Espresso Alchemy (如心廣場一期)

呢日嚟咗呢間喺荃灣西嘅餐廳兼咖啡店食個 early lunch 同埋飲番杯熱咖啡☕️😆有多款 Lunch Set 可以選擇，咁揀咗 $95「青醬雞胸沙律配檸檬醋醬 Pesto Marinated Chicken Breast with Salad and Homemade Lemon Vinaigrette Dressing」，Set Lunch 包 Regular Size Single Origin Brew Coffee，加 $16 轉咗要大杯 Latte ☕️, 再加 $33「自家製藍莓核桃蛋糕 Homemade Loaf Cake - Blueberry & Walnut」😆Latte ☕️ 大大杯兼熱辣辣，有咖啡香又有奶香又非常之滑😋「青醬雞胸沙律配檸檬醋醬」：雞胸好大件勁多肉，可能呢隻雞生前食好多嘢所以變得非常肥大，而雞胸肉質非常軟熟，咁又有可能佢生前唔太鍾意做運動，總之雞胸出奇地好味🤣；沙律菜新鮮爽脆，仲有鮮蕃茄 同埋 Sun Dried Tomatoes，Sun Dried Tomatoes 當然係充滿 umami 啦🤩「自家製藍莓核桃蛋糕」：叫咗餐廳焗番熱，咁就熱熱哋甜甜哋，不過又唔算好甜，仲見到又食到有藍莓🫐 同埋 核桃🤩…查看更多

是日要去荃灣買野，想順便係附近搵個地方嘆下咖啡relax 下，上網搵到呢間位於如心廣場嘅Espresso Alchemy。餐廳面積唔大，不過最吸引我之處就係有一大塊落地玻璃，可以望到出面嘅風景，假日時一邊享受咖啡，一邊望下出面嘅風景，真係非常寫意。餐牌上選擇都好多，沙律、意粉、三文治、飲品、甜品咩都有，適合唔同口味嘅人仕。厚切意大利煙肉配卡邦尼意粉：煙肉嘅油香絕對係卡邦尼意粉重要部分之一，呢度嘅煙肉係厚切條狀，煎過後帶鹹香味，勁有口感，醬汁方面亦非常creamy，口感綿密，帶香濃嘅蛋香味，配合埋al dente 嘅意粉，非常掛汁，令人一啖一啖咁食過不停。檸檬汁烤雞煙肉意大利三文治：Panini 係意大利麵包嘅一種，烘過後外脆內軟，帶點煙韌，中間夾住煙肉以及加入檸檬汁烹調過嘅烤雞，煙韌嘅麵包配上嫩滑嘅雞肉，食落味道同口感都非常夾。法式西多士配自家製雜莓醬：西多士煎至金黃色，口感外脆內軟，唔會太甜，伴碟仲有自家製雜莓醬，每啖西多士都沾一下雜莓醬，味蕾嘅衝擊帶來意想不到嘅滿足感。Cappuccino：熱咖啡有兩個size，兩杯細嘅又飲唔晒，所以叫做一杯大嘅share。Cappuccino 拉花好靚，味道偏nutty，口感creamy，一邊享受brunch一邊嘆咖啡，真係非常寫意。…查看更多

今日專登去咗荃灣店同裝修師傅傾一傾新屋企嘅設計圖，順便食個輕便少少嘅lunch。就近就見到如心廣場，咁啱酒店隔離就有呢一間一直以質素為主嘅咖啡店。✨檸檬汁烤雞煙肉芝士意大利三文治意大利三文治整得鬆軟，裏面嘅烤雞加上咗檸檬汁帶幾分清新，煙肉就有一份鹹香，加上半溶嘅芝士🧀絕對係一個豐盛嘅午餐。✨烤雞菠蘿漢堡配檸檬乳酪醬及焗薯老公今次就揀咗個漢堡包，烤雞肉嫩，菠蘿清甜，用咗檸檬乳酪醬去中和一下油膩感，旁邊伴上焗薯，負擔咁即刻冇咁重。✨熱伯爵茶朱古力隨便嗌個午市套餐都已經跟一杯齋啡！如果唔啱飲，都有另一個飲品加購餐單，跟餐只係加$11就有一杯熱朱古力，午市嚟講都算幾抵！✨檸檬蛋糕平時去開尖沙咀嗰間剩係得藍莓同香蕉蛋糕，反而荃灣就多咗檸檬同埋咖啡合桃嘅選擇！！今次揀咗個清新少少嘅檸檬口味， size同樣巨型，味道唔算好甜。…查看更多

煙三文魚沙律配檸檬醋醬三文魚，生菜，火剪菜，橄欖， 乾蕃茄， 青瓜， 車厘茄， 櫻桃蘿蔔材料十分豐富，菜蔬新鮮爽脆。醃製過嘅乾蕃茄味道濃郁，酸酸甜甜，好開胃。三文魚擺放得似朵花盛開，睇到都開心。整個沙律最重要係醬汁，採用檸檬醋，清新自然，好夾。Cappuccino 咖啡嘅醇厚與牛奶嘅淡淡甜味結合起來。綿密、細膩的奶泡口感厚實，口感層次豐富。藍莓合挑蛋糕帶著堅果香氣，藍莓的酸甜與核桃的濃郁味道，完美融合，蛋糕本身質感鬆軟，十分味美。…查看更多

每逢放假，就會特別想食個豐富早餐。😛今日嚟荃灣，諗住食完就順便做gym。熱Latte (regular) $39凍cappuccino $46Sandwich Salmon And Avocado $91由於我個人好鍾意食煙三文魚，呢個早餐真係好啱我口味。😋重點係：煙三文魚份量多，唔會太鹹，而且三文治烘得好脆，連埋牛油果蛋沙律，真係好味！Panini Lemon Chicken Bacon Cheese $79Lemon Bread $33外表睇落好實，食落口感幾好，有淡淡檸檬香，唔會太甜！🤓…查看更多