影片
更多
2024-05-16
352 瀏覽
今日經過銅鑼灣謝斐道，成條街都好多唔同嘅茶餐廳同冰室，見呢間排晒隊，而且午市有鐵板餐可以食，即管去試一試！🥘◖咖喱牛筋腩飯◗ $74用上美國牛肩肉，肉質厚實，切開佢仲有啲肉汁流出，肉味濃郁！配上佢哋嘅蒜蓉醬，淡淡嘅蒜味，更加襯托到牛肉嘅味道！🥩◖招牌黑椒牛柳◗ $129午市都有鐵板牛扒食，跟餐有餐湯同餐包，配上薯菜，有兩大塊牛柳，呢個份量好抵食！熱辣辣鐵板上，牛柳好軟腍，淋上黑椒汁，「滋滋」聲超正，幾鍾意佢啲薯菜唔會好似白烚咁，點醬汁食都唔錯～🍞◖餐包+餐湯◗ 跟餐餐湯足料，入面真係有牛腩，味道酸酸甜甜，特別開胃，個餐包都好鬆軟，點一點啲餐湯一齊食，好食！🫘◖奶茶紅豆冰◗ +$10紅豆冰飲得多，用上港式奶茶底嘅紅豆冰比較少見，奶茶茶味濃郁，配上粒粒軟綿红豆，甜甜地好飲！🍋◖凍檸茶◗ +$3茶底唔澀，正正常常🥧◖新鮮出爐麵包◗ $9-$14見到佢每日出爐嘅烘焙脹卜卜，望落好吸引，忍唔住都叫咗幾個試下～鍾意佢個蛋撻，食落仲暖笠笠，外皮酥脆鬆化！除咗蛋撻，仲嗌咗一啲港式包點👇🏻🥰✨蝴蝶酥 $12✨老婆餅 $12✨雞批 $14✨菠蘿檸檬撻 $12✨蛋撻 $9✨椰絲撻 $11🌟 Encore指數
🥘◖咖喱牛筋腩飯◗ $74
用上美國牛肩肉，肉質厚實，切開佢仲有啲肉汁流出，肉味濃郁！配上佢哋嘅蒜蓉醬，淡淡嘅蒜味，更加襯托到牛肉嘅味道！
🥩◖招牌黑椒牛柳◗ $129
午市都有鐵板牛扒食，跟餐有餐湯同餐包，配上薯菜，有兩大塊牛柳，呢個份量好抵食！熱辣辣鐵板上，牛柳好軟腍，淋上黑椒汁，「滋滋」聲超正，幾鍾意佢啲薯菜唔會好似白烚咁，點醬汁食都唔錯～
🍞◖餐包+餐湯◗ 跟餐
餐湯足料，入面真係有牛腩，味道酸酸甜甜，特別開胃，個餐包都好鬆軟，點一點啲餐湯一齊食，好食！
🫘◖奶茶紅豆冰◗ +$10
紅豆冰飲得多，用上港式奶茶底嘅紅豆冰比較少見，奶茶茶味濃郁，配上粒粒軟綿红豆，甜甜地好飲！
🍋◖凍檸茶◗ +$3
茶底唔澀，正正常常
🥧◖新鮮出爐麵包◗ $9-$14
見到佢每日出爐嘅烘焙脹卜卜，望落好吸引，忍唔住都叫咗幾個試下～鍾意佢個蛋撻，食落仲暖笠笠，外皮酥脆鬆化！除咗蛋撻，仲嗌咗一啲港式包點👇🏻🥰
✨蝴蝶酥 $12
✨老婆餅 $12
✨雞批 $14
✨菠蘿檸檬撻 $12
✨蛋撻 $9
✨椰絲撻 $11
🌟 Encore指數：8.5/10
張貼
