香馥樓

晚上來到銅鑼灣和家人吃晚飯, 找到了這家非常有心思的粵菜酒樓, 環境非常寬敞舒適, 走中高檔的粵菜中菜館路線, 無論食物質素和服務態度, 都非常不錯。<香煎蓮藕餅>蓮藕餅用料十足, 豬肉份量好多, 每一啖都吃到爽脆的蓮藕, 而且外皮煎得酥脆, 肉質實在。<青瓜海蜇頭>青瓜清甜, 海蜇頭入口爽脆, 伴以醬油、麻油、蒜泥等作調味, 清爽美味。<子薑皮蛋凍>外形就像啫喱一樣, 晶瑩通透, 混合着皮蛋與酸薑, 入口又滑又爽, 味道酸甜適中, 配上溏心皮蛋, 感覺非常特別。<黑魚子煙燻流心蛋>煙燻過的溏心蛋, 蛋味香濃, 入口又滑又軟。<紫砂茶壺功夫燉湯>餐廳以紫砂茶壺盛滿雞肉、豬肉、響螺、海底椰等材料, 來煮這個燉湯, 燉湯味道非常清甜, 湯色清澈, 入口每一啖都是精華, 而且味道濃郁，感覺清潤滋補。<金鈎蒜蓉蒸勝瓜>勝瓜面鋪上大量炒香的蒜蓉和蝦乾一起來蒸, 配以醬油來調味, 蝦乾的鮮味非常突出, 而且勝瓜入口清甜多汁, 非常好食。<秘製脆皮燒鵝>燒鵝非常多肉, 外皮烤得微脆鬆化, 而且鵝皮好簿, 肉質鮮嫩多汁, 不會過於肥膩, 個人覺得係必食之選！！~餐廳除了有二人餐, 還有不少不同的優惠套餐, 二人至十二人都有, 而且中午時段又有點心特價優惠, 非常抵食, 值得再去。…查看更多

銅鑼灣 香馥樓 新派中菜廳,  位於銅鑼灣廣場二期, 主打高級粵菜, 朋友或家庭聚餐都適合.酒樓接待招呼好,  經理會上前介紹時令美食,   特別推介 [秋夏廚師推薦菜多款]  點餐無難度.   其中 大家選了４款.經理又提議我們 試 試  [夏日二人套餐] 推廣價 $500/2位,   套餐已包含我們初選的４項, 重有燒鵝和功夫燉湯, 正啊 !酒樓所用茶具及餐具, 都好精美.  水滾茶靚,  對喜歡中國茶的我們, 十分欣賞. 餐前小食四款:   係自製手工出品 ~   酸薑皮蛋凍, 黑魚子煙熏流心蛋, 青瓜海蜇頭,  香煎蓮藕餅, 酸薑皮蛋凍,   新派制作把酸薑皮蛋合併吃得精采.   黑魚子煙熏流心蛋, 上海菜風格,  加上黑魚子煙熏流心蛋 更好味. 青瓜海蜇頭,  清涼可口.    香煎蓮藕餅,  香氣迫人, 四款小食, 各有特式.接著 每人一個 功夫燉湯, 用紫砂功夫壺  連火具 及 小碗子. 椰子雞肉, 瘦肉, 螺頭燉湯 , 夠熱又足料. 燉湯熱騰騰, 真材實料,  品茶般把湯倒進小杯子,  喝得有風味.  可以慢細嚐.    金勾蒜蓉蒸勝瓜,   簡單時令菜, 選用了勝瓜, 不油膩, 健康之選.每片勝瓜配上蝦干, 蒸得蝦香氣濃, 還有蒜蓉圍著 . 令勝瓜吃得可口.香馥秘制脆皮燒鵝,   份量足, 脆皮燒鵝香噴噴.熱辣辣,  鵝肉少脂肪,  肉厚而不肥,  配有秘制燒鵝酸梅醬,  好滋味.   鵝皮在口中爆汁,    滲出陣陣炭燒香.   食隻鵝脾更回味.香馥樓, 食材和烹調質素優越, 貨真價實, 師傅有廚藝,  價錢合理, 酒家環境地點非常好, 係銅鑼灣 粵菜之家.…查看更多

🔶🔷🔶呢隻脆皮燒鵝 一定唔會令你失望🔷🔶🔷⬇️睇內文食評同地址啦⬇️。‼️Follow me @pig_g_pig 睇多d食玩買資訊‼️👍🏻 有你地嘅Like & Share 係我繼續出Post嘅動力。通常市道麻麻，d食肆就會推出優惠套餐，作為消費者，梗係把握呢個機會用低價周圍食好嘢。位於銅鑼灣廣場二期嘅呢間酒樓，間唔中有老牌歌手駐場唱經典金曲，叔叔嬸嬸食嚇圍菜，聽嚇歌，都幾爽。我當晚去就無歌聽，我主要目的係試佢個夏日二人餐（$500）。紫砂功夫燉湯先嚟一人一壺燉湯，下面有小蠟燭保持溫度，要飲嘅時候先斟出嚟用紫砂茶杯飲，包保一定keep到溫度，燉湯好足料，打開有雪梨、螺頭、瘦肉、雞肉，飲落去好舒服。香煎蓮藕餅、青瓜海蜇頭、子薑皮蛋凍、黑魚子煙燻流心蛋四款開胃小菜最特別係子薑皮蛋凍，平時呢兩樣嘢會分開食，但呢個組合永遠都會一齊上，今次直頭將佢哋擺埋一齊，一啖就食到曬兩款嘢。金鈎蒜蓉蒸勝瓜呢味菜清清地之餘，每一嚿勝瓜都有一隻蝦米吊下味，清得嚟又唔會太悶。香馥秘製脆皮燒鵝重點就係呢隻燒鵝，皮薄又脆，無多餘肥膏，燒鵝肉質鬆化，$500套餐包成半隻燒鵝，真係十分抵食。📍香馥樓 (銅鑼灣)銅鑼灣駱克道463-483號銅鑼灣廣場二期6樓…查看更多

參觀完展覽，母親大人揀左一間幾有格調的酒樓食中菜。今次無食到任食片皮鴨，而係散叫小菜。 晚市做小菜宴席之餘，亦有一兩款點心供應。好幾枱都叫奶皇包作甜品，但我地選懷舊蝦多士做小食。記得中學第一年家政堂就是要炸蝦多士，年少的我不懂控制油温結果麵包吸哂油。這家的多士就只有面層有油份，中心依然是白白的麵包，入口無油膩感。 原隻虎蝦蝦肉香氣特別重，不需要沾千島醬已經夠味。蝦肉彈牙加埋多士外脆內軟，係幾出色既開胃菜。紫砂壺燉湯好有儀式感，燭台暖湯，食足一個鐘湯依然夠辣口。睇佢細細一壼都飲到八九杯，兩個人飲都可以。入面有螺頭 雞腿肉 龍眼 人參，紫砂壺的熱力令食材出哂味，所以燉湯無人會食湯料，亦因此湯頭好甜，還有輕微人參的回甘。媽媽好like。厚切黑毛叉燒係招牌菜，鐵板燒紅後會有侍應幫忙淋上特製豉油，滋滋作響。兩邊叉燒肥瘦比例略有不同，一邊係肥叉帶脂肪層特別滑，另一排就比較多肉但一點都不柴。曾經係米芝蓮中菜廳食過得獎叉燒，而呢一份可以平排作比較，果然係推介之作。價錢雖然唔平但食過就覺得好值得，口口都有汁。酒樓食物水準好，亦注重容器選擇，令食物份外吸引。菜式雖然唔算好多，但每款都用心製作係不同的體驗。原來夜晚9點後原來有半價更抵食，少有地酒樓開到凌晨一點可以黎宵夜。…查看更多

前幾星期較多工作應酬，與外國同事交流，吃了不少西式晚餐。過了這忙碌的時間，特別和好朋友找間中菜館，品嚐中國味道。正潮樓於 銅鑼灣駱克道，地鐵站出發大約4分鐘便到，地點方便就腳。我們一行二人共點了套餐，一起互相分享。杞子花雕醉雞(⭐⭐⭐⭐⭐)雞肉肉質嫩滑無脂肪，散發淡淡花雕酒香，酒香清冽，炎夏品嚐令人食慾大增。杏汁菜膽燉白肺湯(⭐⭐⭐⭐⭐)此湯為費工之作——豬肺須反覆清洗至潔淨方可入饌。湯頭洋溢濃郁的南北杏香，豬肺充分吸收高湯精華，口感爽滑彈牙。餐廳更貼心以文火持續保溫，確保風味。香芒脆蝦球(⭐⭐⭐⭐⭐)每份五隻蝦球，即點即炸，上桌時熱氣騰騰。外殼酥脆，蝦肉飽滿緊實，佐以微酸芒果醬汁，巧妙中和油膩感。小炒王(⭐⭐⭐⭐⭐)鑊氣十足的招牌小炒，匯集魷魚仔、脆魚乾等各色香口食材，配搭韭菜快炒，佐酒享用風味更佳。總括而言，這間餐廳食物質素不錯，而且價錢十分大眾化。下次經過也一定會再來。~~~~~~~~~~~~~~~~~~~~~~~~香馥樓 銅鑼灣駱克道463-483號銅鑼灣廣場二期6樓推介菜式：杏汁菜膽燉白肺湯👍🏻地點方便👍🏻環境舒適👍🏻價錢大眾…查看更多

今日同屋企人喺銅鑼灣行街，試咗呢間街坊小菜館香馥樓，兩道家常菜居然有意外驚喜！香煎蓮藕餅一上枱就聞到超香！煎到金黃色嘅表面脆卜卜，咬開裡面係滿滿嘅蓮藕粒同肉碎，口感超級豐富～蓮藕嘅爽脆同肉香完美結合，仲食到少少馬蹄粒增加口感。最正係個煎功恰到好處，外脆內軟又唔會過油，點少少喼汁已經好惹味，送飯真係一流！蒜蓉蒸勝瓜絕對係清新之選！勝瓜切得厚度適中，蒸完依然保持翠綠色，口感清甜爽嫩。舖滿面嘅金銀蒜超級香，蒜味濃郁但唔會搶咗勝瓜嘅清甜。個蒸魚豉油調得啱啱好，帶出食材原味之餘又唔會太鹹。最驚喜係底層仲有粉絲，索盡蒜蓉同勝瓜精華，真係忍唔住連汁都撈埋！勝在價錢親民，鑊氣十足。兩道菜都做得有心思，絕對係住家飯嘅升級版！已經mark低下次要試佢哋嘅招牌乳鴿同小炒王～…查看更多

香馥樓的菜色令人印象深刻，無論環境或味道都十分出色。紫砂功夫燉湯一壺紫砂功夫燉湯上桌時熱氣騰騰，湯底清甜，融入人蔘滋補，雞肉軟嫩，特別暖胃養生。蜜汁厚切黑毛豬蜜汁厚切黑毛豬十分搶眼，每件都厚切得宜，半肥瘦比例恰到好處，肉質軟嫩無燶邊，蜜汁調味剛剛好，入口即化，每一口都帶來滿足感。香芒脆蝦球香芒脆蝦球，外層金黃酥脆，內裡蝦肉飽滿緊實，搭配酸甜芒果醬，完美中和炸物油膩，味道層次分明。香馥小炒皇小炒皇用料豐富，有魷魚仔、腰果、蝦乾等多款海鮮、蔬菜，鑊氣十足，香氣撲鼻，入口鮮香惹味。餐廳裝修以紫色高雅為主，大廳空間寬敞，配茶壺蠟燭保溫，幾舒適。香馥樓嘅經典粵菜精緻且各具特色，性價比幾高，係銅鑼灣中菜聚餐好選擇。…查看更多

今日同屋企人喺銅鑼灣行街，試咗香馥樓呢間中菜館，兩道簡單小菜反而有意外驚喜！頭盤青瓜海蜇頭一上枱就知無揀錯～海蜇頭切到厚度適中，咬落「索索聲」超爽脆！最正係個調味，酸酸地又帶少少麻油香，完全唔會死鹹。青瓜醃得啱啱好，保持到爽口清甜，同海蜇頭一齊食，開胃到瞬間清碟！呢個天氣食真係透心涼啊～主菜香煎蓮藕餅即叫即煎，上枱仲滋滋作響～表面煎到金黃香脆，咬開見到真材實料嘅蓮藕粒，仲有少少肉碎同蝦米提鮮。外脆內爽口，藕粒嘅清甜同肉香完美結合，點少少喼汁已經好惹味！最重要係完全唔油膩，我連食三件都仲想encore～雖然唔係咩貴價菜式，但呢度將家常小菜做得夠哂心思。環境乾淨企理，侍應阿姨仲好親切，成餐飯食得好舒服。如果大家想喺銅鑼灣搵間抵食又唔使排長龍嘅中菜，呢度絕對係隱藏好選擇！…查看更多

我們點了招牌菜：紫砂功夫燉湯，用功夫茶的茶煲盛著燉好的椰子雞湯，點著蠟燭為湯保溫。客人自己倒湯入茶杯內品嘗，入口是香濃椰子味，真材實料的燉湯。前菜有4款：香煎蓮藕餅：熱辣辣、好好吃青瓜海蜇頭：海蜇頭爽滑、青瓜新鮮。黑魚子煙薰流心蛋：很特別的做法，入口香濃美味。子姜皮蛋凍：上層是皮蛋、下層是子姜，造型美觀別緻、好吃。金鈎蒜蓉蒸勝瓜：蝦乾彎彎地插入勝瓜（絲瓜），入口香濃、配上清淡的勝瓜、味道濃淡相融。香馥秘制脆皮燒鵝：鵝皮香脆、鵝肉香嫩。特色的菜餚反映了香馥樓對美食藝術的要求，加上餐廳裝飾格調高雅，在這裡吃飯是一種享受。…查看更多

今日一行四人去咗食中菜，見到餐牌有個夏日二人套餐，就叫咗黎試試。🔸香煎蓮藕餅蓮藕餅外表焦香，口感結實，蓮藕爽脆。🔸青瓜海蜇頭海蜇頭爽口，青瓜亦都脆口，味道酸甜，令人開胃。🔸黑魚子煙燻流心蛋流心蛋的蛋黃帶有甜味，熱帶少少煙燻香。🔸子薑皮蛋凍皮蛋Q彈，子薑味道酸酸辣辣又帶甜。🔸紫砂功夫燉湯椰子螺頭燉湯，清潤滋補，最適合秋冬養生。螺頭質地軟腍，味道鮮甜。紫砂壺持續加熱，確保倒入杯中的湯都能保持溫度。🔸金鈎蒜蓉蒸勝瓜勝瓜釀了蒜蓉和蝦乾，除咗蒜蓉濃郁惹味，蝦乾的鮮味，還有勝瓜的甜味。🔸香馥秘製脆皮燒鵝脆皮燒鵝皮薄脆口，肉質軟腍多汁。…查看更多

香馥樓位於香港銅鑼灣銅鑼灣廣場二期，隣近港鐵銅鑼灣站，交通方便，餐廳環境高雅，地方寬敞明亮，主打高質粵菜及燒臘，食物賣相精緻。杏汁菜膽燉白肺湯（位）：湯汁鮮香濃郁，帶杏汁香甜味，豬肺柔滑彈牙。用火熱住保持溫熱，可以慢慢品嚐。杞子花雕醉雞：鮮嫩的雞肉帶有花雕酒香，伴隨著杞子的清甜，整體口感豐富。香芒脆蝦球：外層裹著特別調製的炸漿，炸至金黃酥脆，內裡大蝦肉質飽滿，口感爽脆彈牙，加上濃郁的芒果醬汁，令味道帶來清新的酸甜果香。香馥小炒皇：食材多樣有帶子、蝦、蝦乾、魷魚、銀魚仔和韭菜花等，整體色香味俱全，口感豐富又惹味。 …查看更多

講起港式經典，點可以唔試下「香馥樓」嘅招牌乾炒牛河？今次一試，果然名不虛傳，個鑊氣真係勁到衝出嚟，未食已經聞到香噴噴，成個人都即刻醒神晒！睇下碟河粉，炒到色澤均勻，每條都上晒色但又唔會話油淋淋，個賣相已經攞滿分。夾起一嚿牛肉，切得厚薄適中，醃得夠入味，咬落去又嫩又滑，完全唔會韌，仲帶住啲豉油同鑊氣嘅焦香，正到不得了！重點嚟喇：啲河粉食落夠晒爽滑，唔會一嚿嚿黐埋一齊，仲索滿咗牛肉同配料嘅精華。最緊要係個鑊氣真係無得頂，食到最尾都仲係熱辣辣，碟底又唔會剩低一攤油，師傅嘅手勢確實高超。配埋佢哋自家製嘅辣椒醬，少少辣帶出更多層次，成碟牛河嘅味道即刻昇華！食完之後個種滿足感，真係難以形容，絕對係會令人念念不忘嘅滋味。如果你係乾炒牛河嘅粉絲，呢度嘅版本絕對值得你專登過嚟銅鑼灣試下，保證你會食到舐舐脷！…查看更多

在銅鑼灣喧囂的街角，藏著一間以「純粹」征服味蕾的粵菜專門店。推開門，簡潔明亮的空間瞬間洗去都市塵囂，乾淨企理的環境與恰到好處的溫暖燈光，讓人未嚐先安心。這裡沒有華麗炫技，只有回歸本味的廣東料理哲學——完全捨棄味精，以新鮮食材與匠人手藝說話。靈魂之作：秘製脆皮燒鵝琥珀色的鵝皮如琉璃般透亮，師傅刀起刀落間發出清脆碎裂聲。入口那刻，薄脆外皮與豐腴鵝油在齒間迸發，肉質緊實卻不失柔嫩，秘製醃料香氣層層綻放。最驚豔的是那抹若有似無的陳皮香，與傳統燒鵝的厚重感截然不同，可見廚師在傳統中求變的巧思。蘸上特製酸梅醬，解膩提鮮，讓人連骨縫間的肉屑都不願放過。時光淬煉：紫砂功夫燉湯以紫砂小盅呈上的燉湯，揭蓋時蒸騰的香氣訴說著四小時以上的耐心守候。湯色清亮如茶，入口卻迸發驚人厚度，五指毛桃與豬軟骨的交融溫潤如玉，回甘綿長。沒有味精的虛假鮮味，只有食材本真在舌尖輕聲細語，彷彿每口都在為身體注入元氣。畫龍點睛：黃金流心蛋看似平凡的溏心蛋實則暗藏玄機。用上日本蘭王蛋製成的流心蛋黃，如熔岩般緩緩流淌，鹹甜適中的滷汁完全滲透蛋白。輕啜一口，蛋液與特調醬汁在口中化作金色風暴，與燒鵝搭配食用更產生絕妙平衡，讓人見識到主廚對細節的執著。從牆上懸掛的食材溯源證書，到服務生對菜品的專業解說，處處可見店家對「有料」二字的堅持。這頓飯不僅是味覺享受，更是場返璞歸真的飲食療癒——當食物回歸本真，連最挑剔的味蕾都會為之傾倒。離開時唇齒間仍縈繞著燒鵝的焦香與燉湯的餘韻，這般無負擔的滿足感，在當今餐飲界實屬難能可貴。…查看更多

超推介銅鑼灣呢間酒樓，佢啲點心好高質，小菜都整得好精緻👏 另外環境都坐得好舒服，唔該黎飲茶同朋友聚吓舊😁紅米春風得意腸 🦐 呢個腸粉唔係間間酒樓都有，而我就好鍾意食呢個，佢係用咗油條包裹蝦漿，外邊就用左紅米整既軟滑腸粉，食落脆脆哋，一定要試🥰百花煎釀豆腐 🫓呢個係一個人人都鍾意既菜式，簡單得黎又好食，食落有種家既感覺 🏠 菠蘿雞粒炒飯 🍍 呢個炒飯整得好出色，炒飯粒粒分明，睇落金黃色所以賣相已經加晒分 💯 最緊要係好好食，又有菠蘿粒又有雞粒 🍚 …查看更多

先講個秘製脆皮燒鵝，一上枱就知唔簡單。鵝皮燒到金黃透亮，咬落「咔嚓」一聲，脆到不得了。皮下脂肪層薄薄一層，入口即化，完全唔會覺得膩。鵝肉嫩滑多汁，醃得入味之餘，仲保留到鵝肉本身嘅鮮味。最欣賞係個秘製醬汁，甜中帶少少鹹香，同燒鵝嘅油香完美配合，令人食到停唔到口。至於香煎蓮藕餅，絕對係驚喜之作。表面煎到金黃微焦，入口外脆內軟。蓮藕粒切得粗幼適中，保留到爽脆口感，同免治豬肉嘅軟滑形成有趣對比。調味恰到好處，食到蓮藕嘅清甜，仲有少少蝦米同冬菇嘅香氣，層次豐富。最難得係一啲都唔油膩，煎得乾身之餘又保持到肉汁。兩道菜配搭埋一齊食，燒鵝嘅濃郁同蓮藕餅嘅清爽互相平衡，一濃一淡，口感同味道都相得益彰。呢個配搭真係令人食過返尋味，絕對值得專程再嚟品嘗。…查看更多