花園餐廳 (已結業)

呢個week既第二餐鋸扒餐，不過鋸扒實在太邪惡，又唔想一個人邪惡，好難先拉到肥柑太同另外兩個朋友，係lunch時間去花園餐廳，但三位女士都唔叫扒，得我一個叫，真係有d過份架我。今次去花園餐廳，以前呢間餐廳係樓上，入到去似飯堂多個餐廳，但搬左落地舖，地方雖然細左，但裝潢就靚左好多，入到唔再係港式扒房或者係茶餐廳，而似一間西式既餐廳。一連三張就係我既西冷牛扒，叫左五成熟，睇到就應該三成水平(med-raw)左右，不過肉就幾滑，食唔 到有鬆肉粉既味，所以都幾有咬口，要咬多幾啖等佢爛左，再用舌頭慢慢品嚐下先感受到肉同肉汁既美味。個羅宋湯反而無乜肉味，比較淡，雖然係個碗內見到有肉，但只係幾塊，個餐包仔就暖暖地，食落好有咬口唔似空氣包。柑太既咖哩牛腩飯，個牛腩我見到一層一層好似千層糕既結構，肉同筋既配夾食落口口感一流，好似食緊軟綿綿既綿花糖咁，但係個汁就好水，同埋咖哩味唔夠，而且薯仔都只係得一塊。白汁，焗，吞拿魚，天使麵，中規中矩，吞拿魚同白汁唔錯，個天使麵整得好，唔稔唔硬，軟硬適中。