大壹燒鵝 (登輝大廈)

一到午飯時間門口就排晒長龍,一個人食飯所以就買咗外賣試下!食物評價一打開個蓋,叉燒飯賣相已經好吸引。叉燒色澤紅亮,燒得恰到好處,帶有焦香嘅燶邊,增添咗獨特風味。肉質肥瘦分布均勻,入口唔會過於油膩。咬落去有嚼勁又唔失軟嫩,肥膏部分帶出陣陣香氣,瘦肉就細滑多汁。燒烤香味同叉燒醬嘅甜味完美融合,甜中帶鹹,層次分明,真係令人一試難忘。配埋白飯一齊食,味道濃郁但又唔會搶咗米飯原有嘅香味,每一啖都令人好有滿足感。旁邊附送嘅鹹菜平衡咗叉燒嘅油香,提升埋整體口感。整體嚟講,呢份叉燒飯無論味道定質感都好出色!…查看更多

🦆大壹燒鵝雙拼 (叉燒燒鵝瀨) $𝟲𝟱★★★★☆♥︎ 呢碟叉燒比較大舊，好靚仔♥︎ 叉燒同樣半肥瘦，切得厚身，有燶邊，好juicy，啖啖肉♥︎ 燒鵝都幾嫩、幾淋，皮燒得幾脆，味道偏鹹♡ 頭幾舊燒鵝比較瘦，骨比較多，之後有幾舊好好肉就食得出係幾好食嘅燒鵝♥︎ 瀨粉份量適中，軟硬度適中🐷燒味雙拼 (叉燒油雞湯米粉) $𝟲𝟬★★★★☆♥︎ 叉燒係半肥瘦，瘦肉部份都好淋，有燶邊♥︎ 雖然叉燒唔係好大舊，不過都切得厚，滿足嘅♥︎ 叉燒味道唔同平時食到嘅，佢嘅蜜汁係偏甜，但又恰到好處♥︎ 油雞都幾滑，幾入味，味道唔會過鹹♡ 油雞肉同骨比例係一比一，所以唔係啖啖肉，都有少少碎骨♡ 油雞有啲部份都會有肥膏♥︎ 米粉份量幾多，軟硬度適中推介指數: ★★★★☆✿ 個人鍾意佢地嘅叉燒同燒鵝，下次會想試埋燒肉，燒肉舊肉係同叉燒舊肉一樣嘅，但就食佢唔同嘅整法✿ 每碟嘅質素都唔同，好睇比咗咩部位，下過味道就一樣嘅✿ 食完都有啲口乾，食物偏鹹✿ 環境就好一般，冷氣唔係好夠，會食到出汗…查看更多

喺銅鑼灣返左好多年工，成日喺呢區覓食, 因為好鍾意食燒臘所以呢間開冇耐已經注意到同去幫襯，直到今時今日都冇跌過watt，係我常推薦嘅寶藏食店，大推叉燒，肥燶叉，燒腩仔又燒類夠味夠嫩唔乾唔柴，部位肥瘦平衡得好好, 肥燶叉完全達到我標準, 燒得好靚，仲要幾大塊同厚切所以食得好過癮燒腩仔難得夠味得嚟唔過咸，瘦肉位處理得好好，講真我食過嘅有啲其他店就瘦肉近骨位咸到爆但愈近肥位愈冇位，然皮唔脆呢啲常發生但！係！我食大壹咁多年冇食過唔脆嘅燒腩仔皮，講緊我其實八成幫襯都係外賣，係連開蓋後起碼大半個鐘啲皮都仲勁脆，脆皮+整體肥瘦肉均衡+適中調味，每次食都好滿足連飯都煮得好好食，乾爽粒粒分明唔會因為非主角就求求其其，配上一小份咸菜，完全係我嘅comfort food，我媽咪唔鍾意街外飯weekend一定會自己煮，一試過肥燶叉同叉燒驚為天人，心心念念左兩星期決定weekend要出銅鑼灣斬料🤣店內嘅侍應姐姐都好熱情有禮, 閒日夜晚七點去店都差唔多full哂，但姐姐仲主動招呼我同朋友兩個坐卡位拜託大壹真係要長做長有😍…查看更多

叫咗個午市雙拼外賣，啲飯一打開就係隔夜凍飯咁款，叉燒味道OK但係成日都係肥膏，燒鵝又唔覺有咩特別好食。最搞笑係連菜心都冇條，求其俾啲大陸榨菜就算數，呢個價錢我不如去附近連和食三十幾蚊個餐好過啦，又平又正！今次真係中伏！…查看更多

去咗咁多次登龍街都唔覺原來有間燒味飯店姐姐話已經開咗五年🤣叫咗兩個雙拼套餐包餐湯同時菜餐湯係老火湯，好足料有豬展肉、白雲耳、冬瓜等，味道甜甜地🥰時蔬係杞子上湯娃娃菜，入味又健康▶️ 叉燒油雞雙拼飯($80)油雞本身肉質幾嫩滑，而且重豉油香可惜部位唔靚，骨多過肉🥲五嚿入邊得一件多肉，有啲失望叉燒燒得唔錯🐷邊位燶燶哋入口焦香醬汁味道真係似叉燒包餡😂同平時食開嘅蜜汁唔同略嫌叉燒肥咗啲白飯質感唔錯🍚硬硬哋有飯香▶️ 燒鵝叉燒雙拼米粉 ($65)燒鵝反而多肉啲而且幾肥美米粉質感彈牙，唔係啲cheap cheap已斷冇質感嘅米粉👍🏻-本身燒味調味做得幾好，可惜就係部位唔靚，骨同肥膏多過肉😟然而其他嘢OK呢度姐姐服務都好好，好識得講笑環境還好，有戶外座位，唔會坐得好迫價錢中挺，唔收加一，晚餐大概$70/人*全自費非試食…查看更多