影片
更多
2025-01-29
474 瀏覽
呢日同朋友過咗嚟呢間西餐度食lunch set。餐廳環境清靜，啱晒我哋兩個傾吓閒偈update下近況👍🏻前菜♦️煙三文魚沙律配日式胡麻汁呢個煙三文魚沙律嘅擺盤都幾特別，餐廳將煙三文魚切條，令我哋更方便食用，唔會太過狼狽🥗♦️炸物拼盤炸物拼盤有三款食物，包括有海苔八爪魚鬚、炸蠔同埋炸蝦天婦羅🍤 海苔八爪魚酥幾特別，外層嘅炸粉混合咗紫菜，增加咗呢個炸物嘅香味。♦️洋蔥清湯味道清新，有淡淡嘅胡椒味🧅 飲落口唔會太過鹹，仲有熱辣辣嘅黑糖麥包🍞主菜♦️香蒜欖油鮮蝦意粉呢個鮮蝦意粉份量都幾多，一上檯已經非常之香🍝 雖然佢係用橄欖油製作，但係都唔會太過肥膩，反而嗰陣蒜香嘅味道令到呢個意粉嘅味道加咗唔少分🧄 面頭仲有四隻彈牙嘅大蝦，同意粉夾埋一齊食就啱晒🦐 ♦️紐西蘭西冷配紅酒燒汁呢個西冷煎得好粉嫩，生熟程度真係我最鍾意嘅medium啊👍🏻 另外西冷扒唔會太肥膩，底下有Creamy嘅薯蓉同埋蔬菜，食完都夠晒飽肚。甜品蘋果撻配雪糕蘋果撻嘅質地有啲似印度薄餅嗰種油酥皮，扁頭加上一啲蘋果片，焗起咗真係好香牛油味😛面頭仲有一球雲呢拿雪糕🍦飲品套餐包括兩杯熱飲，我哋揀咗熱咖啡同埋熱檸水，檸水係額外有個壺裝住啲熱水，令成件
呢日同朋友過咗嚟呢間西餐度食lunch set。餐廳環境清靜，啱晒我哋兩個傾吓閒偈update下近況👍🏻
前菜
♦️煙三文魚沙律配日式胡麻汁
呢個煙三文魚沙律嘅擺盤都幾特別，餐廳將煙三文魚切條，令我哋更方便食用，唔會太過狼狽🥗
♦️炸物拼盤
炸物拼盤有三款食物，包括有海苔八爪魚鬚、炸蠔同埋炸蝦天婦羅🍤 海苔八爪魚酥幾特別，外層嘅炸粉混合咗紫菜，增加咗呢個炸物嘅香味。
♦️洋蔥清湯
味道清新，有淡淡嘅胡椒味🧅 飲落口唔會太過鹹，仲有熱辣辣嘅黑糖麥包🍞
主菜
♦️香蒜欖油鮮蝦意粉
呢個鮮蝦意粉份量都幾多，一上檯已經非常之香🍝 雖然佢係用橄欖油製作，但係都唔會太過肥膩，反而嗰陣蒜香嘅味道令到呢個意粉嘅味道加咗唔少分🧄 面頭仲有四隻彈牙嘅大蝦，同意粉夾埋一齊食就啱晒🦐
♦️紐西蘭西冷配紅酒燒汁
呢個西冷煎得好粉嫩，生熟程度真係我最鍾意嘅medium啊👍🏻 另外西冷扒唔會太肥膩，底下有Creamy嘅薯蓉同埋蔬菜，食完都夠晒飽肚。
甜品
蘋果撻配雪糕
蘋果撻嘅質地有啲似印度薄餅嗰種油酥皮，扁頭加上一啲蘋果片，焗起咗真係好香牛油味😛面頭仲有一球雲呢拿雪糕🍦
飲品
套餐包括兩杯熱飲，我哋揀咗熱咖啡同埋熱檸水，檸水係額外有個壺裝住啲熱水，令成件事增加不少儀式感😮
呢一餐食得好舒服，每道菜式都係食完先上下一道，唔會食到好急趕，可以好好享受食物嘅味道同感受餐廳嘅氛圍🤗
張貼
