潮興隆

營業中

休息中

最近去銅鑼灣睇完戲，試咗一間潮州菜餐廳，好有驚喜，要推薦俾大家🤗首先做咗個潮州特色小食🧆普寧炸豆腐，外脆內嫩，豆腐吸收咗香料嘅味道，食落去非常過癮🍽️ 再叫咗份炸魚皮，香脆可口，好適合配麵食！🐟然後，我試咗金牌牛雜河粉，牛雜煮得非常入味，最鍾意食牛肺 好爽口😍搭配Q彈河粉，湯底清甜，整碗麵食落去好滿足！🍜招牌牛腩飯係另一個驚喜，牛腩份量多，肉質軟嫩，搭配白飯，醬汁香濃，真係好好味！🥩韭菜豬紅都係一個好選擇，韭菜清香，搭配豬紅，味道獨特，口感豐富，係一道非常下飯嘅菜！另外叫咗碟牛腩汁菜心，菜心鮮嫩，搭配牛腩汁，味道香濃，食落去非常開胃！🥦飲品方面我哋試咗特飲，兩款都好有驚喜💖鮮榨油柑汁清新解渴，味道酸甜，非常適合搭配重口味嘅菜式🍊仲有金銀茶菊花，呢款茶飲清香怡人，解膩之餘又幫助消化🍵