影片
更多
2023-03-08
135 瀏覽
真係冇食過鐵板燒，見到上網呢間餐廳好評幾多，lunch就試吓， OpenRice訂座會有九折，上到去環境都OK，服務好好好有禮貌，嘢食擺款都幾靚，基本上都好食嘅。🍴虎鐵特選C餐 $538 另收加一 (8/10)🍴黑魚子鵝肝蒸蛋 (7/10)雞蛋都算環流，有啲似日式茶碗蒸個種，鵝肝幾香，魚子係微酸？冇乜味？🍴沙律 (7/10)用咗柚子醋，好清新。🍴菊花煙燻帆立貝 (7.5/10)冇貨轉左火焰嗰種，食得出係雪藏嘅，但烹調技巧幾好，用咗黑松露醬汁，幾鹹香，帶子都幾嫩滑，個蛋同裙邊都幾好食，有啲酒香。🍴南非鮑魚 (10/10)好重海水味，好鹹香肉質好緊實彈牙，蟹肉海苔醬，好香海帶味，雞冠草好爽口，平時唔會食肝，好濃郁好鹹，好新鮮，真係好好食！🍴 日本熊本A5和牛薄燒 (8/10) 澳洲牛柳 (5/10)牛柳比較韌，好難咬，普通，唔建議叫😂和牛，好軟腍，油脂豐富 加上炸蒜同埋蔥好香口，好好食！不過略厭炸蒜味太重，蓋過咗牛肉嘅香氣。南瓜幾甜，蔬菜都幾甜。🍴味噌湯 (7/10)入邊有海帶豆腐豆卜，麵豉味道幾香濃，唔鹹。🍴蟹肉炒飯 (7.5/10)炒飯用咗珍珠米，幾煙韌，炒得幾香口，食到有蛋香，鹹鹹哋
🍴虎鐵特選C餐 $538 另收加一 (8/10)
🍴黑魚子鵝肝蒸蛋 (7/10)
雞蛋都算環流，有啲似日式茶碗蒸個種，鵝肝幾香，魚子係微酸？冇乜味？
🍴沙律 (7/10)
用咗柚子醋，好清新。
🍴菊花煙燻帆立貝 (7.5/10)
冇貨轉左火焰嗰種，食得出係雪藏嘅，但烹調技巧幾好，用咗黑松露醬汁，幾鹹香，帶子都幾嫩滑，個蛋同裙邊都幾好食，有啲酒香。
🍴南非鮑魚 (10/10)
好重海水味，好鹹香肉質好緊實彈牙，蟹肉海苔醬，好香海帶味，雞冠草好爽口，平時唔會食肝，好濃郁好鹹，好新鮮，真係好好食！
🍴 日本熊本A5和牛薄燒 (8/10) 澳洲牛柳 (5/10)
牛柳比較韌，好難咬，普通，唔建議叫😂
和牛，好軟腍，油脂豐富 加上炸蒜同埋蔥好香口，好好食！不過略厭炸蒜味太重，蓋過咗牛肉嘅香氣。南瓜幾甜，蔬菜都幾甜。
🍴味噌湯 (7/10)
入邊有海帶豆腐豆卜，麵豉味道幾香濃，唔鹹。
🍴蟹肉炒飯 (7.5/10)
炒飯用咗珍珠米，幾煙韌，炒得幾香口，食到有蛋香，鹹鹹哋，ok的。
🍴抹茶雪糕 (8/10)
抹茶味幾香濃，帶少少抹茶回甘，質感幾滑。
推薦指數: 8/10
食物質素都唔錯，建議食和牛比較好食，服務真係好好，其中有一個叔叔真係好有禮貌好細心，會介紹菜式又會幫你攞袋，真心服務好加分非常舒服！
張貼
