臺北棧 (世貿中心)

營業中

休息中

呢排同朋友行街經過銅鑼灣世貿有間幾靚嘅台式餐廳👍🏻所以叫埋老公一齊去試吓🎉三色鹽酥雞：舔舔脷指數👅👅👅👅👅鹽酥雞外皮酥脆，一啖咬落去雞肉肉汁流岀，超好味呀，好食到停唔到口🤭鹹蛋黃芋泥球：舔舔脷指數👅👅👅👅👅賣相同擺盤好精緻。芋泥球外皮酥脆，內裡綿密香甜，加上鹹蛋黃濃郁香濕。口感層次豐富，食完好有滿足感🥰酸菜魚湯牛肉麵：舔舔脷指數👅👅👅👅真係好有驚喜！酸菜魚嘅酸味，再配上牛肉麵濃郁嘅牛肉味，簡直絕配。仲有三個前菜酸甜又開胃，真係必試！櫻花蝦茄子：舔舔脷指數👅👅👅👅茄子吸收晒櫻花蝦嘅鮮味，茄子肉質又軟淋淋，連埋啲脆卜卜嘅櫻花蝦食，口感層次非常好！今次食完朋友都大讚冇揀錯✌🏻