影片
更多
2021-08-03
2459 瀏覽
今日參加咗個本地遊，午餐食得早，而結束點問晌尖沙咀，所以，順道逛一逛The One地庫吓Aeon，入點貨之餘，並食埋個早鳥晚餐先返屋企。晌商場嘅餐廳指南望兩望，就決定試試台灣過江龍嘅「Dazzling Cafe」，因為知道佢哋嘅蜜糖吐司、窩夫鬆餅都幾有人氣。 門面以粉紅為主調，加試尾尾嘅花牆，好夢幻嘅感覺。而室內嘅裝潢亦好跳脫，利用唔同粉色系嘅顏色及霓虹燈裝置，營造出年輕、活力、不拘一格嘅感覺。最尾嘅3個卡位，更有落地大玻璃窗，可以睇到九龍公園景添。 話明喺台灣過江龍，當然有不少台灣美食，但款式不限於台式，仲有多款西式美食，如墨西哥薄餅、漢堡、意粉，當然，蜜糖吐司及窩夫鬆餅喺其亮點。（今次影啲餐牌唔喺好清，官裝又無餐牌下載，請見諒！）近來天氣又熱又濕，晌戶外行兩行都一身汗，坐低首要喺叫杯凍飲解暑。飲品方面，咖啡、花茶、果茶自然選擇多多，更有不少加入台式元素嘅特色飲品。 此外，近來台灣愛文芒果當造，有一個期間限定餐牌，就推出咗兩款相關嘅飲品及兩款相關嘅甜品，我哋一向都喜歡芒果呢種食材，當然要試一試啦。 仲有，餐廳跟Häagen-Dazs聯乘，又推出咗相關嘅飲品及甜品，不過，呢個我哋就興趣
門面以粉紅為主調，加試尾尾嘅花牆，好夢幻嘅感覺。而室內嘅裝潢亦好跳脫，利用唔同粉色系嘅顏色及霓虹燈裝置，營造出年輕、活力、不拘一格嘅感覺。最尾嘅3個卡位，更有落地大玻璃窗，可以睇到九龍公園景添。
話明喺台灣過江龍，當然有不少台灣美食，但款式不限於台式，仲有多款西式美食，如墨西哥薄餅、漢堡、意粉，當然，蜜糖吐司及窩夫鬆餅喺其亮點。（今次影啲餐牌唔喺好清，官裝又無餐牌下載，請見諒！）
近來天氣又熱又濕，晌戶外行兩行都一身汗，坐低首要喺叫杯凍飲解暑。飲品方面，咖啡、花茶、果茶自然選擇多多，更有不少加入台式元素嘅特色飲品。
此外，近來台灣愛文芒果當造，有一個期間限定餐牌，就推出咗兩款相關嘅飲品及兩款相關嘅甜品，我哋一向都喜歡芒果呢種食材，當然要試一試啦。
仲有，餐廳跟Häagen-Dazs聯乘，又推出咗相關嘅飲品及甜品，不過，呢個我哋就興趣唔算大。
百香果鮮柚茶 $45百香果完全開正老婆嗰瓣，所以，二話不說就喺揀佢。杯內大大片西柚作點綴，而杯面既有西柚，又有啲菠蘿粒，賣相都幾清爽。入口好有百香果嘅果香，酸酸香香咁，又滲出西柚嘅獨特柚香，感覺真喺唔錯。
百香果鮮柚茶
$45
30 瀏覽
0 讚好
0 留言
烏龍茶做茶底一向都幾好飲，而茶底加入愛文芒果汁，令茶味中多添一份清甜嘅芒果果香，而面頭加咗啲芒果粒粒，可以細味愛文芒嘅原味。晌炎夏，真喺點爽得過嘆杯冰涼嘅果茶吖！
愛文芒果烏龍冰茶
$48
23 瀏覽
0 讚好
0 留言
講明喺早鳥晚餐，當然叫個主食嚟墊吓肚，餐牌中，呢一款漢堡排飯打咗粒星，喺餐廳推介，最估唔到一向偏素嘅老婆都想試佢。飯面淋滿醬汁，喺嫌佢落得唔夠多芝士，熔岩效果唔夠強，不過，件漢堡扒就非常厚身，好有睇頭。
夏威夷熔岩漢堡排飯
$128
42 瀏覽
0 讚好
0 留言
仲夏芒果鬆餅 $98 兩款限定甜品，其實兩款都有興趣，不過，最後揀鬆餅，都喺隨心而已。一大球HD芒果雪糕放上鬆餅面，周邊再放咗好多芒果肉，並淋上大量芒果漿，灑上少少開心果仁碎，最終嘅賣相確喺幾靚，一身金黃吸引。
仲夏芒果鬆餅
$98
11 瀏覽
0 讚好
0 留言
第一次到訪「Dazzling Cafe」，感覺幾唔錯，無論個飯品，抑或碟鬆餅（我都喺喜歡叫窩夫多啲）都好有水準，加上兩杯飲品都好飲。服務都有深刻印象，因為食完個飯，啲餐具都沾滿啲醬汁，當上甜品時，店員都已經自動幫我哋換過一套新嘅餐具。
張貼
