大壹燒鵝 (登輝大廈)

🦆大壹燒鵝雙拼 (叉燒燒鵝瀨) $𝟲𝟱★★★★☆♥︎ 呢碟叉燒比較大舊，好靚仔♥︎ 叉燒同樣半肥瘦，切得厚身，有燶邊，好juicy，啖啖肉♥︎ 燒鵝都幾嫩、幾淋，皮燒得幾脆，味道偏鹹♡ 頭幾舊燒鵝比較瘦，骨比較多，之後有幾舊好好肉就食得出係幾好食嘅燒鵝♥︎ 瀨粉份量適中，軟硬度適中🐷燒味雙拼 (叉燒油雞湯米粉) $𝟲𝟬★★★★☆♥︎ 叉燒係半肥瘦，瘦肉部份都好淋，有燶邊♥︎ 雖然叉燒唔係好大舊，不過都切得厚，滿足嘅♥︎ 叉燒味道唔同平時食到嘅，佢嘅蜜汁係偏甜，但又恰到好處♥︎ 油雞都幾滑，幾入味，味道唔會過鹹♡ 油雞肉同骨比例係一比一，所以唔係啖啖肉，都有少少碎骨♡ 油雞有啲部份都會有肥膏♥︎ 米粉份量幾多，軟硬度適中推介指數: ★★★★☆✿ 個人鍾意佢地嘅叉燒同燒鵝，下次會想試埋燒肉，燒肉舊肉係同叉燒舊肉一樣嘅，但就食佢唔同嘅整法✿ 每碟嘅質素都唔同，好睇比咗咩部位，下過味道就一樣嘅✿ 食完都有啲口乾，食物偏鹹✿ 環境就好一般，冷氣唔係好夠，會食到出汗…查看更多

平日晚上7點，去到門口，竟然係大排長龍！我地叫左啲肉食，燒鵝真係超正！肉嫩汁多，皮脆咬落好香脆，實在好鐘意！至於個叉燒肉質軟嫩，超級香噴噴！新鮮熱辣整起，好好味！呢間燻蹄係冷盤，沾沾醬汁更加香！而金蘭豉油雞本身就係經典，呢間嘅分量夠多,配埋蔥油超正！口水雞帶微辣，食完好開胃，愈食愈想食！我地仲叫左郊外油菜西生菜同老火靚湯，成個晚餐真係完美配搭啦！ 生菜脆爽，靚湯足料！又清新又回味，整體嚟講真係令我味蕾大滿足啊！…查看更多

近排出差銅鑼灣, 女友小熊今日亦都係銅鑼灣收工, 於是約埋一齊係銅鑼灣食晚飯.中午係華嫂食咗個唔多滿意嘅叉燒, 心有不甘, 係要食到個滿意嘅叉燒先滿足, 於是去咗登龍街大壹燒鵝.點咗叉燒同燒肉係例牌之外, 當然去到大壹燒鵝就緊係點燒鵝啦!叉燒用上五花腩, 有肥有肉有燶邊夠甜夠味, 我對叉燒嘅要求, 哩碟叉燒全部條件齊哂, 叉燒入口鬆軟, 連我大愛嘅蔥蓉都唔需要點, 已經夠入味, 燶邊叉燒更加係神來之筆, 依家個個嗌注重健康, 什麼什麼燶叉燒話無益有害, 攪到燶叉好似生人勿近, 唔係間間燒味店有供應, 食到的話好似中獎, 所以, 食完舊燶叉即刻滿足翻中午嘅失落感.我唔中意食燒肉, 一來燒肉底好咸, 二來燒肉肉質太實變得口感又硬又柴, 最後如果皮唔夠脆必定死罪, 由於劣品燒肉實在太多為免失望索性唔點, 但大壹燒鵝嘅燒肉將以上嘅缺點完全消失, 味道唔係大咸而適中, 外皮脆口而肉質鬆軟, 咁先至係一件好味嘅燒肉囉!燒鵝相信係啱啱燒制完成, 因為燒鵝仍暖, 第一次食暖嘅燒鵝, 原來好味好多, 同攤到凍哂係燒鵝完全兩回事, 鵝肉唔韌唔實超嫩滑亦十分 juicy, 皮脆，亦都唔需要點甜梅醬都好入味好好食, 兩百幾蚊半隻絕對超值, 性價比高!下次買燒鵝返屋企做外賣, 有選擇目標了!係唔係呀小熊?喂! 小熊.... 我隻燒鵝脾呢?…查看更多

見到良心group 有講哩間良心燒味,叫大壹燒鵝,今日去赤柱探監前要試試佢,裡面環境唔錯,有鵝之地獄睇XDD又有動物牆紙,好可愛呀,一心諗住黎試鵝,都冇望其他燒味XD叫左個2個燒鵝瀨粉,一個係我黎到之前暴生已經食緊,我見到好多皮,以為佢學人走皮.....搵定餐具先,咦,好企理喎,拎定筷子等開餐,到我果份黎到...啊.....啊........有榨菜啊....夾下D 鵝....真係冇肉XXDDD 女人最想要咁瘦啦,有兩舊係有多D 肉既,已經好快食曬,瀨粉好滑,幾好食,榨菜都好食,但D 鵝真係冇肉,一係皮一係肥膏,同埋有D 過鹹過油,食完去洗手間啦,都幾乾淨既,但係出返黎見到人地D 雞同燒肉好靚仔,點解咁瘦架D 鵝...下次食雞試下先.…查看更多

在中環的試酒會結束後,這趟換了好友帶路,直奔其十分熟悉的銅鑼灣區,來到了位於份屬區內美食戰國地圖之一的登龍街,新近登場的燒味店--大壹燒鵝;現時的香港的中菜小店,在裝飾風格上人偏向越來越精湯緻化,令人感到甚有格調,大壹燒鵝可算是其中之一;從門面的簡約風格,將舊有燒味舖與現代風格融合在一起,以綠色為主調,令觀感整潔得來又乾淨利落!對於慣於晚餐夜食的港人來說,6點多的時間可能尚早,所以未現人龍而不用排隊;走進店內,眼見整個裝潢的氣氛倍令人舒服,而店員的熱情招呼,有種老街坊的況味;量了體溫,掃了出行碼後,店員就引領好友與我坐下;拿起餐牌看看,也簡約精美;食物的選擇以燒味為主,尤其是主打的燒鵝;也因此很快點了菜,就馬上落單;食物的上菜效率很高,點了的食物陸續端在枱面:燒味單拼--燒腩飯,燒味雙拼--叉燒油雞飯,下莊的燒鵝例牌,加上菜心,以及兩個例湯,帶著麻甩的浪漫,十分的豐富!而最重要的是,所有美食上來時都保持著合適的熱暖度!先喝用蓮藕煲成的例湯來解解酒,清新的蓮藕味融合在熱湯之中,其鹹度也較輕,喝起來特別令人舒服!首先要讚一讚兩個燒味飯的飯底,其賣相突顯了粒粒分明,軟熟度均勻,與燒味互相輝映!而這個燒味單拼--燒腩飯,其燒腩不單皮脆肉嫩,而且肥瘦比例的恰到好處,既有豬油的香酥潤滑,而只溶在舌尖上的脆皮滲出的煙燻味,又令燒腩更添層次,再來一口軟熟的白飲,堪稱幾乎完美!另一個--燒味雙拼--叉燒油雞飯,與燒腩不相伯仲;叉燒中的肥瘦比例均衡,令到啖味起來鬆綿嫩滑,甜度與鹹味都略輕,加上絲絲的煙燻味,更能突出叉燒的美味與層次!油雞的雞皮帶來玫瑰露的香氣,本身富有的油潤感與綿滑的雞肉形成更佳的口感,十分討喜味蕾!再夾起一塊店內主打的燒鵝肉,豐厚的醬汁已完全滲進去,空中飄逸著透人的氣息;送進口中,咀嚼間,鬆脆的鵝皮溢出的油脂即時滋潤了味蕾,而鵝肉亦十分嫩滑,加上醬汁的加持,舌尖上啖味著這極佳質感的燒鵝,有如閃耀著觀看火花般的燦爛,甚至有一刻燃起了兒時初初吃這美物的觸動!不得了,把燒味飯吃完了就逐塊逐塊地琢磨著這美味,尤其是最吸引的燒鵝肶,其肉質的嫩滑與結實度結合著,滋味更上一層樓!最後以爽脆清甜的菜心作收結;輕輕蘸上蠔油,更帶出這嫩綠油嫩的菜心之甜味及菜味,既清新了味蕾,又滋潤了腸胃!多謝好友的帶路,才認識了區內這麼一間有舒適的環境,高質的食物的非一般燒味食店,尤其燒味(更甚之的燒鵝)賣著一個非常合理的價錢!若經開銅鑼灣,這個名字--大壹燒鵝是值得一再停留去飽嚐口福的!…查看更多