大壹燒鵝 (登輝大廈)

營業中

休息中

之前好多次經過見到都好想試，今日咁啱去南華會打保齡球，打完一於試吓。餐廳用得燒鵝做名，燒鵝一定要試吓，燒鵝皮脆，有光澤，唔太肥，鵝肉入口肉質唔韌，唔加酸梅醬都已經好好味。老公點了個燒味雙拼飯（燒煵+叉燒），2款燒味都烤得好香。未入口，賣相已經吸引。燒煵外皮烤得好脆，肥瘦相間，外脆內軟。燶邊叉燒蜜汁夠，微焦香口，食入口都鬆化，好唔錯。最後再點了一個燒味三拼（燒煵+叉燒+油雞）打包番去俾爹哋媽咪試吓，油雞當然試吓，火喉剛好，剛剛熟，雞肉嫩滑，雞皮爽口。