Espresso Alchemy

營業中

休息中

放假同屋企人去荃灣行街，LUNCH TIME黎到荃灣如心廣場，見到呢間Espresso Alchemy全場滿座，睇過LUNCH SET MENU價錢合理，好彩等左一陣好快就有位。餐廳有落地大玻璃，近窗位置可以享受自然光，同屋企人好悠閒咁歎左個LUNCH~青醬雞肉忌廉長通粉鍾意食青醬既朋友仔一定要試，青醬濃郁鮮香勁惹味，雞肉經慢煮後特別嫩滑，長通粉煙煙韌韌，沾滿醬汁特別好食。香煎虎蝦配蘆筍辣蕃茄汁意粉微辣醬汁特別開胃，蘆筍爽甜有咬口，大大隻虎蝦紮實Q彈，意粉彈牙煮得岩岩好。自家製香草牛肉漢堡伴黑松露沙律醬超大個burger食完勁滿足，濃郁多肉汁既牛肉漢堡厚度十足，食落口感扎實好有牛脂香，加埋個黑松露沙律醬就更惹味。LUNCH SET配咖啡，揀左燕麥奶，飲落特別滑順香甜。