影片
更多
2024-11-13
214 瀏覽
銅鑼灣區好多美食都係臥虎藏龍，最近發掘到一間非常正宗嘅比利時菜「Belgos」，我發覺自己真係好Out，原來餐廳至2018年起已經開始營業，但係我竟然一直都唔知，好彩依家都唔遲😂餐廳令我感到佢哋對食物嘅專注，比利時手工啤酒多達30多款，仲有最招牌嘅Mussels 醬汁多達六款不同口味，當然仲有好多人氣菜式，由前菜、沙律、意粉、主菜，甜品和不同酒精飲品，一定有啱你口味，而且環境和氣氛超好，真係好適合放工嚟飲返兩杯食吓飯傾吓偈，仲有唔好錯過佢哋嘅Weekend Brunch 抵食之餘，仲可以悠悠閑閑坐足成個下晝，真係非常推薦👍▪️Escargots香濃美味嘅田螺，配上歐芹蒜蓉牛油，口感彈牙味道非常香口，最驚喜係底部黑漆漆嘅東西，原來係烘烤過嘅黑巴馬臣芝士，味道鹹香鹹香，作為芝士控嘅我表示非常喜歡▪️Tomato Carpaccio番茄薄片沙律配上好特別嘅食材「灰蝦」蝦味原來如此濃香，加上檸檬油醋汁、羅勒和蔬菜，口味如此合拍，清新得來又帶點惹味▪️Moules Hoegaardens青口主角出場，我哋點咗Hoegaarden beer口味，青口Juicy又清甜，淡淡的啤酒香配上濃厚嘅忌廉湯汁，和青
餐廳令我感到佢哋對食物嘅專注，比利時手工啤酒多達30多款，仲有最招牌嘅Mussels 醬汁多達六款不同口味，當然仲有好多人氣菜式，由前菜、沙律、意粉、主菜，甜品和不同酒精飲品，一定有啱你口味，而且環境和氣氛超好，真係好適合放工嚟飲返兩杯食吓飯傾吓偈，仲有唔好錯過佢哋嘅Weekend Brunch 抵食之餘，仲可以悠悠閑閑坐足成個下晝，真係非常推薦👍
▪️Escargots
香濃美味嘅田螺，配上歐芹蒜蓉牛油，口感彈牙味道非常香口，最驚喜係底部黑漆漆嘅東西，原來係烘烤過嘅黑巴馬臣芝士，味道鹹香鹹香，作為芝士控嘅我表示非常喜歡
▪️Tomato Carpaccio
番茄薄片沙律配上好特別嘅食材「灰蝦」蝦味原來如此濃香，加上檸檬油醋汁、羅勒和蔬菜，口味如此合拍，清新得來又帶點惹味
▪️Moules Hoegaardens
青口主角出場，我哋點咗Hoegaarden beer口味，青口Juicy又清甜，淡淡的啤酒香配上濃厚嘅忌廉湯汁，和青口真係絕配，湯汁仲可以配搭烘得香口麵包和香脆炸薯條，好味得想飲晒所有湯汁，真心推薦非常好食，下次嚟一定要試吓其他口味
▪️Seafood Fideua
這個貌似海鮮飯，但原來係像米粒嘅意粉，入口煙煙韌韌，配上豐富的雜錦海鮮，大蝦、青口、魷魚、大蜆和帶子，用特濃嘅蕃茄醬汁熬煮而成，所有食材都非常入味，再加上新鮮羅勒油和蒜蓉，增添風味
▪️Waffiterole 🧇
這份大滿足嘅甜品，材料滿滿分別有三塊賣相超靚心形嘅mini waffle ，夾住三款雪糕，雲呢拿、朱古力和草莓，再夾雜新鮮忌廉，朱古力醬、新鮮士多啤梨和藍莓，女士見到自然心花怒放，有甜品吃就是開心，男士一樣被佢嘅美味迷倒😂
▪️Belgium Bottle Beer 🍺
非常喜歡飲啤酒，但係又不太認識，絕對唔使擔心，呢度每一位同事都會好熱衷為你介紹，只要講出你嘅喜好，就自然會飲到你想飲嘅啤酒，我哋呢兩款，Chimay Blue黑麥啤酒 ，麥香重酒味較重比較適合男士，而Duvel口感比較清爽，容易入口而且好順口，一樣咁正
張貼
