影片
更多
2025-06-28
252 瀏覽
今日同朋友去左銅鑼灣搵食，行入咗間印度餐廳🇮🇳，試咗幾樣特色菜，真係有驚喜😋🌟 Chilli Potatoes🍟：炸到脆卜卜嘅薯條，撈滿甜辣醬汁，香辣中帶少少酸，咬落有啲煙韌感，幾過癮，食到停唔到口。🌟 Chole Bhature🥖：Bhature 麵包鬆鬆軟軟、暖笠笠，撕開仲見到煙；配嗰個鷹嘴豆咖喱香料味十足又唔太鹹，兩樣夾埋食好滿足。🌟 Butter Chicken🍗：咖喱汁超濃滑，雞肉嫩滑冇渣，香氣好濃郁但唔膩，撈飯食真係一流，好啱鍾意香滑風味嘅人。🌟 Masala Ginger Chai☕️：飲落有陣薑香同印度香料味，夠暖胃，唔會太甜，啱晒食完一餐重口味嘢嚟收尾。成餐食得好滿足，香料用得好出色，層次分明又唔會太heavy。食店內見到唔少印度人都嚟捧場，氣氛幾地道，感覺應該都幾正宗👍🏻 如果想喺銅鑼灣搵啲特別口味嚟轉下，呢間真係可以一試，服務態度又好☺️而且逢星期日有 lunch buffet，$198 一位，款式多又夠抵，約埋朋友嚟慢慢嘆都正喎😋
🌟 Chilli Potatoes🍟：炸到脆卜卜嘅薯條，撈滿甜辣醬汁，香辣中帶少少酸，咬落有啲煙韌感，幾過癮，食到停唔到口。
🌟 Chole Bhature🥖：Bhature 麵包鬆鬆軟軟、暖笠笠，撕開仲見到煙；配嗰個鷹嘴豆咖喱香料味十足又唔太鹹，兩樣夾埋食好滿足。
🌟 Butter Chicken🍗：咖喱汁超濃滑，雞肉嫩滑冇渣，香氣好濃郁但唔膩，撈飯食真係一流，好啱鍾意香滑風味嘅人。
🌟 Masala Ginger Chai☕️：飲落有陣薑香同印度香料味，夠暖胃，唔會太甜，啱晒食完一餐重口味嘢嚟收尾。
成餐食得好滿足，香料用得好出色，層次分明又唔會太heavy。食店內見到唔少印度人都嚟捧場，氣氛幾地道，感覺應該都幾正宗👍🏻 如果想喺銅鑼灣搵啲特別口味嚟轉下，呢間真係可以一試，服務態度又好☺️而且逢星期日有 lunch buffet，$198 一位，款式多又夠抵，約埋朋友嚟慢慢嘆都正喎😋
0 瀏覽
0 讚好
0 留言
張貼
