Espresso Alchemy (如心廣場一期)

是日要去荃灣買野，想順便係附近搵個地方嘆下咖啡relax 下，上網搵到呢間位於如心廣場嘅Espresso Alchemy。餐廳面積唔大，不過最吸引我之處就係有一大塊落地玻璃，可以望到出面嘅風景，假日時一邊享受咖啡，一邊望下出面嘅風景，真係非常寫意。餐牌上選擇都好多，沙律、意粉、三文治、飲品、甜品咩都有，適合唔同口味嘅人仕。厚切意大利煙肉配卡邦尼意粉：煙肉嘅油香絕對係卡邦尼意粉重要部分之一，呢度嘅煙肉係厚切條狀，煎過後帶鹹香味，勁有口感，醬汁方面亦非常creamy，口感綿密，帶香濃嘅蛋香味，配合埋al dente 嘅意粉，非常掛汁，令人一啖一啖咁食過不停。檸檬汁烤雞煙肉意大利三文治：Panini 係意大利麵包嘅一種，烘過後外脆內軟，帶點煙韌，中間夾住煙肉以及加入檸檬汁烹調過嘅烤雞，煙韌嘅麵包配上嫩滑嘅雞肉，食落味道同口感都非常夾。法式西多士配自家製雜莓醬：西多士煎至金黃色，口感外脆內軟，唔會太甜，伴碟仲有自家製雜莓醬，每啖西多士都沾一下雜莓醬，味蕾嘅衝擊帶來意想不到嘅滿足感。Cappuccino：熱咖啡有兩個size，兩杯細嘅又飲唔晒，所以叫做一杯大嘅share。Cappuccino 拉花好靚，味道偏nutty，口感creamy，一邊享受brunch一邊嘆咖啡，真係非常寫意。…查看更多

嚟咗呢間喺荃灣西嘅咖啡店兼餐廳食午餐同埋飲番杯熱咖啡☕️😆有多款 Lunch Set 可以選擇，咁揀咗 $96「三文魚菠蘿通心粉貝果配沙律 Smoked Salmon and Pineapple Macaroni Bagel with Salad 🥗」，Lunch Set 包 Regular Size Single Origin Brew Coffee，加 $16 轉咗要大杯 Cappuccino ☕️, 再加 $33「自家製藍莓核桃蛋糕 Homemade Loaf Cake - Blueberry & Walnut」😆Cappuccino ☕️ 大大杯熱辣辣，有咖啡香又有奶香又夠滑😋「三文魚菠蘿通心粉貝果配沙律」：用 Bagel 夾住三文魚同通心粉 呢個組合幾有趣，口感幾新穎，都幾好食🤣；三文魚有少少 smoky，又有非常爽脆嘅沙律菜同鮮蕃茄🤩「自家製藍莓核桃蛋糕」：食落甜甜哋，不過又唔算好甜，仲見到又食到有啲藍莓🫐 同埋 核桃🤩…查看更多

💫厚切意大利煙肉配卡邦尼意粉呢個正!! 上到枱勁香💓厚切煙肉有肉香又有咬口同埋好慷慨🤣🤤奶油同帕爾馬乾酪嘅鹹香match得岩岩好, 每一塊煙肉都多汁而唔油膩, 意粉口感彈牙, 完美掛上卡邦尼醬汁, 超好食💯💯💫越式豬肉飯包麵包外皮金黃酥脆, 咬落去好清脆, 但裡面好柔軟鬆綿, 口感極正, 豬頸肉嘅醃製岩岩好, 帶有微微嘅甜味和香料嘅濃郁, 搭配新鮮的生菜, 口感清爽, 好似真係去左越南食法包咁呀😍🤤LOVE🍰咖啡胡桃蛋糕蛋糕嘅質地鬆軟, 既有咖啡香味, 又有胡桃嘅堅果香味👍☕️Hot Mocha 有咖啡有奶有朱古力, 天氣涼左, 飲熱嘅最好, 暖暖嘅幸福🫶🏻☕️Iced chocolate 唔會太甜, 岩口味…查看更多

近排很努力減肥 🏋️一出街食就會頭痛 怕食得太油唔健康早前營養師建議幾間健康cafe~ 包括呢間espresso alchemy所以同男朋友趁星期日早餐得閒就去食個靚早餐❤️❤️男友叫左青醬烤雞蕃茄芝士意大利三文冶個三文冶夾到熱辣辣 溶左啲芝士 加埋青醬雞胸簡直一流絕頂 雞胸唔會鞋 岩哂我地呢啲減肥人士而我叫左個bagel 餐- 牛油果碎蛋貝果配沙律🥑🥗個bagel 焗得熱熱脆脆的 口感煙韌加埋凍既牛油果碎蛋有火熱交融既感覺！同埋好鐘意有醬沙律 🥗只有小小醋已好夠～ 沙律夠哂refresh!男友另外叫了cappuccino 🫣個拉花好靚！野食咁好味又價錢相宜That’s why佢早餐都咁多人排 ！…查看更多

想喺荃灣搵個地方hea下，就揀咗Espresso alchemy 佢哋嘅輕食同飲品都好出名，而且環境又夠晒chill，好啱同朋友嚟傾計！😌 今次試咗意粉同三文治，再加一杯Earl Grey Chocolate，perfect match💯Pasta - Crab Meat and Mushroom呢個蟹肉蘑菇意粉好足料🦀 意粉煮得彈牙，口感啱啱好，蟹肉味好濃郁，配埋啲蘑菇同埋creamy嘅醬汁，仲有啖啖蟹肉 真係好好味Panini - Lemon Chicken Bacon Cheese一上枱就聞到好香嘅檸檬味！🍋 麵包烘得外脆內軟，入面嘅雞肉好嫩滑juicy，仲有脆口Bacon，加上酸酸甜甜嘅檸檬汁，真係好開胃😋 啱晒想食啲清新嘢嘅朋友最後嚟杯Earl Grey Chocolate，真係好滿足☕️朱古力味好香濃，帶有淡淡嘅伯爵茶香味，味道好有層次，飲落唔會太甜👍🏻…查看更多