮮度。建榮特色桑拿菜火鍋店 (屯門)地址：屯門建榮街32號建榮熟食市場地下C6號舖…查看更多

今日去接朋友仔放工， 去咗屯門嘅電榮熟食市場， 見佢有大排檔， 仲要有冷氣。於是入去試吓。🥢撈汁凍食花甲花甲好新鮮，個汁調得好香，撈埋又幾特別， 而且份量都算多， 兩個人食好足夠。🥢金銀蛋浸莧菜我最欣賞佢用咗好多鹹蛋，仲有菇類， 所以連個湯都好香。🥢招牌咕嚕肉用咗肥瘦到適中嘅肉排， 粉漿唔厚，炸得有點香脆。再加上新鮮菠蘿， 唔怪得佢係招牌菜。整體嚟講係一間滿意嘅冬菇亭， 價錢合理， 小菜有功架， 同三五知己個嚟嘆下啤酒， 係一個非常唔錯嘅選擇。…查看更多

星期六去咗屯門的建榮特色桑拿菜火鍋店，係熟食市場入邊嘅地鋪，大排檔風味，環境簡單又貼地，適合同朋友過來吹水聚餐食好嘢！🍽️我地兩個人來食，點佐佢地招牌兩餸，再加一個菜。招牌果然係招牌，做得好出色，比我係其他地方食到嘅都好味。招牌小炒皇鑊氣十足，韭菜花好嫩好新鮮，蝦乾係煎炸到好脆口，仲有鮮魷魚、鮮蝦球、脆腰果搭配來炒，鹹香香氣四溢！🔥🥘招牌咕噜肉咕噜肉外脆內嫩，酸甜適中，口感極佳。每一口都帶有濃郁的醬汁，好開胃，簡直係大排檔的經典之作，必試菜品！值得一提嘅係，佢地搭配嘅菠蘿都用火炙燒過，熟小小入口就唔好酸澀，菠蘿解膩一流🍖🍍蒜蓉炒白菜仔鑊氣+白菜仔夠新鮮，蒜香爆炒，無得輸，會食到白菜仔嘅鮮甜。🥬🧄今次兩個人來無食到好多款菜式，下次多滴人再食過。我見到有人自己拎海鮮過來加工，好似都好正，下次試下。…查看更多

唔講唔知，屯門原來有好多美食！今次同班Friend嚟到建榮，唔係打邊爐，而係試佢哋嘅拿手小菜，夠鑊氣有水準！潮式炸蠔餅
一上枱就聞到陣陣酥香！外層炸到金黃薄脆，裡面嘅蠔仔飽滿多汁，完全冇腥味，點埋魚露簡直係靈魂所在！絕對係必點之選！👍招牌咕嚕肉 
外層炸粉薄透，咬落去外脆內軟，肉質鬆化唔會韌。個酸甜汁調得恰到好處，好開胃！金銀蛋浸時蔬
食完香口嘢，呢個湯菜就嚟得啱啱好。湯底奶白色，飲落鮮甜濃郁，充滿皮蛋同鹹蛋嘅香氣。蔬菜嫩綠爽口，份量十足。雖然佢哋以桑拿菜同火鍋聞名，但小菜嘅功力絕對唔可以睇小！無論係火氣定鑊氣都十足，係屯門區內高質抵食之選…查看更多

天氣開始岩食大排檔! 唔會太熱

✨蝦醬炒通菜通菜爽脆，炒得好香，仲有口感 唔會過份淋有鑊氣，好入味✨椒鹽黑鑽豆腐
好似黃金咁，但係外皮係黑炆炆既入面豆腐嫩滑，出面好脆要加埋外面既粒粒食，先夠鹹✨冰淋醬烤骨冰淋原來係講緊用左「冰糖」，唔睇相都唔知
外面有一層甜甜既，幾特別，甜甜地餸飯食一 流
肉質都淋，咬下去啖啖肉，入味一班人食真係好岩食大大件! 又可以飲下酒 慢慢吹下水建榮特色桑拿菜火鍋店 (屯門)香港屯門建榮街32號建榮熟食市場地下C6號舖…查看更多

呢排唔知點解好鍾意食小菜搬返天水圍之後就諗起屯門有好多大排檔呢間嘅小菜真係幾抵食，難怪咁多人除咗抵食之外，每一份都大份又唔貴味道唔會過濃，又唔會好油，而且好夠鑊氣♥️♥️金銀蛋莧菜超足料 有我最愛嘅鹹蛋黃 超級好食，我食咗勁多小炒王香脆白飯魚 蝦仁 魷魚 果仁9王 嫩口新鮮好夠鑊氣咕嚕肉熱辣辣好香脆菠蘿嘅顏色偏淺 以為佢會好酸，點知唔酸仲好多汁佢同咕嚕肉一冷一熱冰火感覺 原來仲可以向餐廳訂海鮮 / 海鮮加工，下次等我再嚟食海鮮先…查看更多

住咗大西北咁耐，居然而家先發現呢間寶藏大排檔！即叫即炒夠曬鑊氣，味道仲勁過市區名店！招牌咕嚕肉 一上枱就聞到酸甜香！外皮炸得脆卜卜，咬落啖啖肉唔肥膩，酸甜汁掛得勻循，白飯殺手，伴碟嘅菠蘿仲爽甜多汁，可解油膩！豉油王蝦蝦隻隻都大隻又新鮮，豉油香炒到滲入蝦殼，蝦肉爽彈又入味，連蝦殼都脆到可以啜埋，簡直無得頂～椒絲腐乳炒通菜鑊氣十足！通菜翠綠爽脆，鹹香濃郁，仲有椒絲提香，簡單但係炒到超級惹味，正～隱藏喺屯門嘅平民高手，價錢抵食份量足，鑊氣仲勁過唔少酒樓，仲可以向餐廳訂海鮮或者海鮮加工添！以後宵夜又多個選擇，大西北街坊絕對要試！💥🍳…查看更多

今日難得黎到屯門工廠區試吓「建榮特色桑拿菜火鍋店」餐廳是一間好有特色的大牌檔😆每道菜式炒出嚟極具火喉仲可以向餐廳訂海鮮 / 海鮮加工 超正😙⭐️蒜蓉粉絲開邊蒸蝦蝦肉鮮嫩，蒜蓉的香氣濃郁搭配粉絲吸收了蝦的鮮味蒸的方式保留了蝦的鮮甜🤩非常好食⭐️招牌咕嚕肉餐廳的招牌菜式甜酸味平衡得非常好廚師把豬肉外皮炸到酥脆😍加埋新鮮嘅菠蘿配上白飯非常適合⭐️金銀蛋浸白菜仔金銀蛋的滑順白菜仔好新鮮鹹蛋黃與雞蛋的搭配更加香氣🥰整體菜式非常不錯特別適合家庭聚餐或者朋友聚會仲可以飲酒🍻傾偈🥳…查看更多