Mr. Steak Buffet à la minute

營業中

休息中

最近帶媽咪去食自助餐～ 我喺網上見到位於銅鑼灣嘅Mr. Steak Buffet好抵食，所以帶埋媽咪嚟試吓。平日嚟到都好full，餐廳景觀開陽，窗邊仲可以睇到海景。座位與座位間間隔適中，坐得舒服，食得舒服。海鮮區海鮮有生蠔、龍蝦、蟹腳、青口、鮮蝦、螺肉等等。每人每次可以攞一隻龍蝦，次數不限。生蠔好新鮮，食落海水味重。龍蝦肉質彈牙，食得到鮮甜味，肉質紮實。蟹腳有濃濃嘅海水鹹香味，成條肉咁食好正啊。鮮蝦新鮮彈牙，有鮮味。刺身區刺身有三文魚、北寄貝、八爪魚、吞拿魚等等。我食咗三文魚，食落都有鮮味，帶點魚油香。旁邊仲有各款熟食壽司例如係蟹柳壽司、腐皮壽司、玉子壽司等等，選擇豐富。熟食區熟食方面，餐廳而家主打佐賀和牛，有鐵板燒佐賀牛、慢烤鹽麴燒佐賀牛扒、炎燒壽司。鐵板燒佐賀牛入邊配有炸蒜粒，食落較香口，牛肉薄薄地，充滿油香。而牛扒質地就較紮實，肉味多啲，但係同時都有和牛帶嚟嘅油脂感，大家可以自由配搭炒蘑菇、翠玉瓜、薯蓉等配料。師傅會即場燒和牛壽司，好香，和牛輕輕燒過，食落質地柔軟。其他較特別嘅熟食仲有片皮鴨、北海道白樺豚壽喜燒同鵝肝多士。豚肉壽喜燒吸滿醬汁嘅味道，甜甜地，底下配有娃娃菜同粉絲。鵝