Dazzling Cafe (The ONE) (已結業)

好姐妹難得相聚🥰這間cafe以前光顧過！食物唔錯！地點又方便大家！午市時段，全店祇得四張檯有客人～可借全店女員工、好像睇唔見客人有需要🙄不主動幫忙！午餐套餐：凱撒沙律牛肝菌香菇意大利麵雜菌味香濃！意粉口感剛剛好香煎咖哩雞扒飯👍咖哩帶辣但好惹味雞扒肉質嫩滑👍Strawberry Ice cream Waffle 鬆餅好脆口Latte Latte Vanilla 仲夏熱帶水果茶👍一上檯！香氣撲鼻👍水果充足😋…查看更多

係the one行完街肚餓，見到呢間cafe 裝修好靚，好啱打卡咁😚入到去裏面每張櫈都有唔同造型，好特別叫咗個主食加薯條仲有雞翼，最欣賞係雞翼，份量都唔算少，兩個人食完全冇問題，雞翼外脆內軟，同埋佢分開咗一半更加容易食，女仔最唔鍾意出街食雞翼，輪骨真係有啲醜，覺得剪開幾貼心呢杯薄荷朱古力佈滿cream邪惡感滿滿，仲要好大杯飲落真係會有薄荷味，都唔假嘅而我叫嘅呢杯榛子果仁朱古力仲送多塊餅乾，天氣凍嘅時候飲真係會暖笠笠，而且佢個榛子朱古力唔算話太甜，不錯煮食嚟講，呢個蕃茄大蝦意粉整體味道不錯，而且冇諗過咁多隻蝦，美中不足嘅係佢落咗一種台灣人好鍾意嘅香料，但我同朋友都麻麻地嘅九層塔，如果冇呢隻味就更完美，個人口味，如果有人鍾意應該也不錯呢個番薯條就好驚喜，冇諗過咁多條，份量不錯👍…查看更多

如果要喺尖沙咀揀一間Cafe我一定會揀呢間‼️成間餐廳都係粉紅色主題靠窗邊坐嘅話個景色都係唔錯基本上坐邊個位都係打卡位裝修亦都超級靚🩷好啱女仔打卡📸同埋嘢食絕對唔貴 叫做打卡嘅Cafe合理價錢今次嗌咗個咖喱雞扒飯（辣的 唔係講笑）本身以為佢同大家樂嗰啲差唔多但原來辣得來真係有咖喱嘅味道一定要係食得辣嘅人先可以揀雞扒都好大塊 亦都煮得啱啱好都係好嫩口然後加咗個橙茶夜晚因為飲唔到咖啡 只可以飲茶橙味好濃 加埋一齊 有果甜味都有茶嘅回甘味…查看更多

有日星期六咁岩行開尖沙咀，就去左試哩間台式既女僕Café。間餐廳既裝修偏向可愛少女風，職員亦都係著住女僕衫，不過就唔需要念咒語🤣但係哩間餐廳最吸引我地既地方係佢既食物！搞到我地忍唔住一星期食左兩次🤣🤣都打埋一齊講喇柚子蜜雞翼 $88雞翼係單骨的，炸到外脆內嫩，搭配柚子醬酸酸甜甜，不錯不錯！松露薯條 $78送上黎既時候就聞到好勁既黑松露味，中意食黑松露既朋友值得一試，不過記得要趁熱食。明太子意大利麵😋 $128 哩碟意粉不得了，我地兩次黎都有叫佢，係佢令我踏上左明太子意粉既不歸路🤣佢既麵質較幼身，軟硬適中，每一啖麵都做到掛汁，但又唔會太乾，再加上有大量蟹籽同紫菜撈埋一齊食，真係無得輸😋😋😋拿破崙大蝦意大利麵 $118蕃茄汁炒意粉配上虎蝦、辣肉腸，唔算好有蕃茄味，整體黎講中規中矩。經典巧克力鬆餅+麻糬 $108 + $15鬆餅煎到金黃色，做到外脆內軟，蛋香濃郁，額外加配既麻糬又增添一份口感，再配埋可可粉同雪糕，身為朱古力控既我表示👍🏻👍🏻草莓繽紛冰淇淋鬆餅+麻糬 $118 + $15第二次去食就試左草莓鬆餅，今次係配草莓醬+煉奶+糖漿，個人覺得草莓同鬆餅哩個配搭更出色，味道上無咁膩，如果唔係朱古力控既你可以試哩個。Pop Pop $58海鹽焦糖+極多配料既奶昔，啲配料多到我要食晒佢先夠插支飲管落去飲🤣奶昔較稀，唔會驚太飽。重甜者會中意，而且打卡一流仲夏熱帶水果茶(凍) $54清新水果茶，配埋鬆餅一流👍🏻而且份量好多，斟左5-6杯都仲有🤣好抵飲另外2杯野飲無乜特別同超甜，就唔太建議總結：明太子意粉必食，相當出色！提提大家每位最低消費一杯野飲，其他食物質素都不錯，又可以打卡，適合放假黎chill下😋…查看更多

老老豆豆，一直經過dazzling cafe,都覺得佢係賣門面，因為佢出面真係好靚一間係商場入面既打卡cafe真係執得好靚，而入面就係落地大玻璃！真係勁靚，全是打卡位，但因為當日只係是但搵間餐廳食野，所以無化妝都無影相，大家可以去睇下，真心係幾靚既。而去到入面，我見到全部都係後生仔同事，講真既，我係對後生嘅服務性行業同事有少少意見，但係坐咗一陣就發現呢度嘅同事都好專心做嘢，態度冇特別好，但係好專業，好快手，好熟手，我反而又好滿意😂因為好有效率～我哋嗌咗兩碟野同兩杯嘢飲分別係黑松露牛肝菌意粉配薄荷朱古力飲品，同埋烏魚子唔記得係意大利粉定天使麵，配一杯叫ocean 既野飲！我想講呢個烏魚子好好食，唔腥之餘仲好新鮮好香！仲有每一條麵都係掛到啲烏魚子！鬼佬版嘅蝦子撈麵，但佢掛得好勻循！每一啖都有平均嘅口感同味覺！之後到呢個黑松露牛肝菌意粉呢個汁香到不得了！！好有層次唔係好似啲白汁或者普通蘑菇汁咁得一隻味！！！！呢個係仲好食過個烏魚子！！！呢個ocean我都唔記得左咩味但幾好味😂如果薄荷朱古力偏淡，但係我覺得啱啱好總括嚟講呢次體驗幾好好多位，地方闊落，環境乾淨舒服，無論你係一個人嚟食定係幾個人嚟食佢都有適當嘅位置，而且唔嘈！…查看更多