厚德飯店

營業中

休息中

上個禮拜朋友帶我去左一間好正嘅中菜！呢間厚德飯店原來上年五月已經開業，但係我都未聽過🫣今次試左幾樣餸都有驚喜：我同朋友一行二人總共嗌左三個餸一個飯一個甜品🤣首先前菜叫左醒胃花甲😍個汁真係精髓所在！我自己覺得好似食生蝦點綠色嗰個海鮮汁咁🤣酸酸辣辣絕對可以為花甲提鮮～花甲都洗得好乾淨一啲沙都無，隻隻都好鮮甜，絕對係開胃之選👍🏻跟住叫左個膏蟹蒸手打肉餅😌平時食肉餅就食得多，加埋膏蟹就未食過，原來兩者非常夾，膏蟹汁滲哂落去肉餅中間，增添風味😝膏蟹都非常新鮮，肉質結實鮮甜，膏非常多😂送飯一流！！另外炸子雞都係推薦大家叫既菜式🌟件件都厚切大大件好多肉🥰個皮超級脆，肉質非常嫩滑而且juicy🤤甜品方面，我地叫左個紅棗糕😃聽店員講係師傅自己整既！口感軟糯得來又唔會太甜，甜味都係來自紅棗既天然甜味❤️整體來講，食物質素果然有返咁上下水準👍🏻人均消費大約$5-600🙂‍↕️價錢對得住質素～裝修雅致，環境闊落😗呢到仲有私人包廂🎤同屋企人來食飯又想靜靜地既就岩晒啦👍🏻佢地午市仲有做埋點心架，大家不妨一試😎