露營生活

營業中

休息中

一入到餐廳已經覺得好有feel，露營主題佈置，仲有好多日本櫻花裝飾🌸同埋燈籠🏮有戶外場地可以望住銅鑼灣鬧市嘅風景，而室內仲有一個螢幕可以睇到音樂片，好啱同朋友過嚟飲嘢放鬆下！餐廳由專業日本師傅主理，有好多唔同日式食物選擇～隨餐會附送精選前菜、日式湯物、當日精選甜品。總共有六款前菜，一上枱覺得全部賣相好精緻而且碟仔都好靚，有涼拌蓮藕、鹹菜、柚子醃蘿蔔、海膽豆腐等。最鍾意海膽豆腐，好香滑，帶有少少海膽嘅香味！✨極•旬海之彩宴 $388彩虹卷外層係係唔同嘅刺身，面頭仲有啲蟹籽增加口感，入面係蟹柳、青瓜同埋牛油果～ 極上炙燒三色吞拿魚壽司燒得好香而且三件各有唔同風味，另外海膽壽司都好creamy。刺身有甜蝦、油甘魚、拖羅等，全部都好厚切同埋好新鮮，拖羅夠嫩夠肥美🥰✨極上三味主菜有得九選三，揀咗炸豬扒、炸蝦同埋香烤鯖魚。豬扒同炸蝦🍤份量都幾多，而且炸衣薄又好香脆！鯖魚烤得好香，肉質鮮嫩，可以點埋柚子醋食冇咁膩。主食揀咗煙韌嘅凍蕎麥麵🍜甜品係青提藍莓牛乳布甸，味道好有驚喜，非常香滑，奶味濃郁，好好味😋😋