影片
更多
2022-12-12
105 瀏覽
一心想食小籠包，見到樂天就中咗入去。點知搵均成本menu都搵唔到小籠包，原來樂天經典係樂天集團旗下嘅南洋菜餐廳，真係擺咗個大烏龍呀！既然都坐低咗連茶都開埋，於是就試吓啦，反正都好耐無食南洋嘢。桂花烏龍茶 $12/位一坐低侍應就問我哋要唔要飲桂花烏龍茶，都幾清香桂花味，但直到埋單先知道原來要$12一位。咕嚕肉 $98肉嘅份量都幾多，而且炸得好酥脆，咬落去唔會覺得個炸粉好厚身，肉質肥瘦適中，唔會好乾好柴，每一粒咕嚕肉都被酸酸甜甜嘅醬汁包裹住，酸甜開胃又唔油膩。菜香鐵板豆腐 $98大大磚嘅豆腐用鐵板上，上面有一層薄薄嘅蛋漿，一路食都keep住熱辣辣，豆腐嘅質地係玉子豆腐，外層炸過有焦香，中間嫩滑有蛋香。肉碎醬汁好惹味，呢一個小菜好適合送飯！大蝦炆米 (例） $78兩隻大蝦鮮甜彈牙，蝦湯蝦味濃郁，米粉完全吸收咗湯嘅精華，每一口都係享受！因為今次又想食埋臘味炒飯，於是將食剩嘅米粉打包第二日做lunch，隔咗一晚個米粉比尋晚更加美味😆臘味炒飯 (例） $68飯粒炒到粒粒分明夠乾身，口感煙韌，醬油香氣撲鼻，啖啖都食到臘味粒粒，齒頰留香。清心丸綠豆爽 $38清心丸清甜帶嚼勁，甜而不膩，糖水入面仲有清熱
既然都坐低咗連茶都開埋，於是就試吓啦，反正都好耐無食南洋嘢。
桂花烏龍茶 $12/位
一坐低侍應就問我哋要唔要飲桂花烏龍茶，都幾清香桂花味，但直到埋單先知道原來要$12一位。
咕嚕肉 $98
肉嘅份量都幾多，而且炸得好酥脆，咬落去唔會覺得個炸粉好厚身，肉質肥瘦適中，唔會好乾好柴，每一粒咕嚕肉都被酸酸甜甜嘅醬汁包裹住，酸甜開胃又唔油膩。
菜香鐵板豆腐 $98
大大磚嘅豆腐用鐵板上，上面有一層薄薄嘅蛋漿，一路食都keep住熱辣辣，豆腐嘅質地係玉子豆腐，外層炸過有焦香，中間嫩滑有蛋香。肉碎醬汁好惹味，呢一個小菜好適合送飯！
大蝦炆米 (例） $78
兩隻大蝦鮮甜彈牙，蝦湯蝦味濃郁，米粉完全吸收咗湯嘅精華，每一口都係享受！因為今次又想食埋臘味炒飯，於是將食剩嘅米粉打包第二日做lunch，隔咗一晚個米粉比尋晚更加美味😆
臘味炒飯 (例） $68
飯粒炒到粒粒分明夠乾身，口感煙韌，醬油香氣撲鼻，啖啖都食到臘味粒粒，齒頰留香。
清心丸綠豆爽 $38
清心丸清甜帶嚼勁，甜而不膩，糖水入面仲有清熱潤肺嘅綠豆同爽口馬蹄片，非常適合不太嗜甜嘅朋友。
香茅凍 $36
甜中帶微酸，充滿香茅獨特香味，非常清新。
原來12月16號前叫招牌蝦湯菜式，可以用六折優惠價加購樂天經典Top 10最受歡迎菜式，即係個咕嚕肉折咗之後都係60蚊咋，真係勁抵食呀！
張貼
