瀧宴日本料理

營業中

休息中

今日午餐嚟到銅鑼灣嘅瀧宴試下食鐵板燒，今次真係好期待。呢度環境真係無得彈，坐喺度透過落地玻璃望出去，見到維園同維港海景，心情即刻放鬆曬。- 季節前菜呢個明太子玉子燒，一上嚟就好吸引。明太子嘅鹹香再次襯托出玉子嘅鮮甜，一啖好惹味。- 季節刺身唔怕唔夠滿足，仲可以加$98試埋鯛魚、深海池魚、吞拿魚，呢幾款魚嘅油脂豐富，鮮味十足。- 南非鮑魚鮑魚肉質彈牙又爽口，只需加少少調味已經好好味，真係原汁原味。- 美國頂級牛肉師傅俐落切成一粒粒，五成熟煎到岩岩好，超惹味，配撚岩鹽同脆卜卜嘅蒜片，味道層次感瞬間提升。- 鹿兒島櫻花蝦炒飯炒飯香又夠哂鑊氣，加上櫻花蝦仲更加香，米飯粒粒分明，好正！- 龍蝦頭面豉湯湯好鮮甜，龍蝦味道濃郁，非常可口。- 漬物醃青瓜同蘿蔔食落酸酸地，好清新，幫助中和鐵板燒嘅油膩感，仲好開胃。- 炒什菜嫩嫩嘅芽菜清爽香脆，配埋芝麻同蒜香醬，味道真係唔錯。- 是日精選甜品無論食咩都係擺個甜品結束最好！今日嘅黑加侖子啫喱，口感清新又唔太甜，完美為餐點劃上句號。總括嚟講，呢餐係一次充滿視覺同味覺享受嘅鐵板燒體驗，無論食物質素定環境都一樣頂級，真係唔可以錯過！