Groovy

呢間 Groovy 位置有啲難搵，上到去仲要受氣，服務態度真係唔多掂。主食叫咗個極濃海膽扁意粉，一上枱已經聞到陣腥味，海膽醬係濃郁，但係腥到有啲難頂，完全唔值呢個價錢。碟豬鞍肉質算係中間水平，不過以呢個價位就冇咩驚喜。唯一叫做有驚喜係件焙茶芝士蛋糕，茶味幾香，口感又滑，係全晚唯一似樣嘅食物。整體嚟講，以咁嘅價位，食物質素同服務細節都未達標，性價比真係偏低。除非你好想試件焙茶蛋糕，否則都係慳返啲錢試其他餐廳好過。…查看更多

7/6/25 大約下午3:15店內一枱客人都沒有，我入去正想坐低時見到椅子有點油漬，所以想換另一張枱但有些枱還未清潔，所以諗住換椅子，當時長髮四眼男職員好不耐煩望住我🤯，我問他可否換椅子，男職員不作一聲很不耐煩的樣子叫我自己換😤，我不能接受他那態度，所以我決定唔幫襯🙅🏻‍♀️, OpenRice 這間店舖都有好幾個客人食評發表職員態度差，如果不改善態度，你們的生意大家都想像到😌，食物幾好味都無用🙂‍↔️…查看更多

琴日同朋友試咗依間餐廳，個位置都有少少難搵，不過食物質素都幾好，我哋叫咗一個海膽意粉同埋一個蠔意粉，海膽意粉唔腥同好有海膽味，另外蠔意粉都有好多隻蠔,性價比唔錯。我地仲叫左熱朱古力,個味道都好濃,天氣涼嘅時候飲好正。…查看更多

本身想幫襯下小店，同埋想食佢個封門柳飯，未轉名之前有食過。早一晚係openrice 度book 位，有晒QR code 同email 提醒出席，book 左1點鐘，佢地個ig 同openrice 都寫12:00開門。今日12:39分去到門口，發現寫住close,入面都冇開燈，以為佢地執左未update 啦，而且之後有野做，都冇留係原地等，但2點幾係對面利舞台經過，望到佢地開左燈，入面有人。其實經openrice 訂位，雙方都會收到msg 提醒啦，點解都可以冇開門又冇update 呢，鋪頭ig 都冇話有事要晏d 開。。。…查看更多

今次試咗呢間餐廳嘅兩款意粉，整體表現相當普通，完全唔值呢個價錢。首先係招牌海膽意粉，醬汁完全冇預期中嘅濃郁海膽鮮味，反而偏甜，食落有啲似普通忌廉汁，令人失望。至於三文魚松露意粉，味道中規中矩，松露香氣唔算突出，三文魚亦冇特別驚喜，整體只係合格水平。 服務方面，店員態度尚可，冇特別差，但上菜時明顯唔夠細心——明明枱面已經擺左放過上一碟意粉嘅空碟，店員上菜時卻冇幫手清理，要食客自己動手移開舊碟，感覺有啲求其。 以咁嘅價位，食物質素同服務細節都未達標，性價比偏低，短期內應該唔會再訪。…查看更多