花園餐廳 (英皇道)

營業中

休息中

上兩星期試了旺角的花園餐廳午餐，亦給了好評。今晚在北角花園餐廳吃晚飯，整體都是滿意的，為大家介紹一下。店內燈光昏暗，店內一半坐滿，眼看多是情侶客人，氣氛安靜舒服。但大家下次去要帶多件外套，冷氣幾大。我叫鐵板巨型T骨牛扒餐，牛扒要五成熟，餐湯是羅宋湯。羅宋湯好多料，有半碗都是雜菜。羅宋湯味道好夠蕃茄酸味，好飲。跟湯配一個餐包，餐包都好鬆軟。主菜來了，侍應首先把鐵板巨型T骨牛扒放在我面前，他再拿住兩壺汁，問我要什麼汁，有燒汁和黑椒汁，我選擇了黑椒汁。即時在我面前淋汁上鐵板，炸一聲，香味出曬黎。T骨牛扒真的非常巨型，好厚身，用刀切落去時質感軟淋淋。因為我點了五成熟，一切開內層的肉是紅色，肉的火喉控制得好好，真是五成熟就五成熟。整塊T骨牛扒沒有多餘肥膏，咬落去有適量油脂但不膩囗，特別近骨位置的肉質好鬆化，有少少牛味配上黑椒汁，好吃。牛扒底下有少量炸薯條和一條小棠菜。薯條淋淋的，當薯仔食可以，但不是炸薯條個種脆口。連加一服務費，$154埋單。我覺得好超值，因為牛扒大塊又煮得好。