Espresso Alchemy (如心廣場一期)

是日要去荃灣買野，想順便係附近搵個地方嘆下咖啡relax 下，上網搵到呢間位於如心廣場嘅Espresso Alchemy。餐廳面積唔大，不過最吸引我之處就係有一大塊落地玻璃，可以望到出面嘅風景，假日時一邊享受咖啡，一邊望下出面嘅風景，真係非常寫意。餐牌上選擇都好多，沙律、意粉、三文治、飲品、甜品咩都有，適合唔同口味嘅人仕。厚切意大利煙肉配卡邦尼意粉：煙肉嘅油香絕對係卡邦尼意粉重要部分之一，呢度嘅煙肉係厚切條狀，煎過後帶鹹香味，勁有口感，醬汁方面亦非常creamy，口感綿密，帶香濃嘅蛋香味，配合埋al dente 嘅意粉，非常掛汁，令人一啖一啖咁食過不停。檸檬汁烤雞煙肉意大利三文治：Panini 係意大利麵包嘅一種，烘過後外脆內軟，帶點煙韌，中間夾住煙肉以及加入檸檬汁烹調過嘅烤雞，煙韌嘅麵包配上嫩滑嘅雞肉，食落味道同口感都非常夾。法式西多士配自家製雜莓醬：西多士煎至金黃色，口感外脆內軟，唔會太甜，伴碟仲有自家製雜莓醬，每啖西多士都沾一下雜莓醬，味蕾嘅衝擊帶來意想不到嘅滿足感。Cappuccino：熱咖啡有兩個size，兩杯細嘅又飲唔晒，所以叫做一杯大嘅share。Cappuccino 拉花好靚，味道偏nutty，口感creamy，一邊享受brunch一邊嘆咖啡，真係非常寫意。…Read More

嚟咗呢間喺荃灣西嘅咖啡店兼餐廳食午餐同埋飲番杯熱咖啡☕️😆有多款 Lunch Set 可以選擇，咁揀咗 $96「三文魚菠蘿通心粉貝果配沙律 Smoked Salmon and Pineapple Macaroni Bagel with Salad 🥗」，Lunch Set 包 Regular Size Single Origin Brew Coffee，加 $16 轉咗要大杯 Cappuccino ☕️, 再加 $33「自家製藍莓核桃蛋糕 Homemade Loaf Cake - Blueberry & Walnut」😆Cappuccino ☕️ 大大杯熱辣辣，有咖啡香又有奶香又夠滑😋「三文魚菠蘿通心粉貝果配沙律」：用 Bagel 夾住三文魚同通心粉 呢個組合幾有趣，口感幾新穎，都幾好食🤣；三文魚有少少 smoky，又有非常爽脆嘅沙律菜同鮮蕃茄🤩「自家製藍莓核桃蛋糕」：食落甜甜哋，不過又唔算好甜，仲見到又食到有啲藍莓🫐 同埋 核桃🤩…Read More

想喺荃灣搵個地方hea下，就揀咗Espresso alchemy 佢哋嘅輕食同飲品都好出名，而且環境又夠晒chill，好啱同朋友嚟傾計！😌 今次試咗意粉同三文治，再加一杯Earl Grey Chocolate，perfect match💯Pasta - Crab Meat and Mushroom呢個蟹肉蘑菇意粉好足料🦀 意粉煮得彈牙，口感啱啱好，蟹肉味好濃郁，配埋啲蘑菇同埋creamy嘅醬汁，仲有啖啖蟹肉 真係好好味Panini - Lemon Chicken Bacon Cheese一上枱就聞到好香嘅檸檬味！🍋 麵包烘得外脆內軟，入面嘅雞肉好嫩滑juicy，仲有脆口Bacon，加上酸酸甜甜嘅檸檬汁，真係好開胃😋 啱晒想食啲清新嘢嘅朋友最後嚟杯Earl Grey Chocolate，真係好滿足☕️朱古力味好香濃，帶有淡淡嘅伯爵茶香味，味道好有層次，飲落唔會太甜👍🏻…Read More

在如心廣場地下，入門便看到這間咖啡店平時路過都見到滿座，今天決定試食 🍽️他們午餐菜單選擇不少，而且分門別類，列清楚，比較容易看到和選擇今天我和朋友選擇的是：青醬雞胸沙律配檸檬醋醬($95)很大盆的沙律，很多沙律菜，很超值的選擇，而且雞胸份量十足，味道好好，不會乾身，很健康的選擇蟹肉味噌意粉配鴻喜菇($115)整間餐廳都充滿着牛油的香味，這個意粉，送到枱面時還在出煙，每一啖都充滿濃郁的味道，讓人回味無窮。飲料都不錯，其中伯爵茶有多款的組合，包括：伯爵茶巧克力（+$11）而我選擇了Honey Earl Grey Latte （+$11）蜂蜜味道不是特別出，但也好喝！…Read More

🇻🇳 Vietnamese Banh Mi Baguette 越式法包是越南的經典街頭美食，今日可以係Alchemy 的menu 找到而且還可以選擇豬腩肉或豬頸肉。選了豬頸肉的越南法棍，雖要少少時間等候，因為要將豬頸肉煎得香香的，油脂釋出一點多點香味。法包經過烘烤，外層非常酥脆而內裏仍保持着柔軟，口感非常好。餡料除咗豬頸肉之外，還有一大片生菜、醬汁和醃製的蘿蔔絲，酸酸甜甜非常惹味。Cappuccino 當然要L size，他們的咖啡水準穩定是愛咖之人的樂園。很喜歡呢度的自家製蛋糕，我時常都會點香蕉蛋糕，今日想轉轉口味，原來檸檬蛋糕好清新，而且顏色漂亮，多一個選擇。…Read More

十號風球後天氣異常晴朗，九月尾仍然高溫，真令人有點難受。好彩還可以嘆番個凍啡。周六不用特定時間起床，一時多才吃第一餐，選了喚醒睡意的Sparkling Black，愛那清爽的感覺又有咖啡的醒神。煙三文魚忌廉芝士貝果配沙律🥗Bagel 上除了塗滿忌廉芝士還有凍凍的青瓜片好清新，跟肥美的煙三文魚共吃又感受到bagel 的外脆內糯，很好的配帶。好愛這裡的餐點，總是配上沙律菜，健康又美味。自家製lemon cake 清香的檸檬味，甜度適中。…Read More

朋友介紹吓去了這間Cafe度食，不過店舖嘅地點比較隱蔽，要花少少時間溫。店舖喺如心廣場嘅地下，雖然是一間細細地嘅Cafe，但係環境舒適可以同朋友傾吓偈食吓Tea。呢間店有很多lunch set，有沙律、bagel、意粉同三文治，適合唔同喜好嘅人士去食。今日朋友食咗lunch，只係陪我食lunch，所以我叫咗個lunch，朋友叫咗個蛋糕，但係食物都好有驚喜。煙三文魚忌廉芝士貝果配沙律Bagel有口感又香脆，配上cream cheese 同三文魚，味道很夾，再加上cream cheese都很滑，好食。新酮朱古力花生醬卷一切開卷蛋，就有震震的花生醬香味聞到，食落花生醬不會太張口，而且朱古力卷亦不會太甜，新酮食物來說，也是非常吸引的。朱古力咖啡朱古力和咖啡的味道相當平衡，朱古力口味剛剛好，也能滲出咖啡的香味，是一杯很好飲的朱古力咖啡。青檸蜜糖梳打蜜糖配上青檸，清新，也解渴，很適合夏天飲。整體來說，這間Cafe也很值得推介的，價錢唔太貴，食得非常之飽，性價比高。…Read More

餐廳就在如心廣場地下，地鐵出閘後，可從商場的天橋走過來，吃一個醒神早餐～煙肉芝士奄列配多士～奄列的雞蛋都是厚厚的，包裹著煙肉及芝士，旁邊還有一片熱辣辣，烘得香脆的多士，塗上牛油後更美味～煙三文魚忌廉芝士貝果配沙律～沙律超多，很多火箭菜，營養豐富；貝果的煙韌拉扯感更是十分有口感～法式西多士配自家製雜莓醬～西多士的味道有點像丹麥酥，很香又鬆，而自家製雜莓醬更是美味非常，超多果肉，味道酸甜很開胃解膩～熱朱古力～拉花的設計真的超靚，送上桌時大家都爭著打卡，味道也非常香濃～熱咖啡～是跟餐附送，咖啡味香濃，帶點苦澀味，十分醒神～…Read More

久不久要來店chil一chil，店內環境真係幾舒服，裝修走簡約雅潔風，白色牆身配白系傢俬，感覺好溫馨。光線柔和，有啲自然光滲入，坐低就好放鬆。座位唔算多，但間隔寬敞，唔會逼促。啱晒慢慢嘆杯咖啡或者同朋友傾偈，整體氣氛好適合hea一個中午～呢間小店喺如心廣場，交通非常方便，叫咗杯ice mocha同熱朱古力，香濃又唔膩。食物種類有很多選擇👆主食叫了一份lunch set，pasta chicken needle 另外一份係火腿雞肉三文治，pasta chicken 非常清新一啲都唔油，好好食，另外個雞肉三文治，雞肉一啲都唔鞋，不過麵包乾身左有改善嘅空間。甜品香蕉蛋糕唔會太甜，啱晒唔嗜甜嘅人，整體好有驚喜！…Read More

打完波又係時候要吃午餐了，最近比較注意飲食，會挑選一些健康而又美味的食品。Espresso Alchemy 有個健康沙律「青醬雞胸沙律配檸檬醋醬」，雞胸肉保持鮮嫩多汁，這是慢煮的成果，而且份量好多，足夠男士一餐的份量，伴隨的沙律菜用檸檬醋調味，沙律菜新鮮爽口配上雞件，即使運動後和keep fit都係一個好選擇，有豐富的蛋白質。Lunch set 包一杯咖啡 也可以加錢改espresso，我叫了一杯大Latte ，咖啡也是每日必飲的，入口柔順有克朱古力的餘韻。自家製藍莓蛋糕濕潤鬆軟，外層有點點香脆，厚切令到蛋糕更有口感而且甜度適中。…Read More

要一個Good morning要由早餐開始！自從來這一區上班後這裡是我早餐飯堂之一有什麼比早上來一杯咖啡更幸福就是來一杯the world’s best 100 coffee！早餐時段提供套餐菜單凡購買指定主食，均附送一杯black coffee對喜歡黑咖啡的人來說實在是福音～這裡的黑咖啡我是喜歡的酸度和苦味平衡，入口醇厚表面帶點油脂主食有各款奄列或三文治、比高包等今天點了菠菜芝士奄列，健康之選切下去還有點拉絲的效果還附兩片吐司，煙韌有口感上桌時碟時預先預熱的牛油已呈半溶的狀態真是香氣撲鼻～今天拉了同事一起吃個早餐才去開會任性地點了一款想試很久的甜品（作早餐～）就是吃了也不會升糖的生酮甜品黑朱古力花生醬生酮蛋卷對於生酮食品有理解的朋友應該知道製作過程和食材也不帶糖份味道不可以跟腦袋裡的「黑朱古力」作比較的我覺得還原度已經非常高了！Latte應該不用多說，提神又好喝這裡有一片美美的大玻璃窗天氣好和下雨均有不同的美景可以坐在室內享受美食和咖啡實在很幸福…Read More

星期六咁岩帶個女黎如心見仲有時間就黎嘆個Brunch 先🍔 烤雞菠蘿漢堡配檸檬乳酪醬及焗薯雞肉鮮嫩多汁而且烤菠蘿面頭帶有焦香菠蘿酸甜巧妙平衡鹹味配搭檸檬乳酪醬清新解膩仲有外脆內綿的焗薯好有滿足感🍰 藍莓核桃蛋糕大大粒核桃好足料藍莓果粒味道酸甜蛋糕體濕潤唔會乾甜度控制得恰到好處☕️ 鮮奶朱古力特別點比個女飲面頭拉花好靚濃滑順口朱古力味溫和加埋牛奶就岩岩好🥛 鮮奶咖啡咖啡味充足但唔酸苦Brunch 最岩飲番回下魂！…Read More

Espresso Alchemy 的全日早餐是我喜愛的Special，因為唔使諗都有我鍾意食的香腸、煙肉和牛角包等，今日見到菜單上有些新出品，就選其中一款吧。辣蟹肉炒蛋多士配沙律（$95）這個賣相也不錯，微辣，蛋炒得比較濕潤包裹着蠻多的蟹肉又有少少洋蔥粒，非常好味。新item又想拍下照，店員細心的提示我要盡快食啊，唔想影響脆脆的酸種麵包的口感，旁邊的沙律菜非常新鮮，份量剛剛好，唔會食得太飽。Flat White (大 $45）奶泡幼滑，入口順喉。自家製咖啡胡核蛋糕（$33）蛋糕香軟，厚厚的一件，奉客前先焗熱，溫度剛剛好。…Read More

周末又係放風的日子，天朗氣清心情特別舒爽，不忘嘆番杯好啡。慣常的走到喜愛的cafe，喜歡那兒充滿陽光，從大大的落地玻璃眺望窗外的遊人，發下呆享受一下休息日的樂趣。安排了座位，打開menu，原來加了不少新菜品，今日真的有選擇困難症（笑），最終決定試下鴨胸紅咖喱。「紅咖喱鴨胸肉忌廉長通粉」嘩，好惹味啊！厚切條狀的鴨胸肉配上紅咖喱汁好好味，皆因有菠蘿粒粒和紅青燈籠椒提味，個汁帶少少辣更加昇華，他們的長通粉一向對質感都有保證，時間剛剛好，這個新pasta 可以再吃。天氣仍十分熱選了一杯凍Cappuccino ，奶滑啡香。肚子仍有空位，吃了一件綿密的咖啡胡桃蛋糕，份量十足又唔會太甜，吃飽飽準備去附近看番場電影。…Read More

無論陰天晴天，喜歡泡這餐廳，享受窗外好風光，店內咖啡香、輕食美味。喜歡這裏的咖啡、自家製合桃蛋糕、精緻健康的午餐。咖啡豆都是自家進口，日替咖啡的咖啡豆如果你喜歡可以買回家自己沖泡，咖啡特飲的選擇好多。多款精緻午餐，例如三文魚沙律、青醬雞胸沙律都是無澱粉的好選擇。意粉做得剛剛好，不會過於軟腍。雞肉芝士夾包是我最喜歡的下午茶，兩人一份剛剛好。簡單的自家烤合桃蛋糕實而不華，不太甜、沒有色素及忌廉，偶然吃一件也沒有負擔。…Read More