韓雅林

營業中

休息中

諗起韓國料理，就想食烤肉、醬油蟹！今次黎到銅鑼灣廣場既「韓雅林」可以一次滿足兩大食慾💕🥢點餐後先奉上7款韓式前菜：泡菜、煎豆腐、麻油香拌茄子軟嫩滑口、芽菜、菠菜、醃甜心黃蕃薯。淨係前菜已經夠吸引！ 🔥雪花牛肉雪花牛肉細緻大理石紋理，燒肉厚薄剛好，軟潤度適中，肉汁味道濃厚，略帶輕油脂香，微焦更juicy! 伴上南瓜片、菇片，恰好中和濃郁感。🦀醬油生醃蟹蟹殼透著琥珀光澤，見到橙黃蟹膏就忍唔住即刻拆出蟹膏蟹肉混入紫菜牛油蛋飯拌勻，每粒飯都充滿濃郁鮮味，又有牛油紫菜香味，好有幸福感！ 🥣藥膳牛排骨湯 食完醬油蟹，來一鍋熱辣辣既藥膳牛排骨湯最療癒！湯頭清澈，但牛味濃郁，帶淡淡當歸紅棗香氣。排骨燉到骨肉輕鬆分離，筋肉部位軟嫩帶膠質，湯底藏著吸滿精華既韓式粉絲，另附白飯可做泡飯！ 最後仲有雪米滋做甜品。