影片
更多
2023-08-03
210 瀏覽
📌 爆爆鍋 - 銅鑼灣軒尼詩道489號銅鑼灣廣場一期1樓109號舖🗓(3/8) 星期四 ⏰ 晚上5:30左右💈特式：今日早左收工，即刻約埋朋友去試下銅鑼灣新開嘅獨立一人火鍋去爆爆佢，餐廳係銅鑼灣廣場一期1樓，位置同交通都好方便。🥩🍔🌭🌮🥗🥯🥘🍲🍝🍣🥟🍤🍱食物：餐廳一人set係先自選不同種類/級數肉類或海鮮，之後再揀主食/鍋底，個set仲會跟埋一盤配菜，如果唔夠仲有自助蔬菜吧，亦可以自行選擇加配小食/飲品/火鍋配料，而家等我同大家講下💥🍲味道先。🐮安格斯牛小排+🌶🐥剝皮辣椒烏雞湯 $158+20 - 朋友就揀左牛小排，配左辣椒烏雞湯，主食就揀左新竹米粉。🐮肉類 - 呢個價錢竟然有一大碟牛小排，而且肉味都幾濃，肉質嫩滑，仲會食到油脂香，溶雪處理方面亦做得非常好，每片肉上到枱都可以輕鬆逐片夾起，唔會雪到實晒，又或者過份解凍到痴埋一疊。🌶🐥鍋底 - 呢個鍋底一上枱時已經聞到好香辣椒味，湯底亦做得夠濃郁，朋友話無論煮咩配料都好惹味，夠刺激。主食 - 新竹米粉係原包上，包裝寫明台灣製造，但我朋友因為太飽，所以無開到，最尾成包攞走返屋企遲d先煮嚟食🤣。🐮SRF極黑牛前肩肉+🔥🍶🐥爆炒燒酒烏雞鍋 $1
🗓(3/8) 星期四 ⏰ 晚上5:30左右
💈特式：今日早左收工，即刻約埋朋友去試下銅鑼灣新開嘅獨立一人火鍋去爆爆佢，餐廳係銅鑼灣廣場一期1樓，位置同交通都好方便。
🥩🍔🌭🌮🥗🥯🥘🍲🍝🍣🥟🍤🍱
食物：餐廳一人set係先自選不同種類/級數肉類或海鮮，之後再揀主食/鍋底，個set仲會跟埋一盤配菜，如果唔夠仲有自助蔬菜吧，亦可以自行選擇加配小食/飲品/火鍋配料，而家等我同大家講下💥🍲味道先。
🐮安格斯牛小排+🌶🐥剝皮辣椒烏雞湯 $158+20 - 朋友就揀左牛小排，配左辣椒烏雞湯，主食就揀左新竹米粉。
安格斯牛小排+剝皮辣椒烏雞湯
$178
9 瀏覽
0 讚好
0 留言
🐮肉類 - 呢個價錢竟然有一大碟牛小排，而且肉味都幾濃，肉質嫩滑，仲會食到油脂香，溶雪處理方面亦做得非常好，每片肉上到枱都可以輕鬆逐片夾起，唔會雪到實晒，又或者過份解凍到痴埋一疊。
🌶🐥鍋底 - 呢個鍋底一上枱時已經聞到好香辣椒味，湯底亦做得夠濃郁，朋友話無論煮咩配料都好惹味，夠刺激。
主食 - 新竹米粉係原包上，包裝寫明台灣製造，但我朋友因為太飽，所以無開到，最尾成包攞走返屋企遲d先煮嚟食🤣。
🐮SRF極黑牛前肩肉+🔥🍶🐥爆炒燒酒烏雞鍋 $168+20 - 我就揀左牛前肩肉配燒酒烏雞鍋，主食就要左寬粉。
SRF極黑牛前肩肉+爆炒燒酒烏雞鍋
$188
20 瀏覽
0 讚好
0 留言
🐮肉類 - 呢款牛前肩肉份量都係好大碟，呢款油脂就無牛小排咁重，但肉味就再比牛小排濃d，肉質就較厚實，鐘意食肉味濃，又唔想太多油脂感嘅朋友就比較適合。
🔥🍶🐥鍋底 - 上鍋時會有店員幫你爆香個鍋底料，我諗呢個就係餐廳名稱嘅由來，店員幫我爆香鍋底料之後會加上燒酒，即時起火，鑊氣香氣十足，再加入烏雞湯，又滋補又有酒香，仲有陣陣老薑味，配牛肉都幾夾。
爆炒燒酒烏雞鍋
28 瀏覽
0 讚好
0 留言
主食 - 主食我就揀左寬粉，雪白嘅寬粉煮熟之後呈半透明，入口滑溜得嚟帶點爽口。
💥🥚招牌麻油炸蛋(隻) $15 - 另外叫左一隻麻油炸蛋，因為未試過所以想試下，上枱係一個已炸左嘅雞蛋，店員話可以就咁食或放湯20秒左右食，就算放湯再食，隻蛋入面都仲係流心狀態，我就覺得呢個幾得意同特別。
招牌麻油炸蛋
$15
12 瀏覽
0 讚好
0 留言
配菜籃 - 每個set都會包左一個盤配菜，入面會有豬肉丸/炸花枝丸/蕃茄/生菜/芋頭/豆腐/響鈴/冬菇/蟹柳/大蜆，種類都唔少。
🥗如果覺得唔夠，出面仲有個自助蔬菜吧任食，有大約10款時令蔬菜任攞。
🇹🇼在地小食 - 我地再額外叫左兩個小食，辣味涼拼牛腸同懷念鹽酥雞，質素都唔錯，仲好食過一般台式小食店。
辣味涼拼牛腸/懷念鹽酥雞
18 瀏覽
0 讚好
0 留言
🍦甜品 - 食到尾，店員仲會話跟餐原來有支雪榚雪條做甜品，有杏仁/咖啡/雲呢拿3隻味道選擇，牌子就係Ekselence呢個歐洲品牌，我都係第一次食，味道認真唔錯，外層朱古力十分脆，內層仲有焦糖包裹住杏仁雪榚，係我近期食過最好食嘅雪榚雪條。
Ekselence雪糕雪條
3 瀏覽
0 讚好
0 留言
☕️🍵🥤🧋🍺🍷🥃🍹🧉🍾🍶🥛
飲品 : 飲品就揀左特飲黑糖虎紋鮮奶同蘋果醋QQ冰紅茶，朋友話都有出面台式飲品店水準，但價錢就平左一截。我就好鐘意我杯蘋果醋QQ冰紅茶，因為入面有大量椰果，好爽口彈牙。
黑糖虎紋鮮奶/蘋果醋QQ冰紅茶
$14
2 瀏覽
0 讚好
0 留言
🍽環境：餐廳地方雖然唔大，但就算一人一鍋都仲好有空間感，尤其係佢地個長吧枱，坐得好鬆動。而且因為新開無耐，環境仲好乾淨整潔，出面自助區亦keep到衛生整齊，抽風亦做得唔錯，唔會感覺到油煙味。
🤵🏻🤵🏻♀️🤵🏻♂️服務：職員服務好好，好有心機去幫手處理個鍋底，上菜時亦會介紹每款食材，仲會提醒出面有自助蔬菜吧同醬料區可以攞，收碟加水仲好爽手。
💰💸價錢：今日兩個人每人叫左一個set，再加左配料/小食/特飲，埋單都係$450左右，係銅鑼灣區有咁嘅質素算係抵食。
🐲💬總結：我覺得呢間餐廳都幾有特式，做法又幾新穎，而且食物，尤其是鍋底都富有特式，值得一讚係某款鍋底上枱都有專人幫你處理，因為出面好多餐廳為左節省人手，未必會選擇提供呢類服務。
推薦指數：❤️❤️❤️❤️❣️
張貼
