影片
更多
2024-10-18
304 瀏覽
適逢同男朋友慶祝拍拖週年紀念，對上嗰次食完總店印象都好唔錯，所以就決定嚟分店試吓質素如何。結果真係同樣都係意料之內嘅好食，每次食完都覺得好滿足，帶住好愉快嘅心情走。第一次喺呢一個角度望住維園，感覺都幾新鮮。‣ 鐵板燒套餐 $880（‼️優惠價‼️）· 自家製醬汁煮南非鮑魚鮑魚煮得相當入味，相當之出色，肉質彈牙緊實得嚟，絕對唔會韌。嗰調味突顯到鮑魚嘅鮮甜，絕對唔會掩蓋咗佢本身嘅味道。下面有個醬煮蘿蔔，入口嘅時候真係俾濃郁嘅醬汁驚喜到。隔離仲有七味粉同埋海苔粉搭配一齊食，但係我覺得唔需要任何粉本身已經好出色。· 季節刺身三款三款魚生分別係真鯛、池魚同吞拿，食落口嘅時候已經覺得相當之新鮮。真鯛肉質相對結實，但係味道濃郁。池魚口感柔軟嫩滑，吞拿就啱啱好係兩者中間。雖然三款刺身簡簡單單，冇多餘嘅調味，但係覺得有巧思喺入邊，而刺身本身都相當好食。· 金鎗魚腩手卷餐廳用咗最中餅代替咗紫菜，發覺原來口感都幾得意，而又食得出最中餅淡淡的糯米香。魚腩本身油脂相當豐富，入口嘅時候已經相當滿足，飯本身已經有豉油，唔需要再額外點太多豉油入口已經相當美味。· 海鮮茶碗蒸蛋嘅調味相對淡，但對應濃郁嘅蟹肉我覺得係完美嘅配
‣ 鐵板燒套餐 $880（‼️優惠價‼️）
· 自家製醬汁煮南非鮑魚
鮑魚煮得相當入味，相當之出色，肉質彈牙緊實得嚟，絕對唔會韌。嗰調味突顯到鮑魚嘅鮮甜，絕對唔會掩蓋咗佢本身嘅味道。下面有個醬煮蘿蔔，入口嘅時候真係俾濃郁嘅醬汁驚喜到。隔離仲有七味粉同埋海苔粉搭配一齊食，但係我覺得唔需要任何粉本身已經好出色。
· 季節刺身三款
三款魚生分別係真鯛、池魚同吞拿，食落口嘅時候已經覺得相當之新鮮。真鯛肉質相對結實，但係味道濃郁。池魚口感柔軟嫩滑，吞拿就啱啱好係兩者中間。雖然三款刺身簡簡單單，冇多餘嘅調味，但係覺得有巧思喺入邊，而刺身本身都相當好食。
· 金鎗魚腩手卷
餐廳用咗最中餅代替咗紫菜，發覺原來口感都幾得意，而又食得出最中餅淡淡的糯米香。魚腩本身油脂相當豐富，入口嘅時候已經相當滿足，飯本身已經有豉油，唔需要再額外點太多豉油入口已經相當美味。
· 海鮮茶碗蒸
蛋嘅調味相對淡，但對應濃郁嘅蟹肉我覺得係完美嘅配搭，正正因為蛋嘅味道淡淡地，先更加食得出蛋本身嘅香味。
· 季節吸物
打開蓋嘅時候發現係蜆清湯，本身以為應該係淡淡地，結果入口嘅時候係相當之濃郁嘅蜆味，佢嘅顏色同埋味道都係一個幾大嘅反差，呢個海鮮味真係好容易上癮，好快我就飲晒成碗湯。
· 野生生猛龍蝦
店員同我哋講話係新鮮捕獲嘅龍蝦，絕對唔係冰鮮貨，食嘅時候真係會食得出個分別，龍蝦真係相當新鮮，啲肉相當彈牙而又緊致，蝦膏做醬呢個做法令到成個龍蝦真係提升咗個層次，食到真係停唔到口，誇張啲講真係每一啖都好幸福。
· 香煎鵝肝伴自家制醬汁
簡單啲講，鵝肝真係好食到爆炸，外脆內軟，醬汁再加黑豆嘅甜更加突顯到鵝肝本身嘅油脂香。食落去第一啖嘅時候，一邊咀嚼真係一邊笑，超級幸福。
· 美國頂級牛柳
牛柳個擺盤相當之靚，分咗做厚燒同埋薄燒，熟度啱啱好，而佢嘅蒜片真係炸得相當香，可能比一碗我都食得晒，搭配牛柳一齊食絕對冇得輸。我自己比較鍾意食薄燒，入面包住嘅蔥為肉嘅風味增添咗唔少，鍾意入口個陣唔同嘅層次感。
· 煙肉香蒜炒飯
炒飯飯粒真係粒粒分明，而煙肉都燒得啱啱好，脆口得嚟又唔會話食到燶味，而米飯嘅柔軟同煙肉就啱啱好可以有個對比。就算前面食咗咁多嘢都好，食呢碗飯嘅時候都唔會想浪費一粒米。
· 炒什菜
主要都係芽菜做底，隔離搭配好似蒜香醬，個醬汁真係呢道菜嘅靈魂，夠晒鹹香。
· 是日精選甜品
白桃啫喱口感相對上輕盈，而且唔會好甜，質地都好細膩。中間有啲脆米，令到個啫喱唔會感覺上好單調，每一啖都食到白桃嘅香甜，完美作結。
張貼
