影片
更多
2025-01-13
142 瀏覽
呢日想搵間坐得舒服嘅餐廳，又想食日式燒肉，所以就搵咗呢間微奢感覺嘅日式燒肉店食返個lunch🤗飛驒牛西冷&和牛牛扒肉定食呢一份lunch set有兩款牛肉，較多油花嘅係飛驒牛西冷，另一款就係和牛牛扒肉🐮 飛驒牛油香十足，食落口都唔會太肥膩。另外和牛牛扒肉嘅肉味非常香濃，雖然佢望落偏瘦，但係食落口一樣係好軟腍🥰特選和牛肉眼&牛舌定食另一個抵食嘅lunch包括有特選和牛肉眼同埋牛舌😙 特選和牛肉眼有兩大片，餐廳仲特意幫我哋切開開咗，方便我哋燒嚟食，都幾貼心。牛舌好大片，燒完之後一啲都唔韌，個人幾鍾意佢個牛舌👅定食包括有沙律、前菜、日本米白飯、湯，都幾豐富。日本米白飯同燒肉真係絕配🍚 呢日嘅前菜係牛舌嚟㗎，都幾軟腍😗飲品隨餐可享用免費嘅咖啡或者檸水檸茶，亦可以加配$12試吓佢嘅梳打😉 我哋分別嗌咗巨峰梳打同埋荔枝梳打，雖然甜度固定，但係兩款梳打都唔會太甜，有氣嘅飲品好適合配燒肉一齊食啊🥤呢餐嘅用餐體驗幾愉快，肉類質素同餐廳環境都對得起呢一個價錢，下次會考慮再嚟食過😎
呢日想搵間坐得舒服嘅餐廳，又想食日式燒肉，所以就搵咗呢間微奢感覺嘅日式燒肉店食返個lunch🤗
飛驒牛西冷&和牛牛扒肉定食
呢一份lunch set有兩款牛肉，較多油花嘅係飛驒牛西冷，另一款就係和牛牛扒肉🐮 飛驒牛油香十足，食落口都唔會太肥膩。另外和牛牛扒肉嘅肉味非常香濃，雖然佢望落偏瘦，但係食落口一樣係好軟腍🥰
特選和牛肉眼&牛舌定食
另一個抵食嘅lunch包括有特選和牛肉眼同埋牛舌😙 特選和牛肉眼有兩大片，餐廳仲特意幫我哋切開開咗，方便我哋燒嚟食，都幾貼心。牛舌好大片，燒完之後一啲都唔韌，個人幾鍾意佢個牛舌👅
定食
包括有沙律、前菜、日本米白飯、湯，都幾豐富。日本米白飯同燒肉真係絕配🍚 呢日嘅前菜係牛舌嚟㗎，都幾軟腍😗
飲品
隨餐可享用免費嘅咖啡或者檸水檸茶，亦可以加配$12試吓佢嘅梳打😉 我哋分別嗌咗巨峰梳打同埋荔枝梳打，雖然甜度固定，但係兩款梳打都唔會太甜，有氣嘅飲品好適合配燒肉一齊食啊🥤
呢餐嘅用餐體驗幾愉快，肉類質素同餐廳環境都對得起呢一個價錢，下次會考慮再嚟食過😎
張貼
