影片
更多
2024-02-29
991 瀏覽
🌟餐廳：鮨山月📍地址：銅鑼灣駱克道459-461號The L. Square 2樓💰價位：～$800⏰營業時間：星期一至日12:00 - 15:00 / 18:30 - 23:00📱電話：6393 9686辛勞工作收工～又係時候歎返餐omakesa，獎勵下自己先！朋友仔推介銅鑼灣既「鮨山月」，我地揀咗晚市omakase - 「山Yama」套餐，一共有15道菜，包括前菜、時令日本海鮮刺身、煮物、手握壽司、茶碗蒸、湯品及甜品，食物種類夠哂豐富，即刻開心share比大家先～✨漬物 （子薑，柚子大根，芥末漬山藥）師父自家製3款漬物，包括子薑、柚子大根及芥末漬山藥，每款口感爽脆，入口清新～我就大推柚子大根，咬落香脆清甜，加入柚子皮，口感更清新！✨季節螢光魷魚墨汁茶碗蒸面頭有時令當造螢光魷魚，口感爽彈，鮮味爆燈！茶碗蒸蛋味超濃郁，加入墨汁蒸制，顏色夠哂型格～相當出色既茶碗蒸！✨ 石垣鯛刺身有別於一般白身魚，口感肥美黏口，魚味超突出，上層更灑上自家醃制金黃色既烏魚子粉，咸咸香香，令魚肉鮮味更突出！✨沙甸魚磯邊卷賣相精緻，沙甸魚以磯邊卷方式上菜！肥美去骨既沙甸魚肉搭配芽蔥，再用紫菜包住，入口香脆，層次
📍地址：銅鑼灣駱克道459-461號The L. Square 2樓
💰價位：～$800
⏰營業時間：星期一至日12:00 - 15:00 / 18:30 - 23:00
📱電話：6393 9686
辛勞工作收工～又係時候歎返餐omakesa，獎勵下自己先！
朋友仔推介銅鑼灣既「鮨山月」，我地揀咗晚市omakase - 「山Yama」套餐，一共有15道菜，包括前菜、時令日本海鮮刺身、煮物、手握壽司、茶碗蒸、湯品及甜品，食物種類夠哂豐富，即刻開心share比大家先～
✨漬物 （子薑，柚子大根，芥末漬山藥）
師父自家製3款漬物，包括子薑、柚子大根及芥末漬山藥，每款口感爽脆，入口清新～我就大推柚子大根，咬落香脆清甜，加入柚子皮，口感更清新！
✨季節螢光魷魚墨汁茶碗蒸
面頭有時令當造螢光魷魚，口感爽彈，鮮味爆燈！茶碗蒸蛋味超濃郁，加入墨汁蒸制，顏色夠哂型格～相當出色既茶碗蒸！
✨ 石垣鯛刺身
有別於一般白身魚，口感肥美黏口，魚味超突出，上層更灑上自家醃制金黃色既烏魚子粉，咸咸香香，令魚肉鮮味更突出！
✨沙甸魚磯邊卷
賣相精緻，沙甸魚以磯邊卷方式上菜！
肥美去骨既沙甸魚肉搭配芽蔥，再用紫菜包住，入口香脆，層次感十足，芽蔥既清新香氣更能點綴沙甸魚既濃郁味道！
✨鱈魚白子
鱈魚白子白雪雪晶瑩剔透，用上柚子醋、芽蔥粒襯托，清爽微微酸，更能突顯白子既鮮甜！特別一提，師父採用暖出做法，白子微微暖，入口更滑順，且能品嘗白子既濃郁！
✨帆立貝幽庵燒
帆立貝大大件，厚肉鮮甜，以幽庵燒手法處理，外層微微焦香，鮮味更突出，再搭配香脆既紫菜包住食，大大啖夠哂滿足！
✨ 鮟鱇魚肝凍撻
心機之作！
自家制作脆脆撻底，釀入滑嫩濃厚既鮟鱇魚肝，再配上乾紫菜、紫蘇花及蕃茄清湯啫喱，賣相夠哂精美！一啖擺入口，層次感一流，蕃茄清湯果凍既清新完美襯托香濃油潤既鮟鱇魚肝，衝擊味蕾，必試！
✨ 煙燻鰆魚
鰆魚蘊含豐厚魚脂，肉質夠哂肥美！師父更加入自家調制洋蔥醬、芽蔥粒及芽蔥，除左中和鰆魚既油脂感，更能提鮮！
✨太刀魚天婦羅
太刀魚肉身夠厚肉，近魚皮位置既魚脂感豐富，以天婦羅方式製作，口感更突出，外層香脆，咬落啖啖肉，魚肉味突出！師父特意加入以味噌醃制過既榨菜片，咸鮮味十足，用黎拌以太刀魚一齊食，夠哂創意！
✨ 富山灣白蝦壽司
白蝦蝦肉爽滑，夠哂鮮甜，配合赤醋飯，呢個組合一流！
✨ 針魚壽司
針魚嘅鮮味超濃厚，軟滑帶甜味，口感豐富！
✨備長炭燒喉黑魚壽司
喉黑魚又名赤鯥，係微甜帶油份既高級白身魚，師傅已備長炭微燒，更能讓其滲出魚油，入口油潤滑順，超鮮甜！
✨季節鰤魚壽司
用上醬油漬，鮮味更突出，入口綿密細膩，大滿足！
✨中拖羅壽司
肉質緊緻，油脂感十足，滑嫩且魚油味香濃，我既至愛！
✨醬油漬魚籽馬糞海膽杯
黎到最後一道菜式，馬糞海膽厚滑香濃，鮮味爆登～另加入醬油漬魚籽，粒粒香甜爆汁，成個組合鮮味濃厚，超正！
✨麵豉湯
最後奉上以魚肉及魚骨熬製嘅麵豉湯，飲落格外鮮甜～食完壽司嘆番碗暖笠笠嘅麵豉湯，特別暖胃窩心！
✨甜品 (靜岡縣溫室蜜瓜 及 自家製焙茶奶凍）
先品嚐冰凍既靜岡縣溫室蜜瓜，香甜juicy，夠晒清新～
而自家製焙茶奶凍，茶味香醇，入口夠晒滑順，微微甜食得好滋味！
最後店員更會提供熱辣辣嘅焙茶，搭配以上甜品，為咁豐富既一餐畫上完美句號！
———————————————————
😋味道：4.5/5
🏢環境：4.5/5
💁🏻♀️服務：4.5/5
💵價錢：4.5/5
🤟🏻性價比：4.5/5
———————————————————
👅整體小總結
餐廳用上和風木系裝修，環境簡潔優雅，用餐氛圍寧靜舒適！
食物方面，師傅採用各款時令新鮮食材，配合創新及落足心機嘅製作方法，創造出一道道高質嘅菜式，超推介大家嚟試一試！
值得一提，所有店員既態度親切有禮，細心講解每一道菜式，夠哂互動，抵讚~
———————————————————
張貼
