香馥樓

營業中

休息中

約咗家人去銅鑼灣晚飯，揀咗呢間比較新式嘅中菜酒樓試吓。酒樓裝修光猛，設計時尚，服務周到，仲有專人幫手餐前用滾水洗餐具，最重要係食物質素好好。原來佢九點之後仲有宵夜時段添，下次可以約埋朋友試吓。咕嚕鳳梨黑毛豬肉 $198擺盤精美，咕嚕肉酸甜適中，有山楂嘅果香，肉質鬆軟，又唔會肥膩，配上燒菠蘿香甜多汁，味道一流。蝦子京蔥明蝦球 $198蝦子嘅甘香加上京蔥嘅惹味，配上爽口彈牙嘅嫩滑大蝦球，食到舔舔脷。椒麻安格斯牛柳粒 $198呢個用砂鍋上，香氣四溢，椒麻嘅香氣恰到好處，鬆軟嘅安格斯牛柳粒香得來唔會辣。另外配有椒麻辣椒油，嗜辣嘅朋友都可以沾上食。配料嘅蕎頭同埋京蔥都唔可以放過，好香口爽口。香蔥鮑魚雞粒燴飯 $198呢個飯又係勁香，用砂鍋上嘅原因，勁有鑊氣，飯粒乾爽得來每粒飯都吸收晒鮑汁，配上嫩滑嘅雞粒同埋一啲爽脆蔬菜粒，口感好好。食到底仲有少少鍋巴嘅感覺，脆脆地，有另外一種口感。我原本封面頭嗰四隻鮑魚冇咩期望，點知好有驚喜，size唔細，軟滑一啲都唔韌，而且非常入味，仲有鮑魚鮮味添。