Mano (The L. Square)

今日跟朋友去到銅鑼灣搵食，我哋揀咗間位於L Square 樓上意大利餐廳 “Mano”好彩朋友有預早book枱，餐廳俾咗一張單邊位二人枱，坐得舒服。一到6:30pm 左右，餐廳已經有好多食客入座。叫咗$888的2人套餐，飲品仲可以買一送一，所以叫咗兩個mocktails，真心覺得好抵。^_^1. 前菜有Parma Ham加牛油果沙律，絕對精緻好味。2. 是日餐湯係南瓜湯，上枱熱辣辣，好Creamy，正。3. 8OZ 意大利牛柳配火箭菜，牛柳五成熟非常鮮甜容易入口，加埋火箭菜清新沙律非常夾。4. 另外一個主菜係帶子三文魚子龍蝦汁扁意粉。帶子煎得香口內軟，帶子肉好厚，意粉分量剛剛好。5. 黎到意大利餐廳，梗係叫Tiramisu啦，非常軟滑。6. 二人餐，另外一款甜品就係藍莓cheese cake，芝士味香濃，好味。整體來講，食物價錢優惠，食物水準高上，性價比極高，值得一試再試。