影片
更多
2021-08-17
90 瀏覽
朋友之前喺網上睇到呢間韓式燒肉，就已經覺得好吸引，係咁叫我一定要同佢一齊嚟食！餐廳裝修比較偏暗黑風，座位比較寬敞，而且價格都唔平！一坐低侍應就即刻放低五款小菜，包括有炒粉絲，泡菜蘿蔔，大豆芽，煎蛋捲，同埋用壺呈上嘅泡菜！🍡海膽和牛卷 HK$164海膽超級新鮮，滿滿嘅海膽包住塊和牛，雖然唔係好食得出和牛嘅口感，但口感都好豐富！🍡最上等牛小排（鹽燒）HK$210見到咁靚嘅油花已經心心眼，用最原始嘅鹽燒方式，散發出濃濃嘅牛味！🍡和牛牛肋條 HK$158呢款和牛係預先醃過，燒完之後口感好有勁道，亦帶有少少黑椒味！🍡慶洲豬背肉 HK$185豬香味好出，咬落都爽，而且一啲都唔嚡！🍡海鮮煎蔥餅 HK$112一開始見到佢個餅底咁厚已經有啲失望，但食後發現，厚嘅原因係因為中間夾雜咗滿滿嘅海鮮！但同時間會覺得佢嘅外皮炸得比較硬同乾身！🍡原隻濟州八爪魚 HK$178我未試過生八爪魚真係成隻送上碟，而且仲係好大隻同好肥美，本身已經已經醃好，所以就咁食唔會太齋！侍應都見我哋好似唔識點煮，就主動過嚟幫我哋，佢三兩下手勢就已經將八爪魚煮好，叫我哋趁熱食！食咗啖後發覺八爪魚中間好軟熟，好有咬感！可惜我覺得呢道菜比較鹹
朋友之前喺網上睇到呢間韓式燒肉，就已經覺得好吸引，係咁叫我一定要同佢一齊嚟食！
餐廳裝修比較偏暗黑風，座位比較寬敞，而且價格都唔平！一坐低侍應就即刻放低五款小菜，包括有炒粉絲，泡菜蘿蔔，大豆芽，煎蛋捲，同埋用壺呈上嘅泡菜！
🍡海膽和牛卷 HK$164
海膽超級新鮮，滿滿嘅海膽包住塊和牛，雖然唔係好食得出和牛嘅口感，但口感都好豐富！
🍡最上等牛小排（鹽燒）HK$210
見到咁靚嘅油花已經心心眼，用最原始嘅鹽燒方式，散發出濃濃嘅牛味！
🍡和牛牛肋條 HK$158
呢款和牛係預先醃過，燒完之後口感好有勁道，亦帶有少少黑椒味！
🍡慶洲豬背肉 HK$185
豬香味好出，咬落都爽，而且一啲都唔嚡！
🍡海鮮煎蔥餅 HK$112
一開始見到佢個餅底咁厚已經有啲失望，但食後發現，厚嘅原因係因為中間夾雜咗滿滿嘅海鮮！但同時間會覺得佢嘅外皮炸得比較硬同乾身！
🍡原隻濟州八爪魚 HK$178
我未試過生八爪魚真係成隻送上碟，而且仲係好大隻同好肥美，本身已經已經醃好，所以就咁食唔會太齋！侍應都見我哋好似唔識點煮，就主動過嚟幫我哋，佢三兩下手勢就已經將八爪魚煮好，叫我哋趁熱食！食咗啖後發覺八爪魚中間好軟熟，好有咬感！可惜我覺得呢道菜比較鹹咗少少！
張貼
