大壹燒鵝 (登輝大廈)

🦆大壹燒鵝雙拼 (叉燒燒鵝瀨) $𝟲𝟱★★★★☆♥︎ 呢碟叉燒比較大舊，好靚仔♥︎ 叉燒同樣半肥瘦，切得厚身，有燶邊，好juicy，啖啖肉♥︎ 燒鵝都幾嫩、幾淋，皮燒得幾脆，味道偏鹹♡ 頭幾舊燒鵝比較瘦，骨比較多，之後有幾舊好好肉就食得出係幾好食嘅燒鵝♥︎ 瀨粉份量適中，軟硬度適中🐷燒味雙拼 (叉燒油雞湯米粉) $𝟲𝟬★★★★☆♥︎ 叉燒係半肥瘦，瘦肉部份都好淋，有燶邊♥︎ 雖然叉燒唔係好大舊，不過都切得厚，滿足嘅♥︎ 叉燒味道唔同平時食到嘅，佢嘅蜜汁係偏甜，但又恰到好處♥︎ 油雞都幾滑，幾入味，味道唔會過鹹♡ 油雞肉同骨比例係一比一，所以唔係啖啖肉，都有少少碎骨♡ 油雞有啲部份都會有肥膏♥︎ 米粉份量幾多，軟硬度適中推介指數: ★★★★☆✿ 個人鍾意佢地嘅叉燒同燒鵝，下次會想試埋燒肉，燒肉舊肉係同叉燒舊肉一樣嘅，但就食佢唔同嘅整法✿ 每碟嘅質素都唔同，好睇比咗咩部位，下過味道就一樣嘅✿ 食完都有啲口乾，食物偏鹹✿ 環境就好一般，冷氣唔係好夠，會食到出汗…查看更多

喺銅鑼灣返左好多年工，成日喺呢區覓食, 因為好鍾意食燒臘所以呢間開冇耐已經注意到同去幫襯，直到今時今日都冇跌過watt，係我常推薦嘅寶藏食店，大推叉燒，肥燶叉，燒腩仔又燒類夠味夠嫩唔乾唔柴，部位肥瘦平衡得好好, 肥燶叉完全達到我標準, 燒得好靚，仲要幾大塊同厚切所以食得好過癮燒腩仔難得夠味得嚟唔過咸，瘦肉位處理得好好，講真我食過嘅有啲其他店就瘦肉近骨位咸到爆但愈近肥位愈冇位，然皮唔脆呢啲常發生但！係！我食大壹咁多年冇食過唔脆嘅燒腩仔皮，講緊我其實八成幫襯都係外賣，係連開蓋後起碼大半個鐘啲皮都仲勁脆，脆皮+整體肥瘦肉均衡+適中調味，每次食都好滿足連飯都煮得好好食，乾爽粒粒分明唔會因為非主角就求求其其，配上一小份咸菜，完全係我嘅comfort food，我媽咪唔鍾意街外飯weekend一定會自己煮，一試過肥燶叉同叉燒驚為天人，心心念念左兩星期決定weekend要出銅鑼灣斬料🤣店內嘅侍應姐姐都好熱情有禮, 閒日夜晚七點去店都差唔多full哂，但姐姐仲主動招呼我同朋友兩個坐卡位拜託大壹真係要長做長有😍…查看更多

叫咗個午市雙拼外賣，啲飯一打開就係隔夜凍飯咁款，叉燒味道OK但係成日都係肥膏，燒鵝又唔覺有咩特別好食。最搞笑係連菜心都冇條，求其俾啲大陸榨菜就算數，呢個價錢我不如去附近連和食三十幾蚊個餐好過啦，又平又正！今次真係中伏！…查看更多

去咗咁多次登龍街都唔覺原來有間燒味飯店姐姐話已經開咗五年🤣叫咗兩個雙拼套餐包餐湯同時菜餐湯係老火湯，好足料有豬展肉、白雲耳、冬瓜等，味道甜甜地🥰時蔬係杞子上湯娃娃菜，入味又健康▶️ 叉燒油雞雙拼飯($80)油雞本身肉質幾嫩滑，而且重豉油香可惜部位唔靚，骨多過肉🥲五嚿入邊得一件多肉，有啲失望叉燒燒得唔錯🐷邊位燶燶哋入口焦香醬汁味道真係似叉燒包餡😂同平時食開嘅蜜汁唔同略嫌叉燒肥咗啲白飯質感唔錯🍚硬硬哋有飯香▶️ 燒鵝叉燒雙拼米粉 ($65)燒鵝反而多肉啲而且幾肥美米粉質感彈牙，唔係啲cheap cheap已斷冇質感嘅米粉👍🏻-本身燒味調味做得幾好，可惜就係部位唔靚，骨同肥膏多過肉😟然而其他嘢OK呢度姐姐服務都好好，好識得講笑環境還好，有戶外座位，唔會坐得好迫價錢中挺，唔收加一，晚餐大概$70/人*全自費非試食…查看更多

你最鍾意食乜燒味呀？我呢～🤤最鍾意燒腩仔大壹燒鵝顧名思義最出名係燒鵝但我地都覺得當日叉燒及燒腩仔表現較出色當日我地係推bb車想食同一條街既某間泰菜先既點知被拒絕入內😳頓時驚覺！噢！原來會被拒絕都係既 香港餐廳偏細 真係未必間間餐廳都容納到bb車⋯反之 呢到職員一知有bb非常醒水 細心又照顧週到😚🙏🏻 ❙ 叉燒+燒腩仔雙拼飯 ❙ ❙ 大壹燒鵝+貴妃雞雙拼米 ❙ 燶邊叉燒半肥瘦 但香口好食👍🏻燒腩仔最緊要皮夠脆 佢做到👍🏻招牌燒鵝皮微脆 肉質乾身少鞋 失望👋🏻貴妃雞表現正常 無乜記憶點可言👋🏻…查看更多

今日到了銅鑼灣大壹燒鵝，是當地十分馳名的燒臘店，以其美味的燒鵝聞名遐邇。我點了燒鵝拼叉燒配瀨粉，真是驚喜連連。燒鵝的外皮鬆脆，肉質嫩滑，適量的肥膏讓每一口都滲出陣陣濃郁的鵝香味，令人回味無窮。而叉燒的肥瘦比例恰到好處，外層略微燒焦，增添了豐富的口感，讓整道菜更加立體。瀨粉則恰如其分，為整體增添了一點滑順的口感。整體用餐體驗非常不錯，服務也很周到，絕對值得推薦給喜愛燒臘的朋友！如果你還沒試過，快去品嚐吧！…查看更多

以呢個價錢嚟講，佢係我心中排名第一嘅叉燒🥰已經食過好幾次，質素都係依然咁好，冇退步過，好推薦！之前會叫佢嘅燒腩仔拼叉燒，佢燒腩仔都好好食，皮超級脆，又唔會好鹹（唔知點解坊間嘅燒腩仔好鹹），但佢叉燒真係冇得輸，燒到有燶邊，而且個叉燒又好軟，肥瘦適中，一啲都唔會有肥膩嘅感覺，而且佢嘅蜜汁真係恰到好處，好好食！後尾發現咗佢有下午茶仲抵 $48就已經可以食到，叉燒份量感覺都冇乜變化，同正常份量差唔多，側邊仲有榨菜，佢榨菜都好食偏甜，瀨粉好爽口，$48食到咁樣質素嘅叉燒，真係笑到喊👍🏻值得一提嘅係我覺得佢嘅老火湯都好好飲👍🏻真係真材實料🤤好值得加錢飲！！…查看更多

我喺OpenRice晒外賣，唔知點解間餐廳收唔到訊息，我落去問一問啫，店員即刻喺度大嗌又話幫唔到我又睇吾到張單，大佬我冇叫過佢幫我，我淨係話取消張單啫.但係係正常有人俾咗錢問一問張單係咪收到係好正常嘅啫，使唔使咁惡呀.…查看更多

呢排多做gym, 好常補多啲protein, 又聽同事介紹cwb有間燒味好正就黎試下收工餓到爆 坐低見佢個套餐都幾扺食，就一人叫一個餐 想試多幾樣個餐有包老火湯，時菜，主角燒味同 carbs先上咗個節瓜雞腳湯，好足料好好味，表面有雞油香到爆, 飲完唔會好口渴燒味呢我哋都叫咗雙拼，一份要鵝叉 配瀨粉，另一份要咗鵝+燻蹄 加碗白飯上到枱個樣好吸引，燒鵝個皮係脆的 叉燒都有少少燶邊好正叉燒睇落賣相還好, 但食落一啲都唔會鞋, 夠肥但唔會成大舊都係肥, 算係半肥瘦啱啱好難得今次食燒鵝, 因為好耐無食了決定久違配個瀨粉對上一次食已經係好細個, 夾極都夾唔到上黎食後就好耐無食過了, 但其實對瀨粉個味道唔太討厭依家可能人大個咗, 識揸筷子了lol 覺得無以前食嗰時咁難夾燒鵝配瀨又真係出奇地夾, 燒鵝外皮酥脆，肉質嫩滑，而瀨粉則細滑有彈性，兩者的口感形成了很好的對比再者瀨粉特質能夠吸收燒鵝的醬汁和油脂，增加風味另一碟燒鵝+燻蹄, 賣相都好靚仔, 每碟燒鵝都會跟個酸梅醬個酸梅醬不得了, 甜甜酸酸 燒鵝點完再食完全係另一個層次 kinda 中和咗嗰種油膩感, 味道上都有更多變化我哋兩個都幾乎點晒, 醬個份量好適合燻蹄都會跟個汁, 味道都唔錯第一次見龍鳳可樂, 就係正常黃檸檬+咸檸檬, 再落可樂, 又係味道更豐富嘅可樂最後仲食得落又叫咗半隻貴妃雞, 比想像中份量多好多, 好彩都勉強食得晒唔浪費lol雞肉好嫩, 真係好嫩一啲都唔鞋唔un, 都唔會太肥, 整體食落好滿意, 一定會encore 唔中伏嘅燒味店…查看更多

咁啱同朋友出嚟銅鑼灣行街，登龍街多嘢食就係人都知，聽朋友講原來有間燒味店都好正，就真係要試過先知。上班日午飯時間都要排長龍。一個燒味飯套餐加湯加菜80-90左右，一般香港茶餐廳價格，又唔算特別貴。同朋友一個叫咗燒鵝拼叉燒，個燒鵝拼燒肉。好欣賞佢一件事燒鵝皮啲毛清得幾乾淨😂而且燒到岩岩好，油脂燒晒出嚟，鵝皮脆口。半肥瘦嘅叉燒，加上外層沾滿均勻嘅蜜汁，真係好好味，忍唔住就食咗半碗飯。再加埋老火湯同油菜，真係好圓滿嘅一餐飯。…查看更多

女仔平時都係喜歡食西餐，但係今次朋友仔話有間燒味唔錯，就一於去試下。店員介紹食燒鵝，話港式燒鵝岀色，入到餐廳，都不乏外國和內地遊客。燒鵝油雞脾飯，望落燒味有油有光澤，油雞脾滑嘟嘟啖啖肉，連雞皮都又滑又爽口。金牌燒鵝片飯，好厚用既鵝片，皮脆，皮和肉之間帶少少脂肪，好味味！叉燒例牌，叉燒表面售香，蜜汁包住叉燒，叉燒半肥瘦，咬落去肉質有口感。加15蚊仲有娃娃菜，個上湯唔錯，娃娃菜入味。跟餐飲品叫左熱檸茶、熱柑桔蜜。…查看更多

🥢大壹燒味三拼轉燒鵝例牌最近去了一家位於銅鑼灣的小店，店舖主打燒鵝，於是我便品嚐了燒味三拼轉燒鵝例牌，這道菜的主角是叉燒、腩仔和燒鵝。叉燒色澤誘人，表面燒得恰到好處，肉質柔嫩，入口即化，叉燒上還灑了些桂花，滿意。腩仔則是肥瘦相間，脂肪部分的油脂在口中慢慢融化，帶來一種濃郁的香氣。燒鵝皮脆肉嫩，一口咬下去，齒頰留香，忍不住多嚐幾口，令人回味無窮。🥢油雞瀨粉油雞瀨粉同樣出色，雞肉嫩滑，瀨粉口感順滑彈牙。這種配搭讓整體感覺很具層次感。🥢跟餐油菜跟餐油菜是上湯娃娃菜，湯濃菜甜，健康飲食。位於銅鑼灣地段，這樣不俗的出品，價格亦相當合理，如果你也喜愛燒味，這裡絕對值得一試！…查看更多

大壹燒鵝．必食驚喜腩叉同朋友仔去試出名食店：大壹燒鵝今次叫了3個餐，都非常抵食佢雙併都只需要60蚊必食的是 叉雞飯 真係好食到不能錯過只要5蚊的餐飲奶茶有水準，是港式正宗口味茶奶平衡，好飲朱古力，夠給力香濃沒有浮水朋友飲得很開心腩叉非常有水準唔係一般普通料是肥瘦均勻，有焦香甜味的高質出品特別是肥的位置非常爽口感超正一定要食腩叉腩叉腩叉！貴妃雞即切雞香嫩細滑，皮夠香有雞味，非常好食最神奇是有甜甜的炸菜好好食，真係好下飯好想知可唔可以買番樽回家食燒肉配燻蹄燒肉皮超脆，啖啖肉香燻蹄係傳統滋味大片夠食力，點一些醋汁一起吃，更是香口不得不讚是米飯用好米有飯香，配上燒味的醬汁米飯混合了油香，非常好食，狂掃入口極為滋味大壹燒鵝套餐：可雙併，包老火湯，油菜呢款係食家推薦，必食之選而且有湯有菜，份量不少我們單點了全鵝，大壹燒鵝皮脆焦香，肉質細嫩燒鵝汁香在口中迴旋好好食，朋友說是傳統的廣式味道很懷念油菜是上湯娃娃菜湯甜菜甜，平衡油香老火湯是木瓜雪耳很足料，很好飲，朋友一起分享很正餐廳：大壹燒鵝地址：銅鑼灣登龍街36-48號登輝大廈地舖#大壹燒鵝 #腩叉 #銅鑼灣…查看更多

同朋友一齊嚟咗呢間燒鵝店諗住斬大嚿叉燒🤣$60「豉油雞飯」：豉油雞幾香豉油味，豉油雞雞皮非常滑🤣跟餐加 $5「熱檸水🍋💦」：簡簡單單🤣跟餐加 $15「郊外油菜」：「郊外油菜」係娃娃菜，娃娃菜幾新鮮，灼到軟腍腍，簡簡單單🤣$138「大壹燒味三拼 …. 例牌」：揀咗「皇牌叉燒、金牌燒腩、豉油雞（要雞髀 +$35）」：「皇牌叉燒」肥瘦適中幾好豬味🐷🤣；「金牌燒腩」外皮脆脆哋腩肉30%肥70%瘦🐷🤣；雞髀就梗係好食啦🤣…查看更多

銅鑼灣都有出色嘅燒味，位於登龍街見佢門口細細，入到去原來都幾多位置，佢哋有好多套餐幾抵，叫咗個燒味三拼$138，有燒腩仔，半肥瘦叉燒及燒鵝，另外加$30轉咗燒鵝髀及$5轉瀬粉。叉燒半肥非常好食，肉質鬆軟，肉味香濃，油香剛剛好，面頭嘅蜜糖仲有少少桂花。燒腩仔做得好精緻，表皮夠香脆，點芥辣一流。燒鵝入口仲有些微暖，個外皮燒得好香脆，咬開啲肉汁會爆開，燒鵝醃料味道剛好，唔會死鹹。另外叫咗個一人套餐，可以雙拼包碟油菜同餐湯都係$80，上枱個油雞同埋豉油雞都好香滑，兩種雞都皮脆肉香，肉質幼嫩又有雞味。個例湯用料十足而湯浸娃娃菜味道都好清甜。餐廳嘅燒味食得出食材係新鮮貨唔係雪藏肉，所以肉味香濃又有肉汁，埋單$280咋，兩個人呢個價錢實在非常抵食！…查看更多