影片
更多
2021-01-11
440 瀏覽
入大坑,無理由唔飲返杯炳記奶茶，正如上白雲山,無理由唔食返碗山水豆腐花一樣。無錯,呢間係大坑開左好多年嘅鐵皮屋大排檔,最出名兩樣野-豬扒麵同奶茶,更被CNN評選為香港四大奶茶之一,更有唔少明星幫襯過,今次就專程入嚟試試佢！.奶油多($11)配熱奶茶($16)個日十度都唔夠🥶但仍然好多人排隊,為嘅就係一嘗佢奶茶,個人認為要試奶茶一定要叫熱嘅,因為味道更香,亦唔會被冰沖淡味道(除非好似蘭芳園係用奶茶冰喇🤣)先嚟一啖唔加糖嘅,茶底非常濃郁,的確同其他出面一般茶記唔同,加少少糖再飲,香甜之餘茶味依然香濃,澀味仍在,而呢陣澀味,正正就係香港奶茶嘅特色👍🏻配返件奶油多,烘得恰到好處,好香脆,一咬已經成身麵包碎🤣牛油塗得好均勻,一啲都唔hea嘅多士😁.茶檔另一招牌-豬扒麵($25)豬扒預先剪成一條條方便食,並用黑椒醃好好入味,肉質都好腍,麵就係一般公仔麵偏硬身喇,食時重點可以加入佢嘅配料魚露同辣椒🌶️(好有食pho嘅風味🤤)辣辣地好惹味,再配返啖奶茶,坐住紅色膠櫈係路面un un腳吹下水,係大排檔獨有嘅情懷🤗.總括嚟講奶茶的確出色,豬扒麵亦唔錯,但如果要排成一個半粒鐘食個茶記就真係有啲誇張(情況有啲似
.
12 瀏覽
0 讚好
0 留言
奶油多($11)配熱奶茶($16)個日十度都唔夠🥶但仍然好多人排隊,為嘅就係一嘗佢奶茶,個人認為要試奶茶一定要叫熱嘅,因為味道更香,亦唔會被冰沖淡味道(除非好似蘭芳園係用奶茶冰喇🤣)先嚟一啖唔加糖嘅,茶底非常濃郁,的確同其他出面一般茶記唔同,加少少糖再飲,香甜之餘茶味依然香濃,澀味仍在,而呢陣澀味,正正就係香港奶茶嘅特色👍🏻
配返件奶油多,烘得恰到好處,好香脆,一咬已經成身麵包碎🤣牛油塗得好均勻,一啲都唔hea嘅多士😁
.
12 瀏覽
0 讚好
0 留言
茶檔另一招牌-豬扒麵($25)豬扒預先剪成一條條方便食,並用黑椒醃好好入味,肉質都好腍,麵就係一般公仔麵偏硬身喇,食時重點可以加入佢嘅配料魚露同辣椒🌶️(好有食pho嘅風味🤤)辣辣地好惹味,再配返啖奶茶,坐住紅色膠櫈係路面un un腳吹下水,係大排檔獨有嘅情懷🤗
.
總括嚟講奶茶的確出色,豬扒麵亦唔錯,但如果要排成一個半粒鐘食個茶記就真係有啲誇張(情況有啲似當年啲人排華嫂一樣😅雖然小弟有份排)但慶幸嘅係茶檔冇因為出名而坐地起價,價錢仍然相當平民,呢點值得欣賞👍🏻
❗️留意茶檔開得早收得早,開朝早七點收三點半,去到三點就會截單,同星期一休息,所以去朝聖最好早啲同揀啱時間啊👍🏻
張貼
