影片
更多
2023-11-13
8 瀏覽
嚟銅鑼灣又唔知食咩？好啊，朋友介紹咗一間隱蔽高質嘅Cafe，一於是一試啦，萬事套餐一啲都唔貴，大約$200就可以食到套餐，包括沙律湯主菜甜品同埋嘢飲，呢個價錢喺銅鑼灣真係好抵食呀😆環境舒適坐得舒服，又可以同朋友慢慢傾吓偈，服務好好好有禮貌，好加分啊！🥗素食雜果沙律 (7/10)沙律用咗牛油生菜，生菜爽口乾身又甜，一啲都唔馬虎，有心思！配搭相當豐富，有橙藍莓士多啤梨梨蘋果，果汁係酸酸地嘅，都幾清爽開胃。🍴是日濃湯 (8.5/10)蘑菇湯非常香濃，好creamy濃厚，飲得出係蘑菇打成碎碎，真材實料！🍴慢煮安格斯封門柳配阿根庭青醬&炸薯條 $299 另收加一 (9/10)慢煮封門柳肉質好嫩滑，有肉香，個香草汁好香酸酸哋幾開胃，薯條係即叫即炸自家製，非常有薯尾，另外配咗個炸蒜蓉蔬菜，整體配搭唔會好油膩，份量啱啱好啊！🍴 炙燒北海道帶子配蒜香明太子扁意粉 $202 另收加一 (9/10)意粉彈牙，明太子比較鹹鹹辣辣，帶少少鮮味，欣賞佢用咗新鮮名太子，帶子有輕輕煎過，用咗刺身級嘅帶子，食落去好大隻鮮甜，真心感受到誠意又好食！🍴意式奶凍佐雪糕 (8/10)伯爵茶奶凍好滑，好香濃嘅伯爵茶味，茶味勁出，
環境舒適坐得舒服，又可以同朋友慢慢傾吓偈，服務好好好有禮貌，好加分啊！
🥗素食雜果沙律 (7/10)
沙律用咗牛油生菜，生菜爽口乾身又甜，一啲都唔馬虎，有心思！配搭相當豐富，有橙藍莓士多啤梨梨蘋果，果汁係酸酸地嘅，都幾清爽開胃。
🍴是日濃湯 (8.5/10)
蘑菇湯非常香濃，好creamy濃厚，飲得出係蘑菇打成碎碎，真材實料！
🍴慢煮安格斯封門柳配阿根庭青醬&炸薯條 $299 另收加一 (9/10)
慢煮封門柳肉質好嫩滑，有肉香，個香草汁好香酸酸哋幾開胃，薯條係即叫即炸自家製，非常有薯尾，另外配咗個炸蒜蓉蔬菜，整體配搭唔會好油膩，份量啱啱好啊！
🍴 炙燒北海道帶子配蒜香明太子扁意粉 $202 另收加一 (9/10)
意粉彈牙，明太子比較鹹鹹辣辣，帶少少鮮味，欣賞佢用咗新鮮名太子，帶子有輕輕煎過，用咗刺身級嘅帶子，食落去好大隻鮮甜，真心感受到誠意又好食！
🍴意式奶凍佐雪糕 (8/10)
伯爵茶奶凍好滑，好香濃嘅伯爵茶味，茶味勁出，配咗個雲呢拿雪糕係正常，唔會好甜，講真今餐嘅甜品都好食！
🍴芝士蛋糕 +$20 （9/10)
口感好滑好creamy，滑到好似慕絲咁，芝士味好香好濃，帶少少巴斯克個焦香味，好好食，推薦加錢叫嚟試吓！
☕️ Rosè Latte +$10 (8/10)
飲落去咖啡味道香濃，有少少苦，玫瑰糖漿落得啱啱好，有玫瑰嘅香味又唔會搶咗咖啡嘅香濃。
☕️Earl Grey Yuen Yeung +$10 (8/10)
伯爵茶咖啡非常特別嘅配搭！一樣都係咁香濃，帶少少伯爵茶味，比例啱啱好有茶嘅香又有伯爵茶嘅濃。
推薦指數: 9/10
真心呢個價錢食到咁高質素嘅西餐係真係好滿意，沙律去到甜品嘢飲都係好好食，好有誠意！如果喺銅鑼灣想食Cafe嘅話都推薦食呢間💗講真下次都會帶朋友再去食，係一間值得支持嘅小店。
張貼
